Provérbios 16:9 - Kaxinawá Bíblia (BR)

⁹ Hawara wakatsi hunibu yubakakĩ shinaĩbu Senhor Deusũ hatu merabewakĩ haska wai buaibu hatu yunukubaĩmiski.

Provérbios 16:9 Referencias Cruzadas

Salmos 37:23

Senhor Deusũnã, haska betxipaiai keska hau ashunũbũ hawẽ shinã pepa hunibu txibãmamiski.

Provérbios 16:1

Hunibu yubakabiakubainaibũ hanushũ Senhor Deusũ haska betxipaiai amakĩ hatu tashnimashũmiski, haska betxipaiama beshtekinã.

Provérbios 16:8

Huni pepama parananãkubaĩkĩ pei itxapa bikubaĩtirubuki. Hakia huni betsa hawa parananãma pe dayakũkaĩkĩ eskarabes bibiakĩ ha huni padananãmisbu hatu binuhairaki.

Provérbios 19:21

Huni yubakai ibubis hawẽ shinanẽ hãtxakĩ akatsis ibiai atirumaki. Hakia hawẽ shinã nemakĩ Senhor Deusũ haska shinaĩ hawena tashnimashũtiruki.

Provérbios 20:24

Haska yurabu mapukubaĩshanaibu Senhor Deusũ hatũ bai hatu katushũmiswẽ taeshũ haska hiwekubaĩshanaibu ibubis tsuã bebũkiri unãmahairaki.

Provérbios 21:1

Haska shanẽ ibuhairatũ shinãkĩ atirurã, Senhor Deusũ kushipawẽ haska betxipaiai amamiski, hawẽ shinã hene bai tapia keska washũkinã.

Provérbios 21:30

Unanepa inũ, tapinika hãtxa inũ, yubakai penikã habũ Senhor Deus yuibiakĩ binukĩ maematirubumaki.

Isaías 46:10

Ẽ dami wakĩ taewani keyui kai yui ẽ txaniniki, earã. Haska tashniriamahaira haskanũbariai yui ẽ txaniniki. Haska wakatsi ikĩ yubakatã eã ẽ tashnimamiski. Haska tibi hau inũwẽ, akĩ eã ẽ yunua imiski.

1 Samuel 9:16

“Meshukiri habia bariri huni betsa Benjamimnẽ enabũ maiwã pakeanua hanu mianu betsa ẽ yunushanaii. Israelĩ enabu ẽ hatu ena wani hau habũ shanẽ ibu ikũkaĩshanũ ha huni ea katushũkĩ ea meribi washũshãwẽ. Filisteu nawabũ hatu itxakawaibu bika tenekĩ Israelĩ enabũ ea yukaibu hatuwẽ nuikĩ ẽ nĩkaiwẽ taeshũ ẽ hatu merabewaya Filisteu nawabu ha hunĩ maemakĩ ea hatu putamashũshanikiki”, aka Samuelĩ nĩkashinawẽ taeshũ