Miquéias 3:8 - Kaxinawá Bíblia (BR)

⁸ Hamẽ ea Miquéiasrã, Senhor Deusũ hãtxa danãkĩ Israelĩ enabũ txakabuwakubaĩmisbu hatu berabĩwãkĩ hatu yuãkĩ ẽ hatu ha akubaĩshanũ ea kushipa inãkĩ datetima ea wakĩ Senhor Deusũ Yushinĩ hawẽ yunuti kushipa pepawẽ ea amakubainikiki. Ea haska wakĩ heneama ipakeikiki.

Miquéias 3:8 Referencias Cruzadas

Isaías 58:1

Senhor Deusũ ana ea yuikĩ: “Dateama sai itxakayamatãwẽ, mimawati trombeta txã akai keska wakĩ mĩ hui kaĩmakinã. Enabũ kanekĩ txakabuwamisbu ha akĩ Jacó enabu hatũ txakabu hatu txitekĩ ha atãwẽ.

Isaías 61:1

Haskaya Senhor Deusũ ea katukĩ sheniwẽ ea mauka keska wakĩ hawẽ Yushĩ kushipa ea hikimatã ea yunukĩ: “Nuitapaibu hatu shinã txãkãwaĩ kaka pepa hatuki txanitãwẽ. Bika teneaibu hatu merabewatãwẽ. Hatu nãta iyukĩ tsuma wabainibu keska inũ hatu bitxinibu keska haska wakĩ ẽ hatu unanuma hiwematiru hatuki txanitãwẽ, haska wakĩ ẽ hatu pekatirurã.

Isaías 61:2

Ea ẽ Senhor Deus ha baritiã ẽ hatuwẽ nuikĩ ẽ hatu merabewashanai hatuki txanitãwẽ. Ha shabatianã, nukũ Deus ha nukuki sinatamisbu nuku hatu kupishũshanikiki, iki hatuki txanirã. Dasibi punu nukabu hatu merabewakĩ ea hatu daewashũtãwẽ.

Jeremias 1:18

Judá enabũ mai pakea anu hiweabu hatũ shanẽ ibuhairabu inũ, hatũ shanẽ ibu yununika beshmasbu inũ, minabu ebe hãtxashunikabu inũ, yurabu mae anu hiwebaunabu bebũshũ mĩ hatu nemakubaĩshanũ mae mishkiwẽ kenebaũkĩ keyatapa wanibu keska mia wakĩ inũ, mane ferro txibu kushipa keska mia wakĩ bronzewẽ mae kenebaunibu keska mia watã ikis eã mia nitxĩkĩ ẽ mia yunuaii.

Ezequiel 3:14

Deusũ Yushinẽ ha ẽ nia anua ea nuyãbaĩkĩ ea iyukĩ Senhor Deusũ hawẽ mekẽnẽ ea tsuma txakayamashũ ea iyua punu nuka sinatayabi dunukaini kai

Marcos 3:17

Zebedeũ bake dabe Tiago inũ hawẽ betsa Joãobe ana hatu kena betsa wakĩ Boanerges, huni kuĩ hãtxarã, Kana Tĩ Ikaĩkaĩmis Keskatũ Bakeburã, hatu watã

1 Coríntios 2:4

Hanua yusĩnã betsã hãtxa hawẽrua yuiaya ha nĩkatã hatũ hãtxa abukĩ itxapabũ hawaira txibãtirubuki. Hakia ea matu anu kashũ yusĩ hãtxairã, unãnepa hãtxamis keskawẽ ẽ matu yusĩama iniki. Hamẽ haskama Deusũ Yushĩ Pepa inũ Deusũ kuxipa bestiwẽ ea amakĩ matu merabewamaya haska yurabu unãnepakĩ yusĩmisbu keskamawẽ ẽ matu ikũwãmani mã unaiĩ.