Números 14:6 - Kaxinawá Bíblia (BR)

⁶ haskaibũ haburi datehairakĩ Numnẽ bake Josué inũ Jefoné bake Calebe ha dabetũ ha mai pakea betsa uĩtãshinabu hatuwẽ datei huĩti nishmakĩ hatũ tari ushnitã

Números 14:6 Referencias Cruzadas

Gênesis 37:29

Rúben hatu dapashkabaĩtani ana kini anu kemashũ uiã José hayamakẽ nuihairai huĩti nishmahairatã hawẽ beyawẽ taeshũ hawẽ tari ushnitã

Gênesis 37:34

huĩti nishmahairatã hawẽ tari ushnitã pekashũ nishi tari tima besha sawea usha itxapa hawẽ bakewẽ nuitxakayamai kashahairaya

Gênesis 44:13

hawẽ betsabũ uĩ huĩti metesheketxakayamatã huni tibitũ hatũ tari ushnitã jumento kamaki hatũ saku ana dũtãshũ neabaini ana mae ewapa anu ana txĩtũkaini bui hikitã

2 Reis 18:37

hanushũ Eliaquim hatũ shanẽ ibũ hiwe mekemis inũ, Sebnã shaba tibi ikaibukiri keneshũkubaĩmis inũ, Asafẽ bake Joá shanẽ ibu keneshunikatũ hatũ hãtxa nĩkatã huĩti nishmahairatã hatũ tari ushnibaini haska Assíria detenamenika shanẽ ibu Rabsaquẽ ma hatu yuishu Ezequiaski txanikĩ yuitanũ ika Jerusalém anu hikibaĩ yuinibukiaki.

Jó 1:20

nĩkatã haskawẽ taea punu nukahairatã Jó benitã hawẽ tari ushnitã mashtekei mãkutã Deus kẽwaĩ beui beti itã

Números 13:30

haskaibu Calebe hatube kashũ uĩriatãshĩshũ yurabu inũ Moisés bebunua ha ibaunaibu hatu hãtxa nesewatã hatu yuikĩ: —Kushipatã ha mai pakea hatu mebinãshãkãwẽ. Hatũ mae tibi atxitã nũ ibuwatirubuki— hatu waya

Números 14:24

Hatũ shinã keskama ẽ tsuma Calebe bestitũ shinãkĩ txanimahaira ẽ hãtxa nĩkakĩ ea ashũkubaĩmiski. Haskawẽ taeshũ hanu hatubetã uĩbaũtanimanu Calebe hau hikinũ ẽ nemama hikishanikiki. Hanua hawenabu pai hiwekubaĩshãkanikiki.

Números 14:30

20 bari binubainabu mã tsua hikiama ishanaii. Hakia Jefoné bake Calebe inũ Numnẽ bake Josué hanu ẽ yubani anu habu besti hikitã hiweshãkanikiki.

Números 14:38

Hanua Canaã anu kashũ hatubetã uĩbaunima Josué inũ Calebe besti mawama inibukiaki.

Números 14:5

Moisés inũ Arãonẽ hatu nĩkatã dasibibu bebũ dãti iki beti ikabũ

Números 14:7

Israelĩ enabu dasibi hatu yuikĩ: —Ha mai pakea nũ hune uĩkubaũtãshinarã, hanu hiweti mai pepahairaki.

Mateus 26:65

Deusbe nukunabu hãtxashunika shanẽ ibuhaira haki sinatahairakĩ hawẽ tima tari uxnitã yuikĩ: —Deus itxaikiki. Ana hatira hãtxai ẽ nĩkakatsi ikamaki.

Marcos 14:63

nĩkatã Deusbe nukunabu hãtxashunika shanẽ ibuhaira Caifás haki sinatahairakĩ hawẽ tima tari uxnitã yuikĩ: —Deus itxaikiki. Ana hatira hãtxai ẽ nĩkakatsi ikamaki. Na haska hari hãtxayarã, haskara hakiri mã xinaĩ?— akĩ hatu yuka: —Deus ma itxashuki. Hau tenã menũwẽ— iake iakeaibũ

Hechos 14:14

haska washunaibu uĩkĩ tapĩtã ha Jesusũ kuxipaya dabetã yurabu hatu kẽwãmakatsi ikama hatũ tari uxnitã yurabu naxui ikaĩ nemakĩ hui kuxipawẽ Gregõ hãtxawẽ hatu yuikĩ:

Josué 7:6

Josué inũ hatũ shanẽ ibubube huĩti nishmahairashũ hatũ tima tari ushnitã isĩ tenei keskai mai mishpu mapu tukutã Senhor Deus hatube yubakani hãtxa aruni bau besuuri dashka ikaĩ beti ika beua bari txaitanai manibai hanua bari kaya