Provérbios 16:6 - Kaxinawá Bíblia (BR)

⁶ Hamapai txakabu tibi yura betsabuna hakimairã, Senhor Deusũ nuikipaiwẽ txanima atiki. Senhor Deus duawakinã, txakabu tibi mĩ heneakeakekubainaii.

Provérbios 16:6 Referencias Cruzadas

Gênesis 20:11

hanushũ Abraão yuikĩ: —Eã shinãkĩ: “Nenua mã Deuski meseabumaki”, ika “Ea tenãtã ẽ aĩ bitirubuki”, ishũ haskawẽ taeshũ matu yuikĩ: “Ẽ puiki”, akĩ ẽ matu yuitushimaki.

Êxodo 1:17

hakia hatu haska wabia habũ bake kaĩmamisbũ hawa shanẽ ibũ yunuti hãtxa nĩkashunama Deusũ kushipaki mesei datekĩ huni bakebu kaiaĩ hawa hatu meama hiwemakubainaibuwẽ taeshũ

Êxodo 20:20

hatu daewakĩ Moisĩ yuikĩ: —Dateyamakãwẽ, mã mawamakirã. Deus bututã mã haki datei mesepakeshanũbũ matu unãti waikiki. Pe bestikũkaini hiwei mã ana txakabuyamashanunã— hatu wa

Provérbios 14:16

Unanepabu txakabuwẽ datekĩ henekubaĩmisbuki. Hakia unaĩsmapabu txakabuwẽ dateama nashui ika mapumisbuki.

Provérbios 14:2

Tsuara txanima hiwei peshũ Senhor Deus duawakĩ benimawamisbuki. Hakia tsuara hiwei peama kanekubaĩkinã, Senhor Deus danãkubaĩmisbuki.

Provérbios 14:27

Senhor Deus duawakĩ mĩ benimawairã, habia mĩ hiwea kayabiki, mawa kayabi mĩ ma binushinawẽ ana dateamarã.

Provérbios 16:5

Ibubis kẽkubaĩmisbu Senhor Deusũ betxipaiama hatu kupikinã, betsabu hawaira kupikĩ inũ betsabu manakubaĩkĩ hatu kupimiski, hatũ txakabu binumamarã.

Provérbios 20:28

Shanẽ ibuhairatũ hawẽ shanẽ ibu mestẽwaĩ hiwei pekĩ hawenabuwẽ nuikĩ hatu pe mekekubaĩmiswẽ taeshũ tsuã hawẽ kushipa mebĩtirumaki.

Provérbios 3:3

Dasibibuwẽ nuikũkaini txanima hãtxa hawa heneyamakubaĩshãwẽ. Teuti sawea keska wa hatuwẽ nuikĩ txanima hãtxa sawewe, mĩ shinã uke merã netãkinã.

Provérbios 3:7

Ibubis keĩ: “Ẽ unanepahairaki”, iwanã, shinãyamakubaĩshãwẽ. Hakia Senhor Deuski besti datekĩ ha besti duawai txakabu tibi hene keyutã ana meyamakubaĩshãwẽ.

Provérbios 8:13

Senhor Deuski datekĩ duawakubaĩkinã, txakabu danaĩ mĩ haki sinatatiruki. Eanã, nati txakabu ẽ danãmiski: ibubis keaĩbu inũ, ha: ‘Ẽ eã besti hamapai unã keyuaii’, imisbu inũ, hiwe txakakubaĩmisbu inũ, txanitxakakubaĩmisbu eã ẽ hatu danãhairamiski.

Daniel 4:24

Na haska keska mĩ ikũkaĩshanai keska wakĩ mia pewakatsi ikĩ Deus kushipa dasibi hatu binuatũ na kupitiwẽ mia akatsi ma mia yunuaki.

Daniel 4:27

Haskawẽ taeshũ shanẽ ibuũ, ẽ hãtxa mĩ ea txibãtirumẽkaĩ, ea nĩkawe. Ana nĩkaismama pepas akubaĩwẽ. Mĩ txakabu henekubaini nuitapaibuwẽ nuikũkaĩshãwẽ. Haska wakubaini unanuma hiwei mĩ mabuyapakeshanimẽkaĩ, mia kupiamarã”, anikiaki.

Lucas 11:41

Ha inũ, ha dukũ matũ xinã pewatã Deus duawakatsi ikĩ yauxiama nuitapaibu inãkuĩ mã pepakũkaĩshanaii.

João 15:2

Hatiri mebi tibi bimi hayamakẽ meshteshũ putamiski. Hakia hawẽ mebi tibi bimiyamis ana bimihaira wakĩ hawẽ ibuã bumeshtekĩ pewamiski, hau ana katakutã bimihairanunã. Ea ikũwaĩbu ẽ Epa Deusũ habiaskari washanikiki.

Hechos 15:9

Nukunã, nũ Jesus ikũwaĩbu Deusũ nukũ huĩti pepawamis keska wakĩ habũri Jesus ikũwaĩbu Deusũ hawa hatu danãma hawa nuku pashkakĩ betsa wama habiaskas xinã hatube nuku waikiki.

2 Coríntios 7:1

Ẽ betsabu inũ ẽ puibuũ, haskakẽ Deus nukuki hawẽ pepa yubakani hawẽ hãtxa nũ hayaki. Haskawẽ taeshũ nukũ yura inũ nukũ yushĩ mekei Deuski mesekĩ ana hawara txakabũ nuku atimapa watiru ana akama henetã pepai hawenas ikubainãkãwẽ. Haskai nũ hawama dasibi Deusunabu itirubuki.

Efésios 5:21

Haska inũ, Cristokiri pe xinãkĩ mã duawakatsis ikairã, ikũwaĩbu betsabube binunãnãkatsis ikama hatube yununãnãma nĩkakanãkubaĩkãwẽ.

1 Pedro 1:22

Mã ma haskawẽ taea natianã, Deusũ kakape Jesuskiri nĩkatã ha hãtxa txanima txibaĩ mã ma meribi pepabuki. Haskakubaĩkinã, ikũwaĩ betsabube abuname kayabikubaĩkãwẽ. Haskakĩ matũ huĩti hawa txakabu hayama inũ matũ kuxipa hirabiwẽ betsabu merabewai hatuwẽ nui abunamei hatube duanamepakekãwẽ.