Números 23:12 - Kaxinawá Bíblia (BR)

¹² Balaãonẽ kemakĩ yuikĩ: —Haska ea yuimai besti ẽ mia yuitiru Senhor Deusũ ea yunua nũ atiruki— aka

Números 23:12 Referencias Cruzadas

Êxodo 4:15

Hau mia ha hãtxashunũ haska dasibi mĩ hatu yuikatsi ikai mĩ betsa Arãobetã mĩ hatu yuiaya matu dabe ẽ merabewakubaĩshanaii, haska mã akai matu unãmakinã.

Números 22:20

ha meshu merã Deus Balaãoki ana nukushũ yuikĩ: —Mĩwẽ taea ha hunibu bekãshurã, benitã hatube katãshãwẽ. Hakia harishũ ẽ mia yunuai besti akubaĩtãwẽ— abaini kakẽ

Números 22:38

Balaãonẽ kemakĩ yuikĩ: —Mia uinũ ika ẽ hushurã, ma ẽ nenuki. Eska besti ẽ mia yuitiruki. Ẽ shinanẽ eiskauã emebi ẽ kushipawẽ ẽ yuismaki. Hakia haska Deusũ besti ea yunua ẽ atiruki— aka

Números 23:13

Balaquẽ Balaão bika wakĩ yuikĩ: —Ua mati betsa anu ebe kawe. Harishũ hatũ tari hiwe pũtebaunabu uĩ keyuama hatiri besti uĩkĩ dateama harishũ mĩ ea hatu yupushũtirumẽkaĩ— atã

Números 23:20

Hakia ẽ hatukiri pe yuikubainũ ea yunushuki. Deusũ hatukiri pe yuiaya hãtxa betsawẽ ẽ nematirumaki.

Números 23:26

Balaãonẽ kemakĩ yuikĩ: —Haska Senhor Deusũ ea yunua ha besti ẽ atiruki. Habiaska bebũkiri ẽ mia yuia mĩ nĩkashuki— aka

Números 23:3

hanushũ Balaãonẽ Balaque ana yuikĩ: —Na habia yuinaka menuai dapishũ ea manayuwe. Senhor Deus hui eki nukushũ harakiri ea hãtxa waimẽkaĩ, ẽ uĩyui kairã. Hawara ea unãma nĩkabirã ẽ miki txaniyuaii— aka mawa tenãma hawa hayama anu Balaão ka

Números 24:13

“Haska mã hakiri ea yuibiaibunã, hawẽ hiwe ewapa hawẽrua anua hawẽ ouro inũ prata mane arua ha dasibi mĩ shanẽ ibu Balaquẽ ea inãkuĩbia haska Senhor Deusũ ea yunua hakiri shinãma ibubis ẽ shinanẽ hawara pepa inũ hawara txakabu ẽ atirumaki. Hawara Senhor Deusũ yunukĩ ea yuia ha besti ẽ ashũtiruki”, akĩ ẽ hatu yuimaki.

Romanos 16:18

Haska habu parananãkĩ nukũ Shanẽ Ibu dayashunaiburã, hamẽ ikanikiki. Haska habũ xinaĩ besti abukĩ hatũ hãtxa hawẽrua txẽshwẽ besti hatu hãtxa wakĩ yura betsabu Jesus Cristokiri kakape unãhairariama beparamekanikiki. Haskakẽ hatuki kemama jatu dũkekubaĩkãwẽ.

Tito 1:16

Haskawẽ taeshũ habũ yuikĩ: “Deus ẽ ikũwaiĩ”, ibiakĩ hamapai txakabu betsa betsapa akĩ Deusũ haska abumis akama danãmisbuki. Habunã, eska tibi wakinã, hatuki sinatakĩ tsua abuama inũ, huĩti kuxi sinarãwã hawa hatũ xinã pepamawẽ taeshũ hawara pepa wakĩ Deus ashũtirubumaki.