Mateus 7:15 - Kaxinawá Bíblia (BR)

¹⁵ —Ha inũ, betsarã, ha parananãmisbu pepa keskakĩ Deuskiri yusĩbiakĩ hawẽ huĩti inu pubẽ keskã txani hãtxa matu yusĩaĩbu ana nĩkama hatu uĩrakubaĩkãwẽ.

Kashinawa : Diosun Jesúswen taexun yuba bena yiniki

¹⁵ —Ja inun, betsadan, ja padanananmisbu pepa keskakin Dioskidi yusinbiakin jawen juinti inu puben keskan chani jancha matu yusiainbu ana ninkama jatu uindakubainkanwen.

Mateus 7:15 Referencias Cruzadas

Miquéias 3:11

Shanẽ ibu beshmas unãti wanikabũ nukũ mae anushũ hune pei bikatsi hatũ txakabu pewakĩ hatu parãmisbuki. Deusbe nukunabu hãtxashunikabũ hatu yusĩkinã, pei binũ ishũ besti hatu yusĩkubaĩmisbuki. Hamẽ Deusũ hãtxa yuishunikabũ Senhor Deusũ haska akaiwẽ benimawai dabanẽ Deusũ unãmashina yuikatsi pei bitã hatu yuikĩ: “Nukũ shanẽ ibu Senhor Deusrã, nukubeki, nuku mekekubainairã. Nuku merabewamiswẽ taea hawa txakabu nuku anu hutirumaki”, iwanã, “hatu yuimisbuki.

Mateus 10:17

Mã ẽ kakapekiri hatu yusĩawẽ taeshũ ikũwãbumã matu kupinũ, iwanã, hatũ mae shanẽ ibu anu matu iyushãkanikiki. Ha inũ, hatũ itxati hiwe anushũ ekiri mã hatu yusĩaĩbu betsabũ matu kuxa kuxa ashãkanikiki. Uĩrashãkãwẽ.

Mateus 16:11

Haskai fariseubu inũ saduceubũ misi shashawatikiri hãtxai haskai hatũ misi kayabikiri ẽ hãtxamabiakẽ mã xinã txakai?— nuku wa

Mateus 16:6

Jesusũ nuku yuikĩ: —Xinaĩrakãwẽ. Fariseubu inũ saduceubũ misi shashawati meseki. Uĩrashãkãwẽ— nuku wa

Mateus 24:11

Hanu haskaibutiã huni itxapabu beshũ yuikĩ: “Deusũ hãtxa matu yusĩnũ ea nĩkakãwẽ”, ikĩ txani txakakĩ yura itxapabu hatu parãshãkanikiki.

Lucas 12:15

yurã kaiã yuikĩ: —Mã mabuwẽ kemuairã, matu yuinũ nĩkakãwẽ. Mã mabuyabia hatũ matu hiwematirumawẽ taea hamapai mabu xarabu besti abui ha hayanũ ika mã kemukũkainairã, uĩrakãwẽ— iwanã,

Lucas 6:26

Tsuara ibubis hawawẽra hawẽruakĩ dasibibu hatu abumakĩ mã hatu kẽwãmatirurã, uĩrashãkãwẽ, mesekirã. Habũ Deus yuishunikapaiaibũ hatu parã paepawa matũ shenipabũ hatu kẽwãpaunibu keska iyamashãkãwẽ— iwanã,

João 10:12

Hakia dayarũ pei binũ ika dayakĩ txashuwã mekeshunaya hanua kamã inu pubenẽ txashuwã pinũ ika huaya betxitã hawenamawẽ taea txashuwãki petxitã henebaini pashaya inawã bestibu atxikẽ hatiri pashai benumisbuki.

Hechos 13:40

Haska Deusũ hãtxa yuishunikabũ kenenibu keskai ibubis matũ txakabuwẽ mã Deus kupimatiruki. Uĩrakãwẽ, haska kenenibu keska wakĩ:

Hechos 13:6

hanua natukã mae tibi anu Barnabé inũ Saulo uĩ bukubaini atimas ha natukã shanẽ ibũ mae hawẽ kena Pafos anu hikiabu hanu judeu betsa hawẽ kena Barjesus, hawẽ Grego kenarã, Elimas, huni mukayai txani txakai: “Deusũ hãtxa yuishunika nikapai ẽ hawẽ kuxipayaki”, ikĩ hatu parãmis

Gálatas 2:4

Hanua betsarã, nũ itxanu nukũ betsabu hatiri nukubetã ikũwaĩ kayabibumari hune nuku unãti wanũ ika hikia manishũ nĩkakĩ hawama Jesus Cristokiri nĩkatã txibaĩ ma mekei pepabiaibũ hanua habũ Moisés hatu yusĩni hatũ beya nuku ana husimakĩ txibãmanũ ika ikaibũ hawa hatu nĩkama binumakĩ ha Jesuskiri hãtxa txanimawẽ taea hawa beya tibiwẽ husikĩ matukiri nuku kanemama inibuki, mã haska betsatã maetirubumakirirã.

Efésios 4:14

Haskakẽ ana bake mixtĩbũ xinaĩ keska ana hiweyamakubainãkãwẽ. Eskaki, matu yuinũ nĩkakãwẽ. Huni betsa betsapabũ bake mixtĩbu beparanabu hawaira nĩkamisbuki. Nuku habiaskari wakĩ yura betsa parananãkĩ Deusũ yusĩa kayabi txibãma yusĩa bena watã matu yusĩaĩbu hatu nĩkakĩ hatũ hãtxa ikũwãkĩ bake mixtĩbũ hamapai tibi txibaĩ imis keskai ana iyamakubainãkãwẽ.

Efésios 5:6

Tsuabũra matu beparãkĩ hamẽ matu yusĩkĩ paraĩburã, hatu nĩkayamakãwẽ. Tsuabũra Deus nĩkama hawa merabewatimakiri yusĩmisburã, Deusũ hatu kupitxakayamashanikiki. Uĩrakubaĩshãkãwẽ.

Filipenses 3:2

Ha huni yusĩnã meketikiri parananaĩ itxakanikai daya pepa wanikapaikĩ matu yusĩkĩ judeubu keska matu hiwemanũ ika ikanikiki, dateyamakaĩ matũ hina kubitxi meshtemanũ ikarã. Matu haska wanũ ikaibu uĩrakãwẽ.

Colosenses 2:8

Huni betsabũ hatũ yusĩa beya betsawẽ matu unãnepa wapai matu hatu txibãmakatsis ikaibu hatũ yusĩa pe itsa kayatapiamaki. Uĩrakãwẽ, tsuabũra Cristõ yusĩa danãkĩ hakiri xinaĩ hãtxashunabumakirã. Hakia habu ikirã, na mai anushũ yushĩ kuxipabũ yunuai txibãkĩ yusĩa betsã ani hawẽ yusĩnanaĩ kanenibu txibãkĩ matu amakatsis ikubaĩkanikiki, haska habu yusĩnanãkinã.

2 Timóteo 3:13

Hakia huni txakabu inũ habu parananaĩburã, hatũ hiwea pe buama piku bestishãkanikiki, hatu paraĩbuwẽ inũ ibubis parananaĩnã.

2 Timóteo 4:3

Txipu bari betsatiã yurabu itxatã yusĩa kayabi ana nĩkakatsi ikabuma ishãkanikiki. Hakia haska habũ nĩkakĩ abuai besti anũ ikaibu hatũ yusĩa pepamabiakẽ hawẽ benimanũ ishũ hawara haska nĩkakatsi ikaibu besti hatu yusĩmanũ ishũ yusĩnã itxapabu hatu yusĩmashãkanikiki,

2 Pedro 3:17

Ẽ betsabu inũ ẽ puibuũ, matuwẽ nuihairakĩ ma bebũkiri haskashanaibu ẽ ma matuki txanishuki. Mekeirakubaĩkãwẽ, mã pebiakainaya hau huni txakabũ matu parãkĩ hau matu txĩtũmayamashanũbũ mestẽshãkãwẽ.

1 João 4:1

Ẽ betsabu inũ ẽ puibuũ, matuwẽ nuikĩ na haska tashnibiranaibukiri ẽ matu yusĩkatsis ikaii. Mai hirabi anu Deusũ hãtxa yuishunikanikapai habu txani txakaiburã, mirima hayaki. “Eari ẽ Deusũ hãtxa yuishunikaki”, ikaiburã, dasibi hatu ikũwãyamakãwẽ. Hakia hatu unãti wakinã, txanima habu Deusũ Yushĩ haya ikanimẽkaĩ? Hayamabia matxupai ikanimẽkaĩ? Hatu uĩkubaĩkãwẽ.

Judas 1:4

Ha inũ, ha bebũkiri ha yurabukiri Deusũ hawẽ hãtxa hatu kenemani habu parananãmisbu kupinũbariai habias yuini keska na habiatiã yurabu betsa betsapa hune txakabu hayabia matube itxai unãtinãtã hatũ txakabu henekatsi ikama habũ xinãwẽ matu parãkĩ yuikĩ: “Deus pepatunã, hawara txakabu mã wabiaya matũ txakabu buatã kupiama ishanikiki”, akĩ hamapai atimapa matu yusĩ hatũ hiwea pewai beshtekekatsi ikama Jesus Cristo besti nukũ Shanẽ Ibubiakẽ hawẽ kuxipa danãkanikiki.

Apocalipse 16:13

hanushũ yuinaka mese atimapa hashpa anua inũ, yuxibu sheanã hashpa anua inũ, huni betsã parã hãtxa yusĩmis hashpa anua habu tibi anua yushĩ txakabu heu keska kaĩaĩ ẽ uĩshuki.

Apocalipse 17:6

Haska inũ, Jesus txibãkĩ hawẽ hãtxa yusĩmisbu mirimabu ha aĩbu hininipa itsa mae ewapa Babilônia anuabũ hatu tenãshũ habũ himi akai keska paẽa haskai uĩkĩ xinaĩ e iki teku itã ẽ pes nikẽ

Apocalipse 19:20

ha parã hãtxa yuishunikatũ yuinaka mesẽ besuuri atimaska betsa betsapa tsuã atiruma wakĩ habu yuinaka mese atimapahairatũ kena habu hẽ iyamama inũ hawẽ dami kẽwãmisbu hatu parãmiswẽ taeshũ parã hãtxa yuishunika Shanẽ Ibu binuatũ tsumabũ atxikĩ yuinaka mese atimapahaira habe atxitã nĩkaibu hanu iã enxofre paxinipa menui here hi hi ikai anu ha dabe hatu putabu

Apocalipse 20:10

hanu ha iã hanu enxofre paxinipa menui here hi hi ikai anu yuinaka mese atimapahaira inũ parã hãtxa yuishunika nai tsumabũ urẽnibu anu Satanásri urẽa haria bariri inũ mexu merã niti akama Deusũ hatu isĩ tenematxakayamashanikiki, hawa huĩrukũti hayama niti ikama akibi akinã.