Números 24:14 - Kaxinawá Bíblia (BR)

¹⁴ Haskakenã, ẽ maekiri ẽ ma kaii. Hakia ẽ kariama ha yurabu minabube haskakubaĩshanaibu mia yuinũ ea nĩkawe— iwanã,

Números 24:14 Referencias Cruzadas

Gênesis 49:1

hanushũ ana betsatiã Jacó hawẽ huni bake dasibi kenashũ hatu yuikĩ: “Ea anu itxakãwẽ. Mã haskanũbariai matu bebũkiri yuinũ ea nĩkai bekãwẽ”, hatu wa itxabu

Daniel 2:28

Habiaskabiakẽ Deus bestitxai nai anu hiweatũ hawara hunea unãmamiski. Haskanũbariai mĩ shanẽ ibuhairakẽ mia unãmashinaki. Mĩ usha namakĩ hawara mĩ uĩshina ẽ mia unãmaii.

Miquéias 6:5

Enabuũ, natiã ekiri haska shinãkubaĩkãwẽ. Matũ shenipabu bukubainaibu yupunũ ika haska Moabe nawabu shanẽ ibuhaira Balaque yubakabiaya haska Beorĩ huni bake Deusũ hãtxa yuishunika Balaãonẽ Balaque nema matũ shenipabu yupuama iniki. Ha dikabi betsa eska shinãkãwẽ. Sitim anua matũ shenipabu kaĩbirani Hene Jordão pukebirani Gilgal anu hiki bukĩ ea ẽ Senhor Deus hau ea unanũbũ ẽ hatu merabewakĩ binumani haska ana shinãkĩ tapĩkãwẽ”, akĩ matu yuikiki.

Números 24:17

Hawara haska tashnishanai ma ẽ uĩshuki. Unu iriamahaira haskakũkaĩshanai bebũkiri ẽ unaiĩ. Jacó enabu anua huni kushipahaira tashnishanikiki, bishi bena txasha txasha ikai keskarã. Israelĩ enabu anu shanẽ ibuhaira benikaũshanikiki. Hatũ bushka butxusha keska wakĩ Moabe nawabu yamawashanikiki. Sete enabu pabiakubainaibu haburi butxushkĩ yamawariashanikiki.

Números 24:25

yui menetã Balaão hawẽ maekiri txĩtũkainaya Balaqueri hawenabube hawẽ mae anu txĩtũriabainibukiaki.

Hechos 2:17

Deus txanii: ‘Ma bari hawẽ henei kaya ẽ Yushĩ Pepa yurabu anu ẽ hatu yunua hatuki dasikẽ matũ huni bakebu inũ matũ aĩbu bakebũ ekiri yusĩaĩbũ berunãbu usha keskashũ dami betsa betsapa uĩaĩbũ anibubu usha ekiri namariashãkanikiki.

2 Timóteo 3:1

Hanu Jesus Cristo ma ana hua kemaya bika betsa betsapa kaĩbirãshanairã, mĩ ma unaĩ uĩrakubaĩshãwẽ.

Apocalipse 2:10

Matu bika memashanaibuwẽ taea dateyamakãwẽ. Eska wakĩ diabõ bestibu matu hatu atximatã bitxiti hiwe anu matu bitximashanikiki. Haska wakĩ dasibi mã ea ikũwaĩbu matu bika tenemaibu hawẽ matu unãti wakeakeshãkanikiki. Haskawẽ taea dez dia besti haska matu tenemaibuwẽ taea txĩtũyamashãkãwẽ. Matu itxakawakĩ matu tenãbiaibũ tenekubaĩshãkãwẽ. Matu haska waibuwẽ taeshunã, eãnã, matũ manakuti inãkinã, hiwea kayabi ẽ matu inãshanaii.

Apocalipse 2:14

Mã haskabia kanei eska tibi matu anu hayabu matu yuinũ nĩkakãwẽ. Ha mã habube itxabiamis hatiribũ Balaãonẽ yusĩni putabumaki. Israelbu hau Deuskiri txakabushanũbũ Balaãonẽ nawa shanẽ ibu Balaque yusĩtxakakĩ yuikĩ: Hatu beyusmakĩ yushĩ dami kẽwãti betsa nami inãxinabu hatu pimashãwẽ, ani inũ matũ bake txipaxbe hatu txutanamemati hatu xinãmashãwẽ, ani haska heneabumaki.