Provérbios 12:13 - Kaxinawá Bíblia (BR)

¹³ Huni txakabubũ txanitxakamisbuwẽ taea ibubis hatũ txakabuwẽ beshekea hani pashatibubumaki. Hakia huni pepabu txakabu anua kaĩbaini pashamisbuki.

Provérbios 12:13 Referencias Cruzadas

Salmos 34:19

Tsuabura huni pepabu merabenaĩ yurabũ hatu unãma betsa betsapawẽ hatu itxakawamisbuki. Hakia Senhor Deusũ haska teneaibu hatu duawakĩ haska tibi hatu putamakĩ binumamiski.

Salmos 34:20

Huni pepa Senhor Deusũ hawẽ shau tibi mekemiski. Haskawẽ taeshũ hawẽ shau betsa tekeama ishãkanikiki.

Provérbios 10:8

Unanepabunã, yunuti hãtxa pepa hawaira nĩkamisbuki. Hakia habu patapakĩ hãtxa txakabu yuimisburã, hawaira txakabui benushãkanikiki.

Provérbios 11:8

Huni pepabu tsuãra hatu bika tenemaibu Deusũ hatu pashawakĩ merabewatã hanushũ huni pepatũ shãtukũ huni txakabu Deusũ hatu bika tenemamiski.

Provérbios 15:2

Huni unanepa hãtxakinã, hawẽ unanepa hãtxa kaĩmamisbuki. Hakia unaĩsmapabũ hãtxa yuibiairã, hawa hãtxa pe yuisbumaki.

Provérbios 18:21

Mĩ hãtxawenã, mĩ hiweshanai inũ mĩ mawashanai haratura yui mĩ hãtxaii. Haska txakabu yui mĩ hãtxa txakayamamisrã, habiaskari mei mĩ bika tenepakeshanaii.

Provérbios 21:23

Tsuara hari shinaĩ hãtxakatsi bebũkiri shinã pewatã hawẽ hãtxa pe kaĩmamisrã, hamapai txakabuwaismawẽ taea hakiri shinã txakatirubumaki.

Provérbios 6:2

Miã yunukĩ mĩ hãtxawẽ yubakĩ ibubis mĩ kaneimawẽ taeshũ mia ma atxiaki.

Daniel 6:24

hanushũ ha katxu habũ Danielki txakabuwati shinãshinabu hau hatu itanũbũ Dariõ hatu yunua ha hunibu inũ, hatũ aĩ inũ, hatũ bakebu hatu itãshũ leão pubẽ anu hau hatu urenũbũ hatu yunua hatu urẽ urẽ akabu tĩ iriabuma leão ishtxukirã atxishũ hatũ sheta inũ hatũ mẽtsiswẽ hatu hashkakĩ tseka tseka ashũ pikĩ keyuaibũ

Mateus 27:25

ha yura dasibibũ yuikĩ: —Peki. Nuku inũ nukũ bakebũ nũ yunuaiwẽ besti hau mawanũwẽ— akabu

2 Pedro 2:9

Noé inũ Ló Deusũ pashawanishũ tsuabura hawenabu ikatsis ikĩ hatũ hiwea Deus inãmisburã, hawẽ taeshũ hawara bika tibi hatu memabiaibũ nukũ Shanẽ Ibũ unãkĩ hatu txakabu binumariakubaĩtiruki. Hamẽ habu txakabumisburã, hanu bari hawẽ heneaitiã hatu unãti watã hatu kupishanai unãriaikiki.