Mateus 9:27 - Kaxinawá Bíblia (BR)

²⁷ Hanua shanẽ ibu Jairõ hiwe anua kaĩkainaya huni bekũ dabetã txibãkĩ hui kuxipawẽ yuikĩ: —Davĩ babaã, nukuwẽ nuiwe— akubainabu

Kashinawa : Diosun Jesúswen taexun yuba bena yiniki

²⁷ Janua xanen ibu Jairon jiwe anua kainkainaya juni bekun dabetan chibankin jancha kushipawen yuikin: —Davidin babaan, nukuwen nuiwe— akubainabu

Mateus 9:27 Referencias Cruzadas

Mateus 1:1

Abraãonẽ baba inũ Davĩ baba Jesus Cristõ shenipabukiri matu yuinũ nĩkairakãwẽ.

Mateus 11:5

Bekũ inũ beshushbũ uĩaĩbu inũ, haska mapuisbuma mapuaibu inũ, habu bitxiki dasibi txami betsaniki dakemisbu maĩ sakara iki keyuaibu inũ, patabũ nĩkakĩ keyuaibu inũ, mawa ana besteaĩbu inũ, habu nuitapaibũ hatũ pashati kakape nĩkatã benimaiburã, haska João yuitãkãwẽ.

Mateus 15:22

hanua judeubuma Canánawa aĩbu betsã Jesus betxitã txibaĩ kakĩ unãshubima huu akĩ kenakĩ: —Yusĩnaã, mĩ Davĩ babaki. Ewẽ dabanã ikĩ ẽ aĩbu bake yushĩ txakabũ ea bika tenemaĩkikiki. Ea kaĩmashũyuwe— akubiranaya

Mateus 17:15

—Shanẽ ibuũ, ẽ huni bake yushinĩ dushku imakĩ nuitapawakĩ txi anu napukĩ henẽ pukumiskẽ mĩ tsumabu anu ẽ iwebia haska washũ tsuã ea kaĩmashũtirumaki. Ẽ bakewẽ nuikĩ ea shushawashũwẽ— aka

Mateus 20:29

Hanua Jericó mae ewapa anu nũ hawẽ tsumabube Jesus hikia ibai nũ habe kaĩkainaya yurã kainẽ nuku txibaĩbũ

Mateus 21:15

Deusbe nukunabu hãtxashunika shanẽ ibubu inũ Deusũ hãtxa kenenibu yusĩnanãmisbũ haska hawẽ unãmati damiwai uĩkĩ inũ habianushũri bake mixtĩbũ kẽwãkĩ: “Davĩ baba pepahairaki”, iki xã xãki ikaibũ nĩkariai haki sinatakĩ

Mateus 21:9

habu bebuaibu inũ hatxũ beaibũ benimatxakayamabaĩkĩ hui kuxipawẽ hawẽtxaĩs yuibaĩkĩ: —Aitxu! Aitxu! Deusũ kuxipaya huairã, benimawakĩ duawanãkãwẽ. Yavé Deus dasibi binuatũ kuxipaya nuku mekei huikiki, nukũ shenipabu Davi ipauni keska hawẽ baba shanẽ ibuhairairã. Kẽwanãkãwẽ— akubaini bui

Mateus 9:28

hanua Jesus hiwe betsa merã hikiaya huni bekũ dabe haki nukuabu Jesusũ hatu yukakĩ: —Ẽ matu shushawatirurã, mã ea ikũwaĩ?— hatu wa —Haa. Shanẽ ibuũ, nũ mia ikũwaiĩ— akabu

Marcos 11:10

Nukũ shenipabu Davi ipauni keska shanẽ ibuhairai huikiki. Deus kẽwãshunãkãwẽ— akubaini bui

Marcos 9:22

Ha yushĩ txakabũ tenãnũ, iwanã, hawẽtxaĩs txi merã napukĩ inũ hene merãri pukumiski— atã —Hamapai mĩ atiruwẽ taeshũ ẽ bake mĩ ea shushawashũtirumẽ? Nukuwẽ nuikĩ mĩ atirurã, ea merabewawe— aka

Lucas 17:13

hãtxa kuxipawẽ yuikĩ: —Jesus yusĩnaã, nukuwẽ nuiwe— akabu

Lucas 20:41

ha unãnepabu habu mapuabu Jesusũ hatu bepushumakĩ yukakĩ: —Deusũ hãtxa kenenibu yusĩnanãmisbũ matu yusĩkĩ yuikĩ: “Messias Cristorã, Davĩ baba ishanikiki”, ikĩ haskakĩ matu haska yusĩmisbumẽ?

João 7:42

Hanua tashnikirãshanairã, “Davĩ mae Belém anua Davĩ babarã, Cristo Messias ishanikiki”, akĩ nuku keneshuniki. Haskakenã, Jesusrã, Deusũ Messiasmaki— akaibũ

Romanos 1:3

Haska nukũ Shanẽ Ibu kuxipahaira, Deusũ bake Jesus Cristorã, huni kayabi judeubũ shenipabu Davĩ baba kaĩshanaikiri Deusũ hãtxa yuishunikabũ kenenibu hayaki.

Romanos 9:5

Habiari nukũ shenipabu Israelbu anua Messias Cristo yura kayabitã tashniniki. Nukũ mekenika Deusũ dasibibu mekei shanẽ ibuhairamisrã, kẽwãkĩ heneyamakubainãkãwẽ. Haskakirã.