Mateus 9:6 - Kaxinawá Bíblia (BR)

⁶ Ha dabe bikakẽ Deusũ besti atiruwẽ taeshũ haskakĩ mã xinãtxakai? Ẽ matũ Hutxi Kayabi Iuwa na mai anua ea ẽ hawẽ kuxipa hayatũ hawẽ txakabu ẽ buashũtiru mã unãnũ ẽ akai uĩkãwẽ— iwanã, huni yura babuni kaya wakĩ yuikĩ: —Benitã mĩ dakati iabaini mĩ hiwe anu kariwe— aka

Kashinawa : Diosun Jesúswen taexun yuba bena yiniki

⁶ Ja dabe bikaken Diosun besti atiduwen taexun ¿jaskakin man shinanchakai? En matun Juchi Kayabi Iyua na mai anua ea en jawen kushipa jayatun jawen chakabu en buaxuntidu man unanun en akai uinkanwen— iwanan, juni yuda babuni kaya wakin yuikin: —Benitan min dakati iabaini min jiwe anu kadiwe— aka

Mateus 9:6 Referencias Cruzadas

Isaías 43:25

Mã pubẽ sinatapabubiakẽ ea ẽ matũ Deus matuwẽ nuikĩ matũ txakabu ana tanakatsi ikama matu tere ashũtã ẽ ana shinãma ishanaii.

Miquéias 7:18

Nukũ mekenika Senhor Deusuũ, minabu eskarabes tesheniwẽ nuikĩ mĩ hãtxa danãkĩ nũ txakabuwaima tere akĩ mĩ ana shinaĩsmawẽ taea Mekenika Yushĩ mia keska betsa tsua hayamaki. Nukuki sinatapakeama maĩtã haska mĩ nuku betxipaiai mĩ nuku uĩmamiski, nuku duawakubaĩkinã.

Mateus 4:24

hanua Síria mai pakea hirabi anushũ Jesusũ hatu shushawai kakaibu nĩkatã isĩ betsa betsapa teneaibu inũ, yushĩ txakabuyabu inũ, yura txakabu saki saki ikaibu inũ, yura babubu nuitapaibu hatu iwebirãbiranaibu Jesusũ hatu shushawakĩ kayawapakeaya

Mateus 8:20

hawẽ xinã unãnũ, iwanã, Jesusũ yuikĩ: —Kamã inu hawẽ kini hayaki. Peiyabu hawẽ na hayabuki. Hakia matũ Hutxi Kayabi Iuwa eã ẽ hatu yusĩkubaunai hanu ushati hiwe ẽ hayamaki. Ẽ ikai keskai mĩ iriatirumẽ?— akaya

Mateus 9:2

ma ana Jesus hua nĩkatã huni yura babuni hawẽ dakatiki daka hawẽ haibuaibũ bakebirã datãtã: “Jesusũ shushawatiruki”, iwanã, xinaĩbũ ikũwaĩbu Jesusũ unãkĩ huni yura babuni yuikĩ: —Dateyamawe. Mĩ txakabuwẽ Deusũ mia kupikatsis ibiakĩ mã ea ikũwaĩwẽ taeshũ hau ana xinãyamanũ ẽ mia buashunaii— akaya

Mateus 9:5

Haratu bikamamẽ, hawẽ txakabu buashunaraka, hawẽ yura beniaraka?

Mateus 9:7

hawaira yura damesteni kayatã benikawã hawẽ dakati bitã iabainaya

Marcos 2:7

“Ha huni txakabuki. Nuku paraĩ Deus keskakatsi ikikiki. Deusũ besti hawẽ txakabu buatiruki”, ikaibũ

Lucas 5:21

Moisés hãtxa hatu yusĩmisbu inũ fariseubũ nĩkatã Jesuski sinatai hune yuinamei: “Ha huni txakabuki. Dasibi nuku paraĩ Deus keskakatsi ikikiki. Deusũ besti hawẽ txakabu buatiruki”, ikaibũ

João 10:28

Eki txiti ikabu benuama ẽ hatu hiwekuĩmakubaĩshanaii. Parãshũ tsuã hatu ea mebiãma ishanikiki.

João 17:2

Mai hirabi anua hawẽ yurabu dasibi yunuti kuxipa mĩ bake mĩ ea inãniwẽ mĩ hatu katuni ẽ hatu hiwekuĩmashanaii.

João 5:27

Ẽ matũ Hutxi Kayabi Iuwawẽ taeshũ dasibi unãti kuxipa ẽ Epa Deusũ ea yunurianiki, eã ẽ hatu unãti wakeakeshanunã.

João 5:8

hawẽ nuikĩ shushawanũ, iwanã, Jesusũ yuikĩ: —Haskakenã, benitã mĩ dakati iabaini kariwe— aka

Hechos 5:31

Deusũ haska watã nai anu ainitã hawẽ yusiuri nuku tsaũshunimakẽ ha nukũ mekenã inũ nukũ yusĩnã nũ ma hayaki. Haskawẽ taea nũ Israelbu shukua tibi tsuabũra nukũ txakabu henetã Deus anu txĩtuĩ nũ xinã betsaibu nuku hawenabu wakĩ Deusũ nukũ txakabu buatã ana xinãmaki.

Hechos 9:34

yuikĩ: —Enéiasiĩ, Jesus Cristõ mia kaya waikiki. Benitã ha mĩ haki dakamis pewariwe— aka hawaira Enéias benitã hawẽ yura damestẽtã nikaunaya

2 Coríntios 2:10

Haska Satanásã nuku parãkatsis ikai nũ unãhairaya hau nuku txakabũ maemayamanũ hawara ha hunĩ akubaĩyama hakimakĩ hari hakimawatã mã ana xinãbumakẽ matũ xinã pe unãkĩ eari hakimai ẽ ana xinãmariki. Merabewakĩ ẽ matu kuxipa wakatsi ikaii. Cristõ ẽ xinã ea bebũshũ unãyã hawara txakabu mã hakimaimakẽ eãri ha hunĩ txakabuwayama ẽ ana haska hakiri xinãtirumariki.

2 Coríntios 5:20

Haskakẽ Cristõ kuxipa nũ hayawẽ taea nũ hawẽ hãtxa bushunikabuki. Nukuwẽ Deus hãtxai keskaya Cristo ea ashũkĩ nũ matu yukashũmiski. Eskaki. Matu yuinũ nĩkakãwẽ. Nukuwẽ taeshũ Deusũ hãtxa ikũwaĩ Cristo matu mawashuniwẽ Deus daewai habe haibunamekãwẽ.

Efésios 4:32

Hakia maturã, mã pepakatsis ikairã, matunabuwẽ nui bestikubaĩkãwẽ. Hawara mã hatube txakabumis daenametã duanameirã, matũ txakabu hakimarabetã ana xinãma pepakubaĩkãwẽ, haska Cristõ matũ txakabu buanikẽ Deusũ ana xinaĩsma keskairã.

Colosenses 3:13

Haska inũ, tsuabũra matu txakabuwaya hawaira haki sinatama tenetã merabenaĩ hatũ txakabu hakimatã ana hakiri xinãyamakubaĩkãwẽ, nukũ Shanẽ Ibũ matũ txakabuwẽ Deus matuki sinatai buashuni keska wakinã.