Miquéias 3:7 - Kaxinawá Bíblia (BR)

⁷ Deusũ hãtxa yuishunika inũ haskashanai unãtirubu dasibi hamẽshãkanikiki. Hatũ shinã benushinabũ hatuki kasheaibũ Deusũ hatu kemamawẽ taea dakei pes manishãkanikiki, hawa yuiamarã.

Miquéias 3:7 Referencias Cruzadas

Êxodo 9:11

hatunabube txami isĩ tenei nuitapakĩ Egito nawa mukayabũ Moisĩ ashu keska ana anũ ika kai tashniabumakẽ

Isaías 44:25

Ha inũ, huniburã, ẽ hatube hãtxamabia haskashanai txanimisbũ hãtxaibu nĩkakĩ unãtã hatũ shinã ẽ nemamiski. Habu unanepai txanimisbu hatũ shinã ẽ hawama wamiski. Huni unanepakĩ yusiaĩbu ẽ hatu hamakiri yuimamiski, unanepakĩ atirububiakẽ hatũ hãtxa inũ hatũ shinã hamẽ wãkinã.

Amós 8:11

Mai hirabi anu buni pae ẽ yunushanai ma kemaikiki”, iwanã, hawẽ hãtxa ana mestẽwãkĩ yuikĩ: “Ha shaba haskaitianã, piti kayabiwẽ buniama ũpash kayabi manuama hakia ẽ hãtxa nĩkakatsis ishãkanikiki.

Miquéias 3:4

Txipu shaba betsatiã merabe ea Senhor Deus mã yukabiaya ẽ matu kemama ishanaii. Mã txakabuwakubaĩmiswẽ taea hanu mã ea yukaitiã ẽ matu nĩkakatsi ikama matu anua ẽ huneshanaii.

Miquéias 7:16

Nawa betsa betsapabu: “Ẽ kushipaki”, ibiamisbu hau mĩ kushipa uĩ dakekubainũbũ haska mĩ hatu ashuni habias dami atimaska akĩ hatu uĩmariashãwẽ, hau huyu inũ pata keska mapushũ uinũbunã.

1 Samuel 14:37

hawẽ hãtxa nĩkatã Saulũ Deus yukakĩ: —Ana Filisteu nawabu hatu txibãkubaĩpa? Israelĩ enabu mĩ hatu nuku yunukĩ maemamatirumẽ?— aka habias meshu merã Senhor Deus hawa kemama pes dakakẽ

1 Samuel 28:15

Samuelĩ Saul yuikĩ: —Ea iwekĩ haskakĩ mĩ ea bika tenemabiranai?— aka kemakĩ Saulũ yuikĩ: —Natiã date paepakĩ ẽ mia aki ikaii. Filisteu nawa itxapabu beshũ nuku detenũ ikaibu ẽ hatu haska washũ nematirumaki. Deus ẽ yukabia Deusũ daki ma ea heneaki. Ea ana kemama inũ hawẽ hãtxa yuishunikabu anu inũ usha namaiwẽ ea kemamaki. Haskawẽ taeshũ ẽ hatu haska watiru mĩ ea yuinũ ẽ mia kenashuki— aka

1 Samuel 28:6

hatu haska wapa? iwanã, Saulũ Senhor Deus yuka hakia Senhor Deusũ kemakĩ hawa yuiamahaira inũ, usha namaiwẽ yuiama inũ, Urim unãtiwẽ unãmamari inũ, hawẽ hãtxa yuishunikabuwẽ yuimamari

1 Samuel 9:9

(Nukũ shenipabu hiweatiã Israelĩ enabũ Deus yukakatsi ikĩ yuikĩ: “Unãhaira uinũ kawe”, abiapaunibũ ikis unãhaira hãtxa betsawẽ kenakĩ: “Deusũ hãtxa yuishunikaki”, amisbuki.)