Provérbios 15:8 - Kaxinawá Bíblia (BR)

⁸ Huni txakabubũ inabu Deus kuashũkĩ inãkuiaĩbu Senhor Deusũ hatu danãkĩ uĩkatsi ismaki. Hakia huni pepabũ Deusbe hãtxakĩ dayuikĩ yukaibu benimakĩ Senhor Deusũ hatu nĩkamiski.

Provérbios 15:8 Referencias Cruzadas

2 Samuel 15:12

txashuwã bake itxapa tesẽshũ txiwẽ menushũkĩ habetã Senhor Deus kẽwãtanũ, iwanã, Davĩ merabewanika betsa hawẽ kena Aitofel hawẽ mae Gilo anuarã, Absalãonẽ ha iyukatsi kena kashũ Absalãonẽ hatu yunua haskakubainaibũ Davi shanẽ ibu mebĩkatsis ikĩ Absalão kushipakĩ habũ txibãmis shaba tibi hatu itxawakubainaya

1 Reis 3:10

Salomãonẽ haska yuka Senhor Deus benimakĩ

Provérbios 10:24

Huni txakabubu hawara huriamabiakẽ haki datehairamisbu hatuki nukuai meshãkanikiki. Hakia hawara huni pepabũ haska betxipaimis uĩshãkanikiki.

Provérbios 15:29

Huni txakabubu Senhor Deusbe hãtxakĩ yukabiabu hawa hatu kemakĩ nĩkaismaki. Hakia huni pepabu Senhor Deusbe hãtxakĩ yukaibu hatũ hãtxa hatu nĩkakubaĩmiski.

Provérbios 15:7

Unanepabũ hawẽ unanepa hãtxa yuikinã, hatũ hãtxa pepa sa aka keska wakĩ pawabaũmisbuki. Hakia unaĩsmapabũ shinaĩ hãtxamisburã, hawẽ hãtxawẽ tsua hatu merabewatirubumaki.

Provérbios 21:27

Huni txakabubũ shinã txakabiakĩ Senhor Deus daewanũ, iwanã, inabu sheni hatu kuamakĩ ha huni txakabubũ inãbiabu Senhor Deusũ hatu danãkĩ betxipaismaki.

Provérbios 21:3

Hiwei pekaĩkĩ Deusũ yunuti kushipa inũ dasibi haska betxipaiai tibi tsuãra hawẽ yunua ashuainã, daewakĩ inabu kuashũmisbu binuhairamiski.

Isaías 61:8

Deusũ hatu yuikĩ: “Yunuti kushipa pepa ea Senhor Deusũ ẽ betxipaimiski. Hakia habu yumetsumisbu inũ yura betsa tenãmisbu danaĩ ẽ hatuki sinatamiski. Ẽ shinã haskawẽ taea enabu habu duawakĩ heneama pewẽ hatu manakukatsi iki ẽ hatube yubakakĩ mestẽwãkĩ ẽ akibi ashanaii.

Jeremias 6:20

Sabá mai pakea anua sheni ininipa inũ mai pakea betsa txaikea mibã hua inĩhaira haskakĩ mã ea beshũmisbumẽ, ea benimawanũ, iwananã? Ea duawanũ, iwanã, ẽ txi tapu anushũ inabu mã ea menushũmisbu inũ hawẽ sheni mã ea kuashũmisburã, eã ẽ ha ana betxipai hawẽ benimamaki”, iwanã,

Miquéias 6:6

Senhor Deus daewanũ ishũ eska mã shinãmisbuki. Daewakĩ Senhor Deus manaũri hiwea kẽwãkĩ hawa pepa ẽ inãkuĩtirumẽ? Ina awa bene ano bestitxaiya tesẽtã hawẽ nami inũ hawẽ sheni Senhor Deus kẽwãkĩ hau ea kuashunũbũ, iwanã, nukunabu Deusbe hãtxashunikabu yunukĩ ẽ daewatirumẽ? ishũ mã haska shinãmismẽ?

Miquéias 6:7

Hanushũ benimawakĩ 1.000 txashuwã bene inũ 10.000 shumu piti sheni ẽ hatu kuamashunaya Senhor Deus ewẽ benimashanimẽkaĩ? Senhor Deus daewakĩ ẽ huni bake iyua ẽ hatu kuamashũkĩ hawẽ hãtxa danãkĩ ẽ txakabuwakubiranima tere akĩ ẽ yamawatirumẽ? Kanekĩ haska mã shinãmiski.

Malaquias 1:10

“Matuwẽ ẽ hawa benimamaki. Inabu tesẽshũ txiwẽ mã ea menushũbia ana benimama ẽ danãkubaĩshanaiwẽ taeshũ ẽ kẽwãti txi tapu anu hanu mã hamẽ ana txi keti wayamashanũbũ eki nukuti Templo hemaĩtĩ mishki kenebaunibu hikiti shui beputi tibi tsuã mã beputirumẽkaĩ? iwanã, ẽ shinaiĩ.