Provérbios 10:8 - Kaxinawá Bíblia (BR)

⁸ Unanepabunã, yunuti hãtxa pepa hawaira nĩkamisbuki. Hakia habu patapakĩ hãtxa txakabu yuimisburã, hawaira txakabui benushãkanikiki.

Provérbios 10:8 Referencias Cruzadas

Provérbios 1:5

Yurabu unanepa inũ tapĩhairanikatũ yusiã nĩkakĩ ana unanepahairakĩ dasibi haska tapĩkubaĩmis shinãkĩ ana shabakabi tapĩtirubuki,

Provérbios 10:10

Tsuãra huni betsa parãmakĩ beruwẽ hatu unãmakĩ hatukiri shetxiku amisrã, unãtã hatu itxakawakĩ hatu nuitapawamisbuki. Unaĩsmapatũ pe shinãma hawaira hatu hãtxa yuibauni txanikaũmisrã, hawẽ txakabuwẽ taeshũ hakiri pe shinãma hatu itxakawashãkanikiki.

Provérbios 10:14

Unanepabũ hawẽ unanepati hãtxa mekekĩ hawaira yuisbumaki. Hakia unaĩsmapabũ hatũ hãtxa hawaira yuikĩ mese wakĩ hatu sinatamamisbuki.

Provérbios 12:1

Tsuãra nemati betxipaikĩ txibainã, habiawẽri unanepati hãtxa betxipairiaikiki. Hakia tsuara nemakĩ yusĩbiabu danãmisburã, unaĩsmapa bestiki.

Provérbios 12:13

Huni txakabubũ txanitxakamisbuwẽ taea ibubis hatũ txakabuwẽ beshekea hani pashatibubumaki. Hakia huni pepabu txakabu anua kaĩbaini pashamisbuki.

Provérbios 13:3

Tsuãra hawẽ hãtxa mekemis ibubis meketirubuki. Hakia tsuãra hamapai yui hãtxawãmisrã, hamẽ hawena besti benushanikiki.

Provérbios 14:23

Tsuara daya txakayamakũkainirã, piti inũ mabu hayakubaĩmisbuki. Hakia hawa wamabia hãtxa bestikubaĩmisburã, hawa hayama nuitapakubaĩmisbuki.

Provérbios 14:8

Huni pepa unanepatunã, haska pe hiwetiru bebũkiri unanepakĩ unãkubaĩmiski. Hakia unaĩsmapa pe hiwetiruma ibubis parananãmisbuki.

Provérbios 9:8

Habu kashei hawaira sinatamisbu nemakĩ mĩ hatu tapĩmapaia miki sinatakĩ mia danã bestishãkanikiki. Hakia huni unanepa nemakĩ mĩ tapĩma shinã pewatã miwẽ benimatiruki.

Provérbios 9:9

Hamẽ huni unanepa mĩ yusiã nĩkakĩ tapĩhairai ana unanepa txakayamashanikiki. Huni pepa mĩ yusiã mia nĩkatã ana itxapa tapĩshanikiki.

Santiago 3:13

Eskai unãnepa kayabi mã hiwetiru matu yuinũ nĩkairakãwẽ. Txanima matubu hatiribũ Deusũ hãtxa unãhairakĩ mã nĩkahairakubainaibunã, kaneama yurabu matũ xinã pe hatu uĩmai pehaira hiwekubaĩkãwẽ. Mã haska hiweabu hawara pe mã akubaĩmis xinãkĩ ana yuiama duapa bestikĩ haska Deusũ xinãwẽ babutã unãnepahairakĩ shabakabi yura betsabu mã hatu uĩmatirubuki.