Provérbios 1:7 - Kaxinawá Bíblia (BR)

⁷ Senhor Deus duawakĩ haki datekĩ hawẽ hãtxa nĩka pewakĩ unanepakĩ tapĩ taewabaĩtirubuki. Hakia tsuara unaĩsmapabũ unanepati inũ yusĩti hãtxa pepa danãmisbuki.

Provérbios 1:7 Referencias Cruzadas

Provérbios 1:22

“Berunã hawa tapĩriabumaã, hawa unãma besti hiwenũ ika haska betxipai mã hatuki kasheai inũ unanepati hãtxa mã danãmisrã, hatiã mã heneshanai?

Provérbios 15:32

Tsuãra txakabuwai nemabiabu hatũ nemati hãtxa nĩkama hatumebi danananãmisbuki. Hakia tsuãra hatũ nemati hãtxa nĩkakĩ tapĩkubainirã, beshtekei unanepamisbuki.

Provérbios 15:33

Senhor Deusũ nemati hãtxa tsuara hawẽ datekinã, hawẽ unanepakĩ tapĩkubaĩmisbuki. Txipu matu kẽwãshanaiburã, ha dukũ ibubis keãma pe hiwekũkaĩtiki.

Provérbios 15:5

Hatũ epã hatu nemakĩ pewamis hãtxa ha unaĩsmapabũ nĩkaisbumaki, danãkinã. Hakia unanepatũ hatũ epã hatu nemakĩ pewamis hawẽ hãtxa nĩkakĩ shabakabi hatu uĩmakubaĩmisbuki.

Provérbios 18:2

Huni unaĩsmapatũ shinanã, ana hawara betsa tapĩkatsi ismaki. Haska hawẽ shinã ma haya unãkĩ haska besti hatu yuikatsis imisbuki.

Provérbios 2:5

Mĩ haska benaiwẽ taea haska Senhor Deus duawai mĩ dayashũtiru inũ mĩ hakiri tapĩkĩ unãhairashanaii.

Provérbios 9:10

Unanepai taekinã, Senhor Deus ha dukũ nĩkatã duawakubaĩtiki. Deus meribi pepahaira mĩ unainã, hawaira tapinika mĩ ikũkaĩtiruki.

Romanos 1:28

Habũ Deuskiri xinã txanima kayabi ana xinãkatsi ikama ikubainaibuwẽ taeshũ hatũ huĩtinĩ xinã txakaibu haska abui hiweaibu Deusũ habu ana nemamaki.

Deuteronômio 4:6

Haskawẽ taeshũ Senhor Deusũ hãtxa nĩkakĩ mã akubainaibu tsuabũra matu uĩkĩ mã unanepabu inũ mã nĩkanikabu matu uĩkĩ shinãshãkanikiki. Senhor Deusũ hãtxa mã txibãmiskiri tsuabũra nĩkakĩ yuikubaĩkĩ: “Ha yurabu itxapabu patapama yusĩ nĩkanikabu inũ unanepabuki”, akĩ matukiri yuitirubuki.