Provérbios 12:4 - Kaxinawá Bíblia (BR)

⁴ Aĩbu unanepa pepatũ hawẽ bene duawakĩ shanẽ ibuhaira keska wa hawẽ taea kẽtiruki. Hakia hawẽ aĩ txakabutũ hawẽ bene duawakĩ merabewama hawẽ hiwea txakabuwamakĩ nuitapawamiski, ana hatu shinãtima wamakinã.

Provérbios 12:4 Referencias Cruzadas

Provérbios 11:22

Aĩbu hawẽruabia hawa tapĩkĩ pe shinaĩsmarã, hamẽki. Ina yawa hawẽrua wakatsi ha mane ouro meitxikiti karuhairawẽ hamẽ deuwatirubu keskarã.

Provérbios 12:5

Huni pepabũ hawara pepa besti akatsi ikĩ ha besti shinãkubaĩmisbuki. Hakia txakabubu parananã bestikatsi shinãkubaĩmisbuki.

Provérbios 14:1

Aĩbu unanepatũ hawenabu tibi hatu pe mekekubaĩmisbuki. Hakia aĩbu pe shinaĩsmatũ hawenabu hawa hatu pe mekeama hiwe txakamakubaĩmisbuki, hiwe teke teke aka keska wakinã.

Provérbios 14:30

Tsuãra hawara bika teneai henetã ana hawẽ nuiamakẽ hawẽ yuraki isĩ hikitirumaki. Hakia huni betsã mabu uĩ habias hayarianũ ika kemumisburã, hatũ yuraki isĩ shauki tekitã txapuai keskabuki.

Provérbios 18:22

Tsuãra aĩbu pepa biarã, hawẽ taea pepa besti hayakũkaĩshanikiki. Senhor Deusũ hawẽ mia duawakatsi hawẽ pepa mia uĩmakubainikiki.

Provérbios 21:19

Hawẽ aĩ hawaira sinatai ha itxakayamakũkaĩmisbe habe hiwearã, bikaki. Haska binuirã, hari tsua hiweabuma anu ana bikama hiwekũkaini haska peki.

Provérbios 21:9

Hiwe ewapa hawẽrua anu hiweshũ aĩbũ hawẽ bene ha a txakayamakĩ hiwe txakamamisrã, haska hiwea pemaki. Hamẽ ha binumai huni betsã hiwe manaũri tsuara deshũ betsa ewapama anu ha mesti haskanu hiwea peki.

Habacuque 3:16

Mĩ haska washanai nĩkatã ẽ datehairaii. Ẽ kesha tari tari iki ẽ yura hirabi ẽ kushipa benui babui ẽ kishi mestẽtiruma ikimaki. Haskabiashanaya nukuki sinataibu tsakanamenikabu ha shabatiã Deusũ hatu bika tenemabiashanaya haskabiaya eã unanuma ẽ manakubaĩshanaii.

1 Coríntios 11:11

Haskakẽ nũ Jesus ikũwaĩburã, hunibus aĩbuuma hiwetirubumaki. Aĩbusri huniuma hiwetirubumariki, ha dabe pashkatã hawawẽ haskatirubumawẽ taearã.

1 Coríntios 11:7

Hamẽ hunirã, hawawẽ hawẽ bushka mayabukutirubumaki, Deusũ huni ha dukũ damiwakĩ hawẽ kuxipa unãti wati ha itsa Deusũ huni waniwẽ taearã. Hakia aĩburã, hunibu itsa Deusũ hatu waniki, hau hawẽ benẽ kuxipayakĩ duawanũbunã.

Rute 3:11

Mĩ aĩbu pepahairakĩ hatu uĩmaya dasibi ẽ mae anu hiweabũ unaĩbuwẽ taea hawa dateyamawe. Haskawẽ taeshũ mĩ ea haska yukai keska ẽ mia atiruki.