Provérbios 1:28 - Kaxinawá Bíblia (BR)

²⁸ Ha shaba haskaitiã tsuãra ea kenabiaya ẽ hawa hatu kemama ishanaii. Habũ ea benabiai hawa eki nukuama ishãkanikiki”, iwanã, hatu ana yuikĩ:

Provérbios 1:28 Referencias Cruzadas

Gênesis 6:3

Hanushũ Senhor Deusũ hatukiri shinãkĩ: “Ẽ yushinẽ hatu merabewapaibia yurabũ ea shinãma txakabukubaĩkĩ hatũ yura besti shinaĩ hiwekanikiki. Haskaibuwẽ taea ana hatishuĩra hunibu hiwetirubumaki. Haskakubainaibu ana 120 bari besti yurabu hiwetã debushãkanikiki”, inikiaki.

Provérbios 15:29

Huni txakabubu Senhor Deusbe hãtxakĩ yukabiabu hawa hatu kemakĩ nĩkaismaki. Hakia huni pepabu Senhor Deusbe hãtxakĩ yukaibu hatũ hãtxa hatu nĩkakubaĩmiski.

Provérbios 8:17

Tsuabũra ea betxipaiaiburã, eãri ẽ hatu betxipaimiski. Tsuabũra ea benai eki nukumisbuki.

Isaías 1:15

Matũ mekẽ meshãtã ebe hãtxakĩ mã ea yukabiaya ẽ matukiri uĩkatsi ikamahairaki. Mã ea yuka txakayamabiaya mã mekẽ himi haswẽ taeshũ ẽ matu hawa nĩkamaki.

Amós 8:12

Ẽ hãtxa benai yurabu harakiri kai unãbuma berutubauni ianẽwã itamamahairakiri bui inũ, henewã kesha betsauri bui inũ, nortekiri bui inũ, bari huaikiri bubia hakia hania ẽ hãtxaki nukutirubumahaira ishãkanikiki.

Miquéias 3:4

Txipu shaba betsatiã merabe ea Senhor Deus mã yukabiaya ẽ matu kemama ishanaii. Mã txakabuwakubaĩmiswẽ taea hanu mã ea yukaitiã ẽ matu nĩkakatsi ikama matu anua ẽ huneshanaii.

Santiago 4:3

Ha inũ, hawarakiri Deus mã yukamiski. Hanushũ mã yukakĩ mã ea abia hawa mã bismaki, mã hamakiri yukatxakaiwẽ taeshunã, haskarã, haska Deusũ xinaĩ keska akatsi ikama haska matũmebi hawẽ beparamei ibubis benimai mã hamẽ txakawakatsi ikĩ hakiri xinaĩnã.

1 Samuel 8:18

Ha yununika shanẽ ibu kushipahaira ikis mã katukatsi ikaitunã, matu itxakawakubainaya Senhor Deusũ hau matu merabewanũ kashakĩ mã yuka Senhor Deusũ matu ana nĩkama ishanikiki— hatu wa