Provérbios 1:2 - Kaxinawá Bíblia (BR)

² hawenabũ tapĩtirubuwẽ taeshũ yusĩkubainikiaki, eska hatu yuikinã. Yusĩti inũ, unanepati inũ, merabewakĩ tapĩmati hãtxa nĩkai hau pekubainũbũ inũ,

Provérbios 1:2 Referencias Cruzadas

Provérbios 15:33

Senhor Deusũ nemati hãtxa tsuara hawẽ datekinã, hawẽ unanepakĩ tapĩkubaĩmisbuki. Txipu matu kẽwãshanaiburã, ha dukũ ibubis keãma pe hiwekũkaĩtiki.

Provérbios 16:16

Mane ouro karuhairabiakẽ shinã unanepatũ binuaki. Mane prata karuhairabiakẽ tapinikatũ binuriaki.

Provérbios 17:16

Peiwẽ unanepa hãtxa binũ ika ha unanepa tapĩtirumabia haskai unaĩsmapa peiya huimẽkaĩ?

Provérbios 19:20

Mia yusiãbu nĩkakĩ nemati hãtxa tapĩkubaini huni ewai mĩ unanepashanaii.

Provérbios 2:9

Pepai hiweabu Senhor Deusũ hatu mekekubaĩmiswẽ taeshũ miari hawa txanitxakama inũ hawa parananãma dasibi mĩ pe besti hiwekũkainai mĩ tapĩshanaii.

Provérbios 4:1

Epaã, mã ẽ huni bakebuwẽ taeshũ ẽ yusiã pepa tapĩkĩ ẽ hãtxa ea nĩkakĩ matũ hiwea pewakubaĩkãwẽ, hawara pepa inũ hawara txakabu unãti wakinã.

Provérbios 7:4

Unanepa hãtxakiri shinãkĩ: “Unanepa hãtxawẽ mĩ hawẽ hãtxatirurã, mĩ pui keska wawe. Hawaira tapĩtikiri shinanã, mĩ haibu aĩbu keska wawe.

Provérbios 8:33

Ea unanepakiri ẽ matu yusiaĩ nĩkakĩ tapĩkĩ ea danãyamashãkãwẽ.

Provérbios 8:5

Mã berunã hawa tapĩriabuma inũ unaĩsmapabuũ, haskai mã unanepatiru inũ mã nĩkanikatiru ea tapĩkãwẽ.