Números 14:9 - Kaxinawá Bíblia (BR)

⁹ Hakia nukũ mekenika Senhor Deus danãyamakãwẽ. Ha dikabi, ha mai pakea anu hiweabuwẽ dateyamariakãwẽ. Senhor Deusũ nuku merabewakĩ hatũ mekenika yushibu nemaya misi pia keska wakĩ nũ hawaira hatu maemashanaii. Nukurã, Senhor Deuski nũ txiti ikaki. Hakia haburã, tsuã hatu mekeamaki. Hatuwẽ hawa dateyamakãwẽ— hatu abiabu

Números 14:9 Referencias Cruzadas

Gênesis 48:21

Hanushũ hawẽ bake José yuikĩ: —Uiã. Ẽ ma matu mawashũkatsis ikaii. Hakia ewẽ dateyamashãkãwẽ. Txanima Deusũ matu merabewapakekĩ ana nukũ shenipabu hiwekubaunibu anu matu txĩtũwãshanikiki.

Neemias 4:14

hakia habu buabuma dateaibu uĩ benitã shanẽ ibumisbũ enabu inũ, yununikabu inũ, huni betsabu eã hatu yuikĩ: “Hawa dateyamakãwẽ. Nukũ mekenika Senhor Deus kushipapaira ha besti meseki shinãkãwẽ. Haska shinãkubaĩkĩ matũ betsabu inũ, matũ huni bakebu inũ, matũ aĩbu bakebu inũ, matũ aĩbuaibu inũ, matũ hiwe dasibi mekei nukuki sinataibu hatu deteshũkubaĩkãwẽ”, ẽ hatu wa, date maĩtã haska ẽ hatu yunua ikaibũ

Salmos 14:4

Habũ txakabuwakubainaiburã, hawa Deuskiri nĩkabumaki. Habiabũri enabu hatu pikĩ itsa wakanikiki, misi pia keska wakinã. Habũ Senhor Deus ikũwãbumã hatu haska wakanikiki.

Salmos 46:11

Ha nukũ Senhor Deus dasibi kushipa binu keyua na habia nukubeki. Jacó Deusũnã, nuku keshekĩ nuku arua tsuã nuku metirumaki!

Salmos 46:7

Ha nukũ Senhor Deus dasibi kushipa binu keyua na habia nukubeki. Jacó Deusũnã, nuku keshekĩ nuku arua tsuã nuku metirumaki!

Salmos 46:8

Senhor Deusũ hawẽ kushipawẽ na mai anushũ nawabu hatu dateakeakeimarã, neri beshũ uĩ bekãwẽ.

Salmos 91:1

Tsuara Deus dasibi kushipa binuatũ hatu meke pewashũ utawa pe hiwemisbũ

Êxodo 14:13

Moisĩ hawenabu hatu kemakĩ: —Datei babuama mesteĩ huĩti kushitã manakãwẽ. Haska hatu maemakĩ Senhor Deusũ matu merabewai samama mã uĩshanaii, ha yurabu matube bei matuki kemariabuma ana mã hatu uiãma ishanaii.

Êxodo 33:16

Mĩ nukube kama nukuwẽ mĩ nuiai ẽ unãtirumaki. Hakia mĩ nukube kai nukuwẽ mĩ nuiai ẽ unãtiruki. Nukube mĩ kaya ea inũ minaburã, nawa betsa betsapabu anua mina wakĩ mĩ nuku katunirã, dasibibu mai hirabi anushũ mikiri unãkubaĩshãkanikiki— aka

Isaías 1:2

Nai inũ maiĩ, matũ Senhor Deusũ matu yuiai nĩkakãwẽ. “Matũ bakebu ẽ hatu yumewabia habu huni ewatã hakia habũ ea danaĩ eki sinatakanikiki.

Isaías 32:2

Habu tibirã, eskabu ishãkanikiki. Niwe beaya hanu irutirubu keska inũ, ui niweya beaya hanu pashatirubu keska inũ, mai tsusĩ anu mibãkĩ bai tibi waimabu anu hanu hene habai keska inũ, hanu hawa hayama anu barĩ kuahairai anu mishkipãwã dakashũ mai utawamis keskabu ishãkanikiki.

Isaías 41:10

Dateyamakãwẽ, ẽ matubekirã. Dateyamakãwẽ. Earã, ẽ matũ Deuski. Matu merabewakĩ ẽ kushipa ẽ matu inãmiski. Ea kushipa binumamistũ matu tsumashũ hawa matu heneama ẽ matu mekekubainaii.

Isaías 41:14

Senhor Deusũ hawẽ hãtxa mestẽwãkĩ yuikĩ: “Jacó enabu Israelbuũ, ha mã tesheishtani mã babubiarã, hawa dateyamakãwẽ, ẽ matu merabewairã. Earã, Israelĩ Deus meribirã, ẽ matũ piskumanikaki.

Isaías 63:10

Hatu haska wabia Israelbũ Senhor Deusũ Yushĩ sinatamakĩ dananibuki, nukũ mekenika meribi itxakinã. Haskawẽ taea ha danaĩbuki sinatakĩ hau hatu detenũbũ nawabuwẽ hatube detenamekũkainiki.

Jeremias 1:19

Mia mekei ẽ mibe kakũkaĩshanaiwẽ taeshũ habũ mia nĩkama miki sinatabiakĩ mia hawa binumama ishãkanikiki. Ea Senhor Deusũ txanima ẽ hãtxa ẽ mia inaiĩ.”

Números 13:30

haskaibu Calebe hatube kashũ uĩriatãshĩshũ yurabu inũ Moisés bebunua ha ibaunaibu hatu hãtxa nesewatã hatu yuikĩ: —Kushipatã ha mai pakea hatu mebinãshãkãwẽ. Hatũ mae tibi atxitã nũ ibuwatirubuki— hatu waya

Números 20:2

Yurabũ hania ũpash atima hayamakẽ Moisés inũ Arão ha akatsi itxatã

Números 24:8

Egito anua Senhor Deusũ hatu iwenirã, hawẽ kushipawẽ hatu nimarã, cavalo bene unicórnio mashũ txaipaya kushipa mesehaira keskabuki. Israelbuki yura betsa betsapa hatuki sinataibu hatu yamawakĩ keyushãkanikiki, pia kuĩwẽ hatu tsakakinã, hatu shau tekekĩ keyukinã.

Romanos 8:31

Haskakẽ Deusũ haska xarabu nuku ashuniwẽ taeshũ haratubũra txakabuwakĩ nuku tenemaibu habu hawauma keskabuki, Deus kuxipahairatũ nuku mekekĩ binuhairawẽ taearã.

Filipenses 1:27

Natiã mã hiweairã, Deusũ hawẽ bakekiri kakape unaĩ haska hiwekũkaĩtikiri benai na keska bestiwẽ hiwekubaĩkãwẽ. Haska ẽ matu uĩkatsis ikai inũ matu anu ẽ kamakẽ matukiria matũ kaka huai ẽ matukiri nĩkakatsis ikaii, haska mã txĩtuãma inũ mã ma dasi keyushũ bika tenebiai heneama matũ xinã kuxipawẽ ikũwaĩ mã Jesus Cristo txibaĩbunã.

Josué 1:5

Mĩ hiweyua hatube detenameaya tsuãra mia binutirubumahairaki. Ẽ Moisés merabewakubirani keska wakĩ habiaskari ẽ mia merabewakubaĩshanaii, putakĩ hawa henebainamarã.