Provérbios 10:25 - Kaxinawá Bíblia (BR)

²⁵ Niwe kushipahaira shubi shubi ibirãkĩ huni txakabubu yamawakĩ keyushanikiki. Hakia huni pepabunã, hawa meama hawama hiwekubaĩshãkanikiki.

Provérbios 10:25 Referencias Cruzadas

Salmos 15:5

tsuara pei inãtã ana shekakĩ paraĩsma inũ, huni txakabuwamanũ, iwanã, huni betsa pei inãkĩ yunu txakabu aismarã, haska hiwekũkaĩmisrã, habũ besti hawa txakabuwaisma ea kẽwãtirubuki. Hawa ana txakabu meama tsuã ana hatu parãkĩ txakabuwamatirumaki”, ea waimaki.

Provérbios 1:27

Mai anua niwe bei shubi shubi ibirãkĩ dasibi matu datebirãkĩ txakabuwabirãkĩ yamawabiranaya datei mã nuitapaya ẽ matuwẽ ana hawa nuiama ishanaii.

Provérbios 10:30

Huni pepabu hatũ hiwea betsa taska kane hayama ishãkanikiki. Hakia huni txakabubu na mai anu hiwei ikibi ikama ishãkanikiki.

Provérbios 12:3

Hunibũ txakabuwamisburã, ha txakabunã, hawẽ hatu mestẽwãtirumaki, hiwe txibu hayama keskarã. Hakia huni pepabu hatũ hiwea mestẽwãti hi tapũ uke merãhaira beshea keskabuki, tsuã hatu betsetirumarã.

Provérbios 12:7

Huni txakabubũ kanekubaini hawẽ hiwea beshtekei mawamisbuki. Hakia pepabu hatũ hiwearã, unanuma hiweyukubaĩmisbuki.

Isaías 40:24

Haburã, mibã betsa dama banabu hatũ tatxa mai anu hawẽ tapũ hayariama mestẽriama keskabuki. Deusũ hatu mamaki shũ aka txushimis keskabuki. Uiyabi niwewã bekĩ hawẽ pei shana nuyamabaĩmis keskabuki.

Mateus 16:18

Eã mia kenakinã, mia Pedro wakĩ mixki kuxipa keska ẽ mia waii. Mĩ haska hãtxakĩ yuishuwẽ taeshũ yurabu mĩwẽri itxapa ẽ hatu ikũwãmashanaii. Yura mema mawatirubiakẽ Satanásã datemakĩ ea ikũwaĩbu maematirumaki, hatu nemakinã.

Efésios 2:20

Haskakẽ mã ikũwaĩbu dasibirã, mã mixki hiwe keskabuki. Habu dukũtũ mixki hiwe wakatsi bepushkĩ buyamisbu keskarã, Jesusũ kuxipayabu inũ hawẽ hãtxa yuishunikabũ yusĩkĩ Jesus Cristokiri besti akaibu txanima Cristo hamebi hawẽ mestẽwãti kayabiki, mixki ewapa maratãshũ tsamĩkĩ mestẽwãmisbu keskarã.

1 Timóteo 6:19

Haska wakubaĩmiswẽ taeshũ Deus hatuwẽ benimakĩ hatũ duapa pepawẽ bari hawẽ heneaitiã Deusũ hatu manakushanai txanima hiwekuĩa kayabi bi haki nukunũbarikanikiki.

2 Timóteo 2:19

Hatu haska wabiaibũ ma meribi Deusũ hawenabu kuxipa wakĩ mestẽwani hawa ana betsa wama ishanai ma Deusũ hãtxa kaneama kenenibu hayaki. Haskakẽ: “Nukũ Shanẽ Ibũ haratura hawenabu ma unaĩkiki”, ha inũ: “Tsuabũra nukũ Shanẽ Ibũ kenawẽ Deusbe hãtxakinã, hatũ txakabu txitetã hau henekubainũbũwẽ”, ariani kenenibu hayaki.