Provérbios 12:24 - Kaxinawá Bíblia (BR)

²⁴ Dayakapã daya pe tapĩtã hatu yunushanikiki. Hakia habu txikishburã, huni betsã tsuma washũ hatu dayamamisbuki.

Provérbios 12:24 Referencias Cruzadas

Gênesis 49:15

Mae hawẽrua betxitã hanu dayai hanu huĩrukũkatsi mabu shãkama peubirãkĩ minabu hatu escravo tsuma watã hatu yunua hawa yuiama minabũ hatu dayashũkubaĩshanikiki”, atã

1 Reis 11:28

hatube dayai Jeroboão huni kushipa yunu beru inuĩra uĩkĩ beru mestẽwãshũ Israelĩ bake José enabu hau hatu dayamakĩ hatu yunukubaĩshanũ Salomãonẽ Jeroboão katushũ shanẽ ibu beshmas hatu washuĩmakẽ

1 Reis 12:20

Egito anua Jeroboão ma txĩtuĩmakẽ Israel enabu dasibibũ unãtã ha shanẽ ibuhaira wakatsi ikĩ Jeroboão kenabu hua Israelĩ enabu dasibi itxabu anushũ shanẽ ibuhaira wakatsi katukĩ hatũ shanẽ ibuhaira wabu Davĩ enabu shanẽ ibuhaira Roboão tsuã ana nĩkakĩ txibãbumahairakẽ hakia Judá enabũ Davĩ baba Roboão nĩkakĩ habũ besti txibãkubainaibũ

Provérbios 10:4

Tsuara eskarabes dayamis hawa hayama nuitapakubaĩmisbuki. Hamẽ tsuara daya txakayamamisburã, dasibi hayakubaĩmisbuki.

Provérbios 12:27

Huni txikish piaya kashunã, hawa tsakaisbumaki. Hakia huni dayakapa hiwearã, hamapai itxapa bitã hayamisbuki.

Provérbios 13:4

Txikishbũ hawara betxipaikĩ bikatsis ibiai hawa bitirubumaki. Hakia dayakapaburã, hamapai hayakubaĩmisbuki.

Provérbios 17:2

Tsuãra huni bake tatimawẽ taeshũ hawẽ tsuma unanepa ikũkaĩkĩ shanẽ ibukĩ ha bake tatima yunukubaĩshanikiki. Hanua hawẽ ibu ma mawakẽ hawẽ huni bake betsabubetã ha hawẽ tsumapã hawẽ mabu pashkashanikiki.

Provérbios 19:15

Tsuara txikish usha besti shinaĩ usha bestikũkaĩmisrã, dayamawẽ taea buni tenekubaĩshanikiki.

Provérbios 22:13

Txikishi hawaki beparametima dayakatsi ikamawẽ taeshũ hawenabu parãkĩ yuikĩ: “Bai namaki inu betsa leão manakanãmiski. Eki nukutã ea pitiruki. Ẽ hawa kamaki”, ikĩ yuimisbuki.