Números 24:9 - Kaxinawá Bíblia (BR)

⁹ Israelĩ enabu huĩrukuĩ maniabũ inu betsa leão huĩrukuĩ daka keskakẽ datekĩ tsuã bestẽwãkatsi ikamaki. Tsuabũra matu pepawaibu Senhor Deusũ haturi pepawashanikiki. Tsuabũra matu yupuaibu Senhor Deusũ hatu kupikĩ yupuriashanikiki” ikaya

Números 24:9 Referencias Cruzadas

Gênesis 12:3

Hanushũ tsuãra mia pepawaya ẽ haturi pepawashanaii. Hakia tsuãra mia txakabuwakĩ yupuwaya hatu kupikĩ ẽtseri ẽ hatu mia yupushũkubaĩshanaii, manakukinã. Ha inũ, miwẽ taeshũ nawa betsa betsapa mai hirabi anu shukua hiwebaunabu dasibi ẽ hatu pepawariashanaii”, aka

Ester 6:13

dasibi haska watanai hawẽ aĩ Zeres inũ hawẽ haibuaibu hatu yui keyua haska hatu yuia nĩkatã habũ yuikĩ: —Ha Mardoqueurã, Judeu nawarukaĩ. Shanẽ ibuhairatũ Mardoqueu betxipaiaiwẽ taeshũ mĩ kushipa mĩ ma benukĩ taewashuki. Mardoqueu mĩ maematirumaki. Hakia mĩ shanẽ ibu babutã dasibi mĩ benushanaii— akaibũ

Jó 41:10

Tsuãra tsatsakapetãwã bestẽ wãkĩ betxima sinatahairaya tsua ha bebũ katirumahairaki, binubaunirã. Ea Deus kushipahaira dasibi binuatũ besti ẽ binutiruki.

Salmos 2:12

Ha inũ, hawẽ bake kẽwãkĩ pepawakubaĩkãwẽ, mã nĩkamawẽ taea hawaira matuki sinataya hau bai namakishũ matu tenãyamanunã. Hamẽ tsuabũra Deusũ Katua betxipaikĩ mekemakubaĩmisburã, habu besti benimakubaĩmisbuki.

Isaías 31:4

Senhor Deusũ ea yuikĩ: “Ea Senhor Deus kushipahaira dasibi binu keyua Mati Sião anua enabu Israelbu hatu merabewai hui ẽ eskakirãshanaii. Inu betsa leão inawã txashuwã bitã piaya txashuwã mekenikabũ leão datekĩ kushimanũ itã hanus itxatã sai sai abiabu leão hawa dateama imis keskai eari haska keskariai ẽ hushanaii.

Miquéias 5:8

Haskabiaibũ yuinaka shukua inu betsa leãonẽ hatu atxitiruki. Ina txashuwã shukuaburi hatu atxiriakĩ hawa betsa heneama tetsã akĩ tenãmisbu keskai yurabu shukuabu betsa betsapa mirima anu Jacó enabu hiwebaunabu habiaskariai kushipariashãkanikiki.

Números 22:12

haska Balaãonẽ yuia Deusũ nĩkatã yuikĩ: —Haskamaki. Hatube kayamashãwẽ. Ha dikabi ha nawabu hatu yupuyamawe. Ha nawa betsaburã, enabuki. Eã ẽ hatu duawakubainaii— aka ishĩ

Números 23:24

Inu betsa leãonẽ hawẽ piti yuinaka atxishũ debu washũ hawẽ nami pikĩ hawẽ himi akĩ keyuriama yaushi tekerẽ tekerẽ imis keska ha yurabu pubẽ meseburiki”, ikaya

Números 24:10

haska nĩkatã Balaque Balaãoki sinatahairai mekẽ nata txakã txakã akĩ yuikĩ: —Mĩ ea hatu yupushuniyunũ ẽ mia kenashĩshũ iweaki. Hakia ẽ hatuki sinatabiaya ẽ hãtxa danãkĩ mĩ hatu duawakĩ pepawashuki, dabe inũ bestikirã.

Mateus 25:40

eãri hatu yuikĩ: “Txanima ẽ matu yuiaii. Na dasibi ẽ betsabu inũ ẽ puiburã, hawaumabubiakẽ nuikĩ mã hatu merabewakubaĩmiski. Hatu haska wakĩ ikũ eari mã ea duawakubaĩmiski”, iwanã, hawẽ yusiuriabu yui keyutã

Mateus 25:45

eãri hatu yuikĩ: “Txanima ẽ matu yuiaii. Na dasibi ẽ betsabu inũ ẽ puibu hawa hayamabiabuwẽ nuiama ewẽri mã nuiama ikubaĩyamabuki”, ẽ hatu washanaii.

Hechos 9:5

Saulõ dateyabi yukakĩ: —Shanẽ ibuũ, mĩ tsua ikai?— aka hanushũ ha hui tashniaitũ Saulo ana yuikĩ: —Habia ea ikũwaĩbu mĩ ea hatu itxakãwainã, ẽ eaki, Jesusrã.