Mateus 8:20 - Kaxinawá Bíblia (BR)

²⁰ hawẽ xinã unãnũ, iwanã, Jesusũ yuikĩ: —Kamã inu hawẽ kini hayaki. Peiyabu hawẽ na hayabuki. Hakia matũ Hutxi Kayabi Iuwa eã ẽ hatu yusĩkubaunai hanu ushati hiwe ẽ hayamaki. Ẽ ikai keskai mĩ iriatirumẽ?— akaya

Kashinawa : Diosun Jesúswen taexun yuba bena yiniki

²⁰ jawen shinan unanun, iwanan, Jesúsun yuikin: —Kaman inu jawen kini jayaki. Peiyabu jawen na jayabuki. Jakia matun Juchi Kayabi Iyua ean en jatu yusinkubaunai janu uxati jiwe en jayamaki. ¿En ikai keskai min idiatidumen?— akaya

Mateus 8:20 Referencias Cruzadas

Salmos 40:17

Hamẽ ẽ nuitapai bika betsa betsapa tenebiaya Senhor Deusuũ, ea hakimayamashãwẽ. Senhor Deusuũ, miã besti mĩ ea merabewamiski. Hatishuĩra ana ea manamama hamapai tibi ẽ tea ea hawaira tashnimariwe.

Salmos 69:29

Hakia earã, isĩ tenei ẽ bika teneaii. Ẽ Deusuũ, menã ea benitã ea piskumariwe.

Salmos 84:3

Senhor Deus kushipahaira dasibi binutuũ, mĩ ẽ shanẽ ibuhaira inũ mĩ ẽ Deuski. Ha txunu inũ basi isa mishtĩ habũ hanu hatũ batxi paketã tuxai bakeyakatsi ha txi tapu dapi hatũ na wamisbuki.

Mateus 12:32

Hamẽ tsuabũra ẽ matũ Hutxi Kayabi Iuwa ea yuãbiaibũ Deusũ hatũ txakabu buashũtiruki. Hakia tsuabũra Deusũ Yushĩ Pepa yuaĩbu hatũ txakabu Deusũ buama xinãnũbarikiki, natiã inũ bari hawẽ heneatianã— iwanã,

Mateus 12:40

Nínive anu kashũ hau hatu yusĩtanũ Jonas yunua nĩkama hari kama mae betsa anu pashai kai iãnẽwã merã pukuabu hasapanã bakawã ewapatũ sheaxina shaba dabe inũ besti mexu habiatiri kaya maxĩ mapeketã bakawã hanã Jonas besteniki. Earã, matũ Hutxi Kayabi Iuwa habiaskariai mawa mai anu daka shaba dabe inũ besti mexu habiatiri ka ẽ ana bestẽriashanaii.

Mateus 13:37

Jesusũ nuku yuikĩ: —Ha mibã pepa sa akarã, ẽ matũ Hutxi Kayabi Iuwaki.

Mateus 16:13

Hanua Jesus nũ hawẽ tsumabube kai ha mae pakea Cesaréia Filipe anu hikitã nuku yukakĩ: —Yurabunã, ẽ matũ Hutxi Kayabi Iuwarã, ẽ tsua ea yuimisbumẽ?— nuku wa

Mateus 16:27

Hamẽ ẽ matũ Hutxi Kayabi Iuwarã, ẽ Epã kuxipaya Shanẽ Ibui hawẽ nai tsumabube ana hushũ tsuabũra ea txibaĩ hiwei pemisbu inũ txakabumisbu habu tibi ẽ hatu manakushanaii, pepa inũ txakabuwenã— iwanã

Mateus 17:9

hanua mati keyatapa butebirãkĩ Jesusũ hatu nemakĩ yuikĩ: —Ẽ matũ Hutxi Kayabi Iuwa mawa ẽ ana matu bestẽshũriamakẽ na eska mã uĩshurã, tsua yuiyamayushãkãwẽ— hatu waya

Mateus 19:28

Jesusũ ana nuku yuikĩ: —Ikũkĩ ẽ matu yuiaii. Bari hawẽ henei keyuaitiã ẽ Epã dasibi benawaya ẽ habe shanẽ ibuaya txĩtuãma mã ẽ 12 tsumabũ ea txibãkubaĩmisbu ebe shanẽ ibukĩ Israelĩ 12 bakebu shukuakeakeabu mã unãti wanũ bariaii.

Marcos 8:38

Haska inũ, tsuabura na yurabu txakabu bebunua eki inũ ẽ hãtxaki dakemisburã, ẽ Epã kuxipaya hawẽ nai tsuma pepabube hua habiaskariai ẽ hatuki dakeriashanaii— iwanã,

Lucas 12:8

ana hatu yusĩkĩ: —Tsuabũra ea ikũwaĩ dakeama ea datã akĩ yurabu hatu yuikĩ: “Ẽ Jesusunaki”, ikubaĩmisbu eãri Deusũ nai tsumabu bebũ nishũ mekekĩ: “Narã, enabuki”, akĩ ẽ hatu yuishũshanaii.

Lucas 2:12

Hanu benabaũkĩ ina hiwe anu yabushũ burro pimati hi shãtu wanibuki datãbu mã betxi katiruki. Haska betxitã ẽ hãtxa kayabi mã unãshanaii— hatu waya

Lucas 2:16

hawairabaini Belém anu hikitã benabaũkĩ atimas ina hiwe merã José inũ Maria inũ hawẽ bake burro pimati hi shãtu wanibuki datãbu

Lucas 21:36

Hamẽ matunã, ẽ hãtxa txibãkĩ heneama Deusbe bari tibi hãtxakubaĩshãkãwẽ. Haska mese tibi tashnishanai binutã mã ma pewẽ taea hanu matũ Hutxi Kayabi Iuwa ẽ matuki nukuaitiã ea bebũ mã mapushãkanaii— hatu wanikiaki.

Lucas 9:58

hawẽ huĩti pepamẽkaĩ, unãnũ, iwanã, Jesusũ yuikĩ: —Kamã inu hawẽ kini hayaki. Peiyabu hawẽ na hayabuki. Hakia matũ Hutxi Kayabi Iuwa eã ẽ yusĩkubaĩmiswẽ taea hanu ushati hiwe ẽ hayamaki. Ea keskai mĩ hiwekũkaĩtirumẽ?— akĩ

João 12:34

hanushũ mapubaunabu betsã yuikĩ: —Deusũ hãtxa kenenibu anua uĩkĩ nũ manakamisrã, “Messias Cristo hua matube hiwepakeshanikiki”, akĩ kenenibukenã haskakĩ: “Nukũ Hutxi Kayabi Iuwa Messias binikĩ sanãkĩ nitxĩshãkanikiki”, ikĩ mĩ haska nuku yuishumẽ? Haskakenã, tsuamẽ, nukũ Hutxi Kayabi Iuwarã?— aka

João 13:31

hanua Judas kaĩkaĩkẽ Jesusũ nuku yuikĩ: —Ẽ hatũ Hutxi Kayabi Iuwa ẽ kuxipa hayaki, hawẽ taeshũ natiã Deusũ ea hatu unãmairã. Haskawẽ taeshũ Deusũ kuxipa ẽ hatu unãmaii. Ẽ hatũ Hutxi Kayabi Iuwa Deusũ hatu unãmaikiki, ẽwenã. Haskakẽ hau unãnũbũ manama hawaira akikiki— iwanã,

João 3:13

Haska inũ, Deuskiri unãtanũ ika Deus anu tsua inatirumaki. Hakia earã, matũ Hutxi Kayabi Iuwatũ matu unãmai Deus anua hua ẽ tashniniki.

João 3:14

Haska inũ, Deusũ nukũ shenipabu yusĩkĩ unãti wamanikiri mia xinãmanũ nĩkawe. Hanu tsua hiweabuma anu Moisés hatu iyuima hanus nukũ shenipabu hiweakeakeakĩ hawẽ hãtxa nĩkabumakẽ Deusũ hatu kupinũ, iwanã, dunu mirima itxawashũ hatu pima isĩ teneaibũ Deusũ Moisés yunua mane damiwakĩ dunu itsa washũ hiki netãshũ nitxiã tsuãra uĩkĩ ikũwaĩ shushanibuki. Habiaskari wakĩ Deusũ ea yubani keyukĩ hiki matũ Hutxi Kayabi Iuwa ea mastãshũ ea benitã ea nitxĩshãkanikiki. Haskawẽ taeshũ tsuabũra ea ikũwãkĩ xinaĩ ebe hiweshãkanikiki, niti ikamarã— iwanã,

João 6:27

Haskai piti txapumiswẽ besti kemui mã mapua ikanai? Hakia ẽ Epa Deusũ ea kuxipa waniwẽ taeshũ hawẽ kuxipa ẽ matu inãshanai ha bestiwẽ kemui mapukãwẽ, hawẽ hiwekuĩ ikibi itirã. Haskawẽ taeshũ habia hawẽ unãmati wakĩ Epa Deusũ ea matũ Hutxi Kayabi Iuwa ea waniki, yunukinã— hatu wa

João 6:53

habũ xinã unãkĩ Jesusũ ana hatu yuikĩ: —Txanima matu yuinũ nĩkairakãwẽ. Matũ Hutxi Kayabi Iuwatũ nami piama inũ ẽ himi akamarã, mã hiwekuĩa hayatirumaki.

João 6:62

Hanua ẽ huni anu hawẽri ẽ matũ Hutxi Kayabi Iuwa ẽ ana kai uĩkĩ mã xinã betsa washanaii.

Hechos 7:56

dateama hatu ana yuikĩ: —Uĩkãwẽ. Teskãtã nai bepemana anua Deusũ yusiuri nukũ Hutxi Kayabi Iuwa Jesus nia ẽ uĩaiĩ— hatu waya

2 Coríntios 8:9

Ha inũ, nukũ Shanẽ Ibu Jesus Cristo nai anua hawẽ Epa Deusbe hiwea habe shanẽ ibuhairabia dasibi hawenabia henebirã hawẽ pepawẽ matu pepawanũ ika matuwẽ taea nuitapai matuwẽ nui mawaniki, hawẽ taea mã nuitapama dasibi haska yubakani mã ibu washanunã. Haska matu washuniwẽ taeshũ mã hatu merabewatiruki.