Provérbios 15:7 - Kaxinawá Bíblia (BR)

⁷ Unanepabũ hawẽ unanepa hãtxa yuikinã, hatũ hãtxa pepa sa aka keska wakĩ pawabaũmisbuki. Hakia unaĩsmapabũ shinaĩ hãtxamisburã, hawẽ hãtxawẽ tsua hatu merabewatirubumaki.

Provérbios 15:7 Referencias Cruzadas

Salmos 37:30

Ha inũ, huni pepabu hãtxairã, hãtxa unanepawẽ imisbuki. Ha dikabi yunuti hãtxa kushipawẽ parananãma pe besti hãtxamiski.

Provérbios 15:2

Huni unanepa hãtxakinã, hawẽ unanepa hãtxa kaĩmamisbuki. Hakia unaĩsmapabũ hãtxa yuibiairã, hawa hãtxa pe yuisbumaki.

Provérbios 15:6

Huni pepa itxakanikamatũ hiwe anurã, mabu inũ piti itxapa hayakũkaĩmiski. Hakia huni txakabubũ mabu inũ piti itxawabiai hawẽ hawara bibiakinã, hawa ibubis pe merabe bitirubumaki.

Provérbios 15:8

Huni txakabubũ inabu Deus kuashũkĩ inãkuiaĩbu Senhor Deusũ hatu danãkĩ uĩkatsi ismaki. Hakia huni pepabũ Deusbe hãtxakĩ dayuikĩ yukaibu benimakĩ Senhor Deusũ hatu nĩkamiski.

Provérbios 16:23

Tsuara unanepa hãtxa hayatũ shinãkubaĩkĩ hawara shabakabi hãtxa hatu yui pewakĩ binumaya: “Txanimaki!” ikĩ yuikubaĩtirubuki.

Provérbios 5:2

Na habiatiã haska tapĩtã shinã pewai unanepã hãtxa unãtã mĩ hawẽ hãtxashanaii.

Mateus 10:27

Hakia hawara ẽ matu besti yuiai huneama shabakãshũ hatu yuibaũshãkãwẽ. Ha inũ, dĩtu merã hikitã hawẽ beputi bepua keska watã hamapai hune ẽ matu yuimis hemaĩtĩ anushũ hãtxa kuxipawẽ shabakabi hatu yuishãkãwẽ.

Mateus 12:34

Hakia maturã, mã paranã dunubuaibuki. Matũ huĩti txakabukẽ haska xinãkĩ kaĩmai hãtxakĩ hawara pepa yuiama txakabu besti mã yuikubaĩmiski.

Marcos 16:15

hatu yunukĩ: —Mai hirabi anu bukĩ Deusũ kakape ekiri dasibibu hatu yusĩkubaĩshãkãwẽ.

Efésios 4:29

Haska inũ, ana hãtxa txakabu yuiama hãtxa pepawẽ besti hãtxakĩ matunabu ana kuxipa wakĩ ikũhairawamakĩ merabewakĩ hatu benimawakubaĩkãwẽ, habũ matu nĩkaiburã.

2 Timóteo 2:2

Itxapabu ẽ hatu yusĩkubaunai mĩ nĩkakĩ tapĩmisshũ akai keskari mĩ hatu tapĩmairã, ha hunibu pe hiwekĩ ikũhairawai txĩtuãma hatu uĩmai duapakũkaĩkĩ yurabu yusĩkĩ hatu merabewatirubu hatu katutã hau habiaskari yusĩkubainũbũ hatu yunukubaĩwẽ.

Santiago 3:6

Nukũ hãtxarã, txi keskariki. Haska keskawẽ tsukira xinãtxaka pixtakĩ nũ shetxakai hãtxairã, nũ ha hatu dabãmakĩ nuitapa watiruki. Hamapai hãtxa txakabu nũ yuiairã, paeki. Haska xinaĩ nũ hãtxamiswenã, ibubis nukũ hiwea bai menukĩ itsa wakĩ nũ benumiski. Satanás txi anu kashanaitũ hatũ matu xinãmamiski, matũ hiwea pe kainai nakumakĩ txakabu wamakinã.