Números 14:11 - Kaxinawá Bíblia (BR)

¹¹ Senhor Deusũ Moisés besti ana yuikĩ: —Ea danãkubaĩkĩ henekatsi ikabumaki. Hawẽ unãmati dami itxapa ẽ hatu uĩmabiakubirana ea ikũwãkatsi ikabumariki.

Números 14:11 Referencias Cruzadas

Êxodo 10:3

Moisés inũ Arão Faraó anu bushũ Senhor Deusũ hãtxa yuishũkĩ: —Hebreubũ mekenika yushĩ Senhor Deusũ eska mia ana yuikiki. Nĩkawe: “Hatiã ana huĩti kushiama niti itã mĩ ea nĩkashanai, ea bebunua babuirã? Haska ẽ mia yuiai keska enabũ hau ea kẽwaĩ bunũbũ ana hatu nemayamawe.

Êxodo 16:28

hanushũ Senhor Deusũ Moisés ana yuikĩ: —Ẽ yunuti hãtxa inũ ẽ yusiã hãtxa mã danainã, hatiã mã beshtekeshanai, ẽ ana matuki sinatayamashanunã?

Êxodo 32:9

akĩ ana yuikĩ: —Ha yurabu ẽ hatukiri shinainã, mawa huĩti kushihairabu ẽ hatu uiaiĩ.

Provérbios 1:22

“Berunã hawa tapĩriabumaã, hawa unãma besti hiwenũ ika haska betxipai mã hatuki kasheai inũ unanepati hãtxa mã danãmisrã, hatiã mã heneshanai?

Números 14:23

Mae pepa hatũ shenipabu ẽ hatu yubani habũ ea nĩkakatsi ikama ikubiranaibũ tsuã uiãmahaira ishãkanikiki. Ea danãmisbutũri hanu hikikĩ uĩtaskabuma iriashãkanikiki.

Números 14:27

—Hatiã ea nĩkashanaibu teneshũ hatu manakubaĩpa, ea yuaĩ eki ha ikaibu ẽ nĩkashuwẽ taea ha Israelĩ enabu txakabu yuananaĩ hãtxawaĩburã?

Mateus 17:17

Jesusũ mapuabu hatu yuikĩ: —Ikũwaĩsbuma inũ txakabubuũ, hatiki matu merabewai ana ẽ matube hiweyushanai? Neri iwekãwẽ, ha bakerã— aka

Marcos 9:19

mapuabu Jesusũ hatu yuikĩ: —Ikũwaĩsbumaã, hatiki matu merabewai ana ẽ matube hiweyushanai? Neri iwekãwẽ, ha bakerã— aka

João 10:38

Hakia ẽ Epã pepawai keska ẽ akai ẽ hãtxa mã ikũwãma ibiakĩ ẽ Epã kuxipawẽ ẽ dami pepawai ikũwãkãwẽ. Ha dami ikũwãkĩ ẽ Epa ebe imis inũ ẽ haberi imis mã unãtirubuki— hatu waya

João 12:37

Hanushũ hawẽ unãmati dami atimaska Jesusũ hatu uĩmakĩ ashũbiakubaina hawa ikũwãma inibuki.

João 15:24

Ha inũ, hatu anushũ ẽ hawa hatu haska washũama txakabu xinãma ikeãkanaii. Hakia tsuã haska hatu anushũ haska washuĩsmabiakẽ Deusũ kuxipa hatũ berubi ẽ ma hatu uĩmabia uĩbiakĩ ea inũ ẽ Epa danãkanikiki.

Hebreus 3:16

Tsuabũ animẽ, Deusũ hui nĩkabiatã txipu sinatamakinã? Habu Moisés Egito mai anua dasibi hatu pashawanibu habũ anibuki. Xinaĩrakãwẽ.

Hebreus 3:18

Ha mae pepa Canaã anu Deusũ hatu yubai hatukiri hãtxai: “Ẽ hatu hanu hikimatã hatu huĩrukũmamashanairã, habuã ẽ hãtxa nĩkama danaĩburã, habu hikiama ishãkanikiki”, iniki.

Hebreus 3:8

matũ huĩti kuxiyamakãwẽ, nukũ shenipabu hanu tsua hiweabumanushũ Deus nĩkama danãkĩ unãti wamakĩ sinatamanibu keskakinã.