Mateus 7:24 - Kaxinawá Bíblia (BR)

²⁴ Hakia habũ ẽ hãtxa nĩkakĩ akubaĩshanaibukiri miyuiwẽ matu yusĩnũ nĩkakãwẽ. Tsuãra hiwe wakatsi ikĩ mai basãbaĩkĩ uke merã mixkiki pesashũ haki mixki tsamabirãkĩ hiwe waimakẽ

Kashinawa : Diosun Jesúswen taexun yuba bena yiniki

²⁴ Jakia jabun en jancha ninkakin akubainxanaibukidi miyuiwen matu yusinun ninkakanwen. Tsuanda jiwe wakatsi ikin mai basanbainkin uke medan mishkiki pesaxun jaki mishki tsamabidankin jiwe waimaken

Mateus 7:24 Referencias Cruzadas

Provérbios 10:25

Niwe kushipahaira shubi shubi ibirãkĩ huni txakabubu yamawakĩ keyushanikiki. Hakia huni pepabunã, hawa meama hawama hiwekubaĩshãkanikiki.

Provérbios 10:8

Unanepabunã, yunuti hãtxa pepa hawaira nĩkamisbuki. Hakia habu patapakĩ hãtxa txakabu yuimisburã, hawaira txakabui benushãkanikiki.

Provérbios 12:7

Huni txakabubũ kanekubaini hawẽ hiwea beshtekei mawamisbuki. Hakia pepabu hatũ hiwearã, unanuma hiweyukubaĩmisbuki.

Provérbios 14:8

Huni pepa unanepatunã, haska pe hiwetiru bebũkiri unanepakĩ unãkubaĩmiski. Hakia unaĩsmapa pe hiwetiruma ibubis parananãmisbuki.

Mateus 12:50

Ha inũ, Deusũ hãtxa tsuabũra nĩkatã ikũwãkĩ ashũmisburã, habiabu ẽ betsabu inũ ẽ puibu inũ ẽ ewaburiki— hatu waniki.

Mateus 16:18

Eã mia kenakinã, mia Pedro wakĩ mixki kuxipa keska ẽ mia waii. Mĩ haska hãtxakĩ yuishuwẽ taeshũ yurabu mĩwẽri itxapa ẽ hatu ikũwãmashanaii. Yura mema mawatirubiakẽ Satanásã datemakĩ ea ikũwaĩbu maematirumaki, hatu nemakinã.

Mateus 24:45

hanushũ nuku xinãmakĩ nũ hawẽ tsumabu nuku ana yusĩkĩ: —Shanẽ ibu txai kakĩ hawẽ tsuma unãnepa yunubaĩmiskiri matu yuinũ nĩkakãwẽ. Hawẽ tsuma betsabu pimakĩ hau hawẽ hiwe mekeshũkubainũ hatũ shanẽ ibũ hawẽ tsuma unãnepa yunubaĩmiski.

Mateus 25:2

Hanua ha txipax mekẽ besti bebũkiri unãnepakĩ hatũ bĩ dekua inũ netsuai ana maneti bixtu betsa hayabũ hanua ha txipax betsa mekẽ besti unãnepama hatũ bĩ dekua besti netsua hawa ana maneti hayabumakẽ

Mateus 25:9

hakia ha txipax unãnepabũ hatu yuikĩ: “Haskamaki. Matuna nũ matu maneshũkẽ nukunari netsui nukatiruki. Haskakenã, bushũ hanua bĩ hene bimisbu anua bitãkãwẽ, matuna ibubisrã”, hatu wabu

Mateus 7:25

hanua ui ika bai matahairabirãkĩ hawẽ hiwe atxia ha hiwe mixkiki tsamiãwẽ taea niwẽwãnẽ tsibusketiruma keska hawẽ daya benuama ha huni unãnepaki. Ẽ hãtxa nĩkamisbu haska keskaki.

Mateus 7:26

Hamẽ hawara ẽ yuiai danãkĩ txibaĩsbumakiri matu yuinũ nĩkakãwẽ. Tsuãra hiwe wanũ, iwanã, maxi anu basãkĩ kini txai wama beshãtu besti watã mixki tsamabirãkĩ habebis watã hiwe waimakẽ

Lucas 11:28

Jesusũ aĩbu yuikĩ: —Txanima habiaskaki. Hakia tsuabũra Deusũ hãtxa nĩkakĩ txibãmisbũ ẽ ewa binui ana benimahairakanikiki— hatu waya

João 13:17

Na haska ẽ matu yuiai tsuabũra nĩkatã hawẽ hiwekĩ habũ aki benimakubaĩshãkanikiki.

João 14:15

ana nuku yuikubaĩkĩ: —Txanima mã ea abuairã, haska ẽ matu yusĩkĩ yunumis xinãkĩ ẽ hãtxa mã txibãkubaĩshanaii.

João 15:10

Hawẽ hãtxa ẽ txibãyã ea abukĩ ẽ Epã ea putaismaki. Haska keskari wakĩ ẽ yunua hãtxa mã txibãyã matu abukĩ ẽ matu putamari ishanaii.

Romanos 2:13

Ha inũ, tsuabũra hawẽ hãtxa nĩka bestikĩ Deus benimawatirubumaki, hawa txibãmarã. Hakia tsuabũra hawẽ hãtxa yununi nĩkatã habias txibãkubaĩmisbu hatuwẽ benimakĩ hatũ txakabu ana xinãma Deusũ hatukiri pe xinãshanikiki.

1 João 2:3

Ha Deusũ yununi nũ habuã txibãkubainairã, nukubũ nũ ma unãti watã mestẽwanã, txanima nũ ma hanu haki dasiabuki.