Números 21:7 - Kaxinawá Bíblia (BR)

⁷ hatiri isĩ tenei Moisés anu itxashũ yuikĩ: —Senhor Deus inũ mia itxai nũ kanehairashinaki. Dunu hau nitxinũ Senhor Deus nuku yuishũwẽ— akabu Moisĩ hatu yukashuna

Números 21:7 Referencias Cruzadas

Gênesis 20:17

Abimeleque Abraão aĩ Sara bikẽ hawẽ taeshũ hawẽ aĩ inũ hawẽ hiwe anu dayamisbu txutanamebiabu hau ana bake biyamayunũbũ Deusũ hatu beshteimakẽ hanushũ Abimeleque Abraão hawẽ aĩ ana inãkẽ Abraão Deus yukashũkĩ yuikĩ: —Deusuũ, Abimeleque inũ hawẽ aĩ inũ hawẽ hiwe anu dayamisbu hatu shusha wakĩ ana hatu bake bimashãwẽ— akĩ yukashuna samama hatu shusha wakĩ ana hatũ bake nãti pewanikiaki.

Gênesis 20:7

Haskakẽ ha hawẽ aĩ Abraão ana nitxĩshũwẽ. Abraão ẽ hãtxa ea yuishunikawẽ taeshũ Abraão ebe mia hãtxashunaya mĩ hiwea mĩ mekeshanaii. Hakia mĩ nitxĩshunamarã, mĩ mawashanaii, minabus inũ miarã— aka

Jó 42:10

Hanushũ hawẽ haibu dabe inũ besti Jó hatu yukashũkĩ meneaya Senhor Deusũ haska Jó pepawa hiwekũkainima keska ana duawakĩ hawẽ yura shushawatã uatiã hayakũkainima keska wakĩ ana dabeki hawẽ hamapai Jó inãnikiaki.

Jó 42:8

Haskawẽ taeshũ na habiatiã 7 ina awa bene inũ 7 txashuwã bene katushũ ẽ tsuma Jó anu butãkãwẽ. Mã ha bushuã Jó ea daewakĩ matũ inabu tesẽshũ txiwẽ matũ ina hirabi matu kuakĩ keyushũtã Jó matu merabewakĩ ea matu yukashunaya ẽ matu itxakawama ishanaii. Ẽ tsuma Jó hãtxa txanima yuishina keska wama haska mã betxipaiai keska mã ekiri hãtxa txakabubiashĩkẽ ẽ matu kupiama ishanaii”, aka

Êxodo 32:11

hawẽ mekenika Senhor Deuski datekĩ daewanũ ishũ Moisĩ eska hãtxa yuikĩ: —Senhor Deusuũ, Egito anua minabu mĩ kushipawẽ hatu uĩmakĩ mĩ hatu iweimarã, haskai mĩ hatuki sinata txakayamai?

Êxodo 32:30

ushashini ana penaya hawenabu dasibi Moisĩ ana hatu yuikĩ: —Hawẽ hãtxa danãkĩ dami yushĩ watã kẽwainã, Senhor Deus itxakawai mã haki kashehairashinabuki, txakabuhairairã. Nukũ mekenika Senhor Deus anu ana mapekeshũ daewakĩ matũ txakabu hau matu buashunũ ẽ matu yukashuni kaii. Ẽ hãtxa nĩkatã Senhor Deusũ ana matu kupiama ishanimẽkaĩ, matũ txakabu ana shinãmarã— hatu watã

Êxodo 8:28

Faraónẽ Moisés ana yuikĩ: —Peki. Ẽ matu nitxĩyuaii. Hanu tsua hiweabumanu hatishuĩra kama matũ mekenika Senhor Deus kẽwãkĩ bushũ ea dikabi mã ea yukashũtanũbunã— hatu wa

Êxodo 8:4

Miki inũ mĩ merabewanika shanẽ ibubuki inũ minabu dasibiki tsamĩbaũkĩ matu bika tenemashãkanikiki”, akĩ habias hãtxa Faraó ea yuishũtãwẽ— aka

Êxodo 8:8

haska wabu heu mirimahairatũ hatu bika tenemaibũ Moisés inũ Arão hatu yuima beabu Faraónẽ hatu yuikĩ: —Ea inũ enabu anua heũ nuku bika tenemai hau nuku nemashunũ matũ mekenika Senhor Deus ea yukashũkãwẽ. Senhor Deusũ ea haska washunaya minabũ matũ mekenika yushĩ kẽwaĩ buaibu ẽ ana hatu niti akamaki— aka

Jeremias 37:3

haskabiakĩ: “Jeremias uĩ butãkãwẽ, hau nukukiri nukũ mekenika Senhor Deus nukukiri hãtxashununã”, iwanã, hau yuishũtanũbũ Selemiasĩ huni bake Jucal inũ Maaséiasĩ huni bake hawenabu Deusbe hãtxashunika Sofonias shanẽ ibuhaira Zedequiasĩ hatu yunua buabu

Números 11:2

yurabu bibiski ibaũkĩ hau hatu merabewanũ Moisés yukabu hanushũ Moisĩ nĩkatã Deus hatu yukashuna nĩkatã Senhor Deusũ txi hatu nuka washuniki.

Mateus 27:4

hatu yuikĩ: —Jesus huni pepabiakẽ hau mã tenãnũ txakabu xinãkĩ ẽ matu atximaxinaki. Na pei mã ea inãxinarã, ẽ ana haska hayakatsi ikamaki— hatu wa hawẽ pei ana bikatsi ikama habũ Judas yuikĩ: —Mĩ txakabuxina nũ hawẽ nuiamaki. Mĩ nuku haska wamaxinarã, minaki— akabu

Hechos 8:24

Simãonẽ kemakĩ: —Txanima ẽ kanehairashuki. Ea Deus yukashũkãwẽ, hau haska mĩ ea yuiai keska wakĩ ea kupiyamashanunã— iki haska txaniaya hau Deusũ hawẽ txakabu buashunũ yukashũtã

Romanos 10:1

Haska inũ, ẽ betsabu inũ ẽ puibuũ, enabu Israelbu hatukiri eã xinaĩ habuwẽ nuikĩ Deus ẽ hatu yukashũkubaĩmiski, hau Deusũ kupiti mese binukĩ Jesus Cristo txibãkĩ ikũwaĩbu hau Deusũ hatu mekeshanunã.

Santiago 5:16

Haskakẽ matũ txakabu ana huneama haska mã kanekubainai ikũwaĩ betsabube yuinamekĩ txanikĩ Deus ea akĩ hau matũ txakabu buatã matũ yura shushawanũ yukakubaĩkãwẽ. Deusũ mia unã keyuaya mã habe haskai hãtxairã, txanima tsuara yura pepakirã, Deusũ kuxipa pae itxapa hayaki.

1 Samuel 15:24

hanushũ Saulũ Samuel yuikĩ: —Pemahairaki. Txakabu wakĩ ma ẽ kaneshinaki. Eã ẽ pewai dabanẽ Senhor Deusũ yunuti txibãma inũ mĩ ea yusĩshina mestẽwãma nukunabuki datekĩ hatũ hãtxa eã habu besti ẽ nĩkashinaki.

1 Samuel 15:30

Saulũ Samuel ana yuikĩ: —Txanima kanei ẽ txakabushinaki. Hakia ẽ mia yukakĩ ea akaii. Hau Israelĩ enabu inũ hatũ anibu unanepabũ nũ kai uĩkĩ hau ea shanẽ ibuai eki meseyunũbũ haskama ebe kashũ mĩ Senhor Deus ea duawakĩ ea kewãmayui kawe— aka