Mateus 5:3 - Kaxinawá Bíblia (BR)

³ —Benimatirubukiri matu yuinũ nĩkakãwẽ. Tsuabura kẽkubaĩsbuma Deus shanẽ ibukĩ hatu duawashanaiwẽ taea benimapaketi xinaĩ benimakubaĩkanikiki, manairã.

Kashinawa : Diosun Jesúswen taexun yuba bena yiniki

³ —Benimatidubukidi matu yuinun ninkakanwen. Tsuabuda kenkubainsbuma Dios xanen ibukin jatu duawaxanaiwen taea benimapaketi shinain benimakubainkanikiki, manaidan.

Mateus 5:3 Referencias Cruzadas

Jó 42:6

Haskawẽ taeshũ hawara mikiri ẽ yuishina ana shinãma ẽ yamawakatsis ikaii, hau mĩ ekiri haska ana shinãyamanunã. Na habiatiã mai kuru inũ txi mapu anu tsaushũ mikiri ẽ ana shinã betsa wakĩ taewaii”, akaya

Salmos 1:1

Huni pepa benimai shinã txãkainã, tsuabũra hamapai txakabuwakĩ hatu yusĩ txakaibu hatũ yusiã danaĩ inũ, habũ bai txakabu tanama inũ, habũ Deus itxai haki kashemisbuwẽ taea habube mapuisbumaki.

Salmos 2:12

Ha inũ, hawẽ bake kẽwãkĩ pepawakubaĩkãwẽ, mã nĩkamawẽ taea hawaira matuki sinataya hau bai namakishũ matu tenãyamanunã. Hamẽ tsuabũra Deusũ Katua betxipaikĩ mekemakubaĩmisburã, habu besti benimakubaĩmisbuki.

Salmos 34:18

Senhor Deusrã, nuku mekei nuku dapi niaki. Tsuabura bika betsa betsapa tenei huĩti nishmai nui hawawẽ haskatimabiakẽ Senhor Deusũ hatu mekekĩ pashawashanikiki.

Salmos 51:17

Ha inãkuĩti tibi mĩ betxipaiairã, ẽ yushĩ mĩ ea meshteima ẽ bika tenebiai has shinãma ẽ huĩti betsa watã txakabu mĩ ma ea pewaima ea uĩkĩ mĩ ea betxipaiaii.

Salmos 84:12

Senhor Deus kushipa dasibi binu keyuatuũ, tsuara miki txiti ikĩ mia ikũwainã, benimakanikiki.

Provérbios 16:19

Keĩsbuma nuitapaibube haibunamekĩ mabuyabu mã hatu binuhairatirubuki. Hakia huni mabuyaburã, kenikabube haibunamemisbuki.

Provérbios 8:32

Ea unanepa ẽ matũ epa keskaki. Natiã ea nĩkairakãwẽ. Ẽ akubaĩmis ea txibaĩ mã benimakũkaĩshanaii.

Isaías 30:18

Mã haskabiashanaya Senhor Deusũ matu manaikiki, hawẽ nui pae matu uĩmakatsirã. Haska matuwẽ nuitxakayamai matu uĩmakatsi ikikiki, ha Deus yunuti kushipa kanetiruma hayawẽ taearã. Senhor Deus dasibi tsuabũra mã manakaibuwẽ taea hawẽ benimakanikiki.

Isaías 61:1

Haskaya Senhor Deusũ ea katukĩ sheniwẽ ea mauka keska wakĩ hawẽ Yushĩ kushipa ea hikimatã ea yunukĩ: “Nuitapaibu hatu shinã txãkãwaĩ kaka pepa hatuki txanitãwẽ. Bika teneaibu hatu merabewatãwẽ. Hatu nãta iyukĩ tsuma wabainibu keska inũ hatu bitxinibu keska haska wakĩ ẽ hatu unanuma hiwematiru hatuki txanitãwẽ, haska wakĩ ẽ hatu pekatirurã.

Isaías 66:2

Dasibi betsa betsaparã, eã besti dami wakĩ ẽ keyuniki. Haska wakĩ ẽ taewa hayai hiwenibuki. Eã hunibu uĩkĩ merabewakinã, habu keĩsbuma inũ hatũ txakabu henetã ẽ hãtxaki mesekĩ nĩkamisbu ẽ hatu amiski, ikĩ ea Senhor Deusũ ẽ hãtxa ẽ mestẽwaiĩ”, iniki.

Miquéias 6:8

Hunibuũ, Senhor Deus daewakĩ mã haska watirumahairaki. Hawara pepakiri Senhor Deusũ ma matu yuinishũ matu manaikiki. Hawẽ yunuti kushipa kaneama inũ, pepa aki betxipainamei yura betsabuwẽ nuikũkaini inũ, ibubis keãma matũ mekenika Deusũ hãtxa nĩkakĩ ha besti txibãkubaĩkãwẽ, matu waniki.

Mateus 11:25

hanua Jesus xinã txãkaĩ benimakĩ yuikĩ: —Epaã, nai inũ mai hirabi minaski. Mĩ duapa hãtxa ha unãnepai kẽmisbu mĩ hatu unãmama habu keĩsbuma besti mĩ hatu unãmakubainaiwẽ taeshũ ẽ mia kẽwaiĩ— iwanã

Mateus 11:6

Tsuãra ea ikũwaĩ hawa hawẽ xinã txakabui txĩtuĩsmarã, ikũ benimashãkanikiki!— hatu wa

Mateus 13:16

—Na haska yuinirã, mã matũ akaii, matũ beruwẽ uĩkĩ inũ matũ pabĩkiwẽ nĩkai natiã mã benimairã. Txanima nukũ shenipabu Deusũ hãtxa yuishunikabu inũ yurabu pepabũ ea uĩpaibiakĩ ea uĩyama inibuki. Ha inũ, na mã ea uĩyaĩnã, ea uĩkatsi ibiakĩ ea uĩyama inibuki. Ha inũ, habias mã nĩkairã, ea nĩkapaibiakĩ ea nĩkamari inibuki— akĩ

Mateus 19:14

uĩkĩ Jesusũ nuku yuikĩ: —Hatũ bake mixtĩbu ea anu iweaibu hatu nemayamakãwẽ. Deus shanẽ ibuaitianã, na bake mixtĩbu eki dateabuma keskabu besti Deuski dasishãkanikiki— nuku watã

Mateus 24:46

Hanua shanẽ ibu ana txĩtũkirã haska yunubainima ashũkubainaya ha shanẽ ibu haki nukutuxitã benimahairashanikiki.

Mateus 25:34

Hanua ẽ shanẽ ibuhairatũ enabu ẽ yusiuri ẽ hatu nitxiã mapuabu hatu yuikĩ: “Ẽ Epã mai damiwakĩ taewakĩ matu habe hiwemakatsi matu katunishũ natiã matu ma kenaikiki. Habe hiweri bekãwẽ, matu duawai benimaikikirã.

Mateus 8:11

Eãnã, ikũ ẽ matu yuiaii. Deus shanẽ ibukĩ mai hirabi anua bari huaikiria inũ bari hikiaikiria ikũwaĩbu dasibibu hatu itxawatã duawakĩ Abraão inũ Isaque inũ Jacóbetã hatu pimashanikiki.

Marcos 10:14

Jesusũ uĩ hawẽ tsumabuki sinatakĩ hatu yuikĩ: —Hatũ bakebu ea anu iweaibu hatu nemayamakãwẽ. Deus shanẽ ibuaitianã, na bake mixtĩbu eki dateabuma keskabu besti Deuski dasishãkanikiki— hatu watã

Lucas 11:28

Jesusũ aĩbu yuikĩ: —Txanima habiaskaki. Hakia tsuabũra Deusũ hãtxa nĩkakĩ txibãmisbũ ẽ ewa binui ana benimahairakanikiki— hatu waya

Lucas 18:14

abaini inũ kaya Deus hawẽ nuikĩ hawẽ txakabu buashũkĩ pewashunimaki. Hakia fariseũ hãtxa nĩkama Deusũ hawa buashunama ikimaki. Haskakẽ tsuabura ibubis kẽmis Deusũ dake washanikiki. Hakia tsuabura keĩsma Deusũ duawashanikiki— hatu wa

Lucas 22:29

Haska mã bika tenekubaĩxinawẽ taeshũ ebetã pikĩ hawẽ shanẽ ibu haki tsauti ea dapi tsaushũ Israelĩ 12 bakebũ baba shukuabu tibi hau mã hatu unãti watã mekeshanũbũ haska ẽ Epã ea yunua ẽ habe shanẽ ibumis keskakĩ ebe ẽ matu shanẽ ibumashanaii— iwanã,

Lucas 4:18

“Nuitapaibu kakape ẽ hatu yusĩnũ Deusũ ea katuniwẽ taea hawẽ Yushĩ Pepa ẽ hayaki. Hanushũ huĩti nixmabu hatu benimawakĩ yura betsã hatu tsuma wa henemakĩ bekũ keskabu bepesha keska wakĩ hatu yusĩ pewakĩ hatu itxakawaibu nemakĩ Deus benimawatikiri dasibibu ẽ hatu unãmakubaĩshanũ Deusũ ea yununiki”, hatu watã keneni hãtxa yuikĩ keyushũ

João 20:29

—Ea uĩtãs mĩ ea ikũwaiĩ. Hakia habũ ea uĩyama ẽ haxi shui uĩyamabia ea ikũwãshanaiburã, Deusũ hatu duahaira waya benimakubaĩshãkanikiki— akai nũ nĩkaya ana habiaskariai damikainiki.

Santiago 1:10

Mã ikũwaĩ mabuyabuũ, matũ mabu bestiwẽ hawẽ keĩ mã xinãyamanũbũ Deusũ matu ma yusĩmawẽ taea maturi benimarikãwẽ, matũ mabu mã hayabiarã, harã, ni mashu hawẽ huayabis debumis keska mã unaĩnã.

Santiago 1:12

Tsuabũra ikũwaĩ bika betsa betsapa tenebiai babuama binukubaĩmisbu Deus hatuwẽ benimakĩ hatu manakukĩ haska habũ Deus abumamisbu haskabu hatuki Deus yubakai hiwekuĩa hatuki tanani hatu hawẽ manakushanikiki, maiti sawemakĩ akawakinã.

Santiago 2:5

Ẽ betsabu inũ ẽ puibuũ, matuwẽ nuikĩ ẽ matu abuai ẽ hãtxa nĩkairakãwẽ. Na mai anua tsuabura nuitapaibu Deusũ katua habũ Deus ikũwã kayabiaibu pepakanikiki. Hanua txipu haska hiwekũkainaiwẽ taeshũ niti akama nai anu habe hiwemashanai Deus yubakanishũ danãma hatu abumisshũ hatu manakushanikiki, nai anu hatu hiwemakinã.

Apocalipse 19:9

Hanushũ nai tsumã ana ea yuikĩ: “Deusũ hãtxa kayabi ẽ mia yuiai nĩkatã keneriwe, eskarã. Txashuwã bakẽ hawenabu nai anu habe hiwemanũ, iwanã, hatu itxawashũ habetã pirã, benimatxakayamashãkanikiki”, ea haska yuiaya

Apocalipse 22:14

Uĩwẽ. Tsuabura benimati hayarã, hatũ tari patsa keska wakĩ habũ xinã kayabiwẽ Jesus ikũwãkĩ txakabu Deus buamakubaĩmisbu hawẽ mae bena anu hikitã habu besti pekĩ hawẽ benimai hiweti hi bimi pikubaĩshãkanikiki.

Apocalipse 3:17

Haska inũ, matũmebi xinãkĩ yuikĩ: Mabu itxapa haya pei itxapa haya dasibi ẽ hayaki, ikĩ mã xinãbiakĩ ẽ yusĩa xinãkĩ mã txibãbumawẽ taea mã ibubis nuitapai hawa hayama bekũ tariuma keska mã hiwekũkainaii.