Mateus 5:18 - Kaxinawá Bíblia (BR)

¹⁸ Txanima nai anua inũ mai keyuriamakẽ Deusũ hãtxa yuishunikabubetã haska Moisés hatu yusĩni hãtxa ikũnã, eã ẽ matu yuiairã, hawa tsuã nemakĩ inũ hawa betsa wama hãtxa tibi menepakeshanikiki.

Kashinawa : Diosun Jesúswen taexun yuba bena yiniki

¹⁸ Chanima nai anua inun mai keyudiamaken Diosun jancha yuixunikabubetan jaska Moisin jatu yusini jancha chanimadan, ean en matu yuiaidan, jawa tsuan nemakin inun jawa betsa wama jancha tibi menepakexanikiki.

Mateus 5:18 Referencias Cruzadas

Isaías 40:8

Basi txushiaya hua utsi shanamiski. Hakia nukũ Deusũ hãtxarã, ha besti hawa betsama mestẽ ipakenũbarikiki”, ikĩ

Isaías 44:26

Hamẽ habũ ea txanima txibaĩburã, hatu haska wama hatu hãtxa kayabi yuimakĩ ẽ hatu menemakubaĩmiski. Ẽ hatu yunua habu ẽ hãtxawẽ yubakaiburã, hawara akaibu pe kaĩkũkaĩmiski. Hamẽ eanã, Jerusalém yunukĩ ẽ pewairã, ana txĩtũbirã hanu ana hiweshãkanikiki. Judá maewã tibirã, ana benibaũshãkanikiki. Mae txakabuwanibu eã ẽ hatu benimakĩ keyushanaii.

Mateus 10:15

Ikũ ẽ matu yuiaii. Hanu Deusũ yurabu dasibi hatu kupiaitiã haska Sodoma inũ Gomorra ha mae ewapa dabe txiwẽ Deusũ hatu kupikĩ haska wani binumakĩ habũ matu danãnibu Deusũ hatu kupihairashanikiki— iwanã,

Mateus 10:23

Hakia mae betsa anushũ matu itxakawaibũ hanua kaĩbaini mae betsa anuri kashũ hatu yusĩkubaũshãkãwẽ. Israelbũ mae tibi anu nati ikĩ mã hatu yusĩ keyuriamakẽ ikũ matũ Hutxi Kayabi Iuwa ẽ shanẽ ibui taeshanaii.

Mateus 10:42

Ha inũ, eki txiti iki beshmasbiabũ hatu ũpash matsipa yukabu ea txibãmisbuwẽ taeshũ hatuwẽ nuikĩ ũpash hatu amakubaĩmisbu ikũ hawẽ kupiti pepa bishãkanikiki— nuku aniki.

Mateus 11:11

Ikũ ẽ matu yuiaii. Yura dasibibũ Deus dayashũkĩ tsuã João binuama ibianibũ hanu Epa Deus shanẽ ibuaitiã ikũwaĩbu haki dasiabu beshmashairabiabũ João binushãkanikiki.

Mateus 16:28

—Ikũ kayabi ẽ matu yuiai nĩkakãwẽ. Na habia mã ebe mapuaburã, mã betsa betsapa mawariamakẽ ẽ matũ Hutxi Kayabi Iuwa ẽ matu Shanẽ Ibui taeshunai mã uĩshanaii— nuku aniki.

Mateus 17:20

Jesusũ nuku yuikĩ: —Ea ikũ kayabihairawariama mã atiruma ishuki. Txanima hãtxa ẽ matu yuiai nĩkakãwẽ. Mostarda hawẽ heshe pesheixtabia banabu ewai hi ewapamiski. Habiaskari wakĩ ea ikũ pixtawabiakĩ ẽ kuxipa xinãkĩ na mati yuikĩ: “Nenua maei betsa anu katãwẽ”, mã wa matu nĩkatã ha mati maetiruki. Hamẽ ea ikũ kayabi wakĩ dasibi mã haska atirubuki— nuku watã

Mateus 18:18

Txanima ẽ matu yuiaii. Nenushũ ikũwaĩbu yusĩkĩ mã hawara nemaya Epa Deusũri nemashanikiki. Hawara nenushũ mã nemashunamakẽ Epa Deusũri nemama iriashũshanikiki.

Mateus 18:3

nuku yuikĩ: —Ikũ ẽ matu yuiaii. Bake mixtĩbũ hawa dateama ea ikũwaĩ txĩtũkatsi ikama ea txibãkubaĩtirubuki. Tsuabura haska keskariakĩ hawa keãma ea ikũwãkĩ txibãmarã, nai anu mã ebe hiwei shanẽ ibutirumahairaki.

Mateus 19:23

Jesusũ nuku yuikĩ: —Ikũkĩ ẽ matu yuiaii. Ha yuinaka ewapa camelorã, ha shumush hawẽ txishuiki hawẽ yura kaĩmakinã, tsuã atirumaki. Hakia haska keska bikarã, huni mabu itxapayarã, hawẽ mabu besti xinaĩ hawẽ nuikĩ hatũ xinã betsa wama Deuski txiti itirubumaki— nuku waya

Mateus 19:28

Jesusũ ana nuku yuikĩ: —Ikũkĩ ẽ matu yuiaii. Bari hawẽ henei keyuaitiã ẽ Epã dasibi benawaya ẽ habe shanẽ ibuaya txĩtuãma mã ẽ 12 tsumabũ ea txibãkubaĩmisbu ebe shanẽ ibukĩ Israelĩ 12 bakebu shukuakeakeabu mã unãti wanũ bariaii.

Mateus 21:21

Jesusũ nuku yuikĩ: —Ikũkĩ ẽ matu yuiaii. Mã haratutũra ea ikũwaĩ xinã dabeyama na hi ẽ ashu keska wakĩ na mati yuikĩ: “Matipaã, mimebi tsekekaĩ iãnẽwã merã pukutãwẽ”, mã waya Deusũ haska yunushanikiki.

Mateus 21:31

Haskakenã, matu yukapa? Haratutũ hawẽ epã yunua nĩkatã ashuĩmamẽ?— hatu wa —Ha ha dukũ yunuimatũ nĩkakĩ ashũtanimaki— akabu Jesusũ hatu yuikĩ: —Eskatiã ikũ ẽ matu yuiaii. Naximanika João tashnimashũ haskai hiwei peti matu yusĩbia hawa matũ xinã betsa watã mã ikũwãma ikimabuki. Hakia ha governo pei bishunika txakabubu inũ aĩbu hininipabũ Joãonẽ hãtxa nĩkakĩ ikũwaĩbu uĩbiakĩ matũ mã xinã betsa wama ikubaĩxinabuki. Habiaskariai natiã nawa pei bishunikabu inũ aĩbu hininipabu Deusũ hãtxa ẽ yusĩaĩ habũ nĩkaibu Deusũ hawenabu hatu waikiki, matu binukinã— iwanã,

Mateus 23:36

Ikũkĩ ẽ matu yuiaii. Matũ shenipabũ hatu tenãnibu keska xinãkĩ habũ txakabuwẽ taeshũ na habiatiã Israelbu dasibi matube hiweabu Deusũ haturi kupishanikiki— hatu watã

Mateus 24:2

nuku yuikĩ: —Ikũki. Na mixki hiwe ewapa hawẽrua wanibu mã uĩaĩnã, hawẽruabia habianu mixki betsa ana matsama dasibi ha mixki hiwe tekekĩ purekĩ keyushãkanikiki— nuku wabaini

Mateus 24:47

Txanima ha shanẽ ibũ hawẽ tsuma dasibi hawẽ hamapai mekemashanikiki, hawẽ hiwe inũ, hawẽ bai betsa betsapa inũ, hawẽ inabu inũ, hawẽ tsumabu betsarã.

Mateus 25:12

hatu yuikĩ: “Haskamaki. Mã ea manakakĩ pewama ishuki. Mã tsuabumẽkaĩ, ẽ matu unãmaki”, hatu washanikiki— nuku watã,

Mateus 25:40

eãri hatu yuikĩ: “Txanima ẽ matu yuiaii. Na dasibi ẽ betsabu inũ ẽ puiburã, hawaumabubiakẽ nuikĩ mã hatu merabewakubaĩmiski. Hatu haska wakĩ ikũ eari mã ea duawakubaĩmiski”, iwanã, hawẽ yusiuriabu yui keyutã

Mateus 25:45

eãri hatu yuikĩ: “Txanima ẽ matu yuiaii. Na dasibi ẽ betsabu inũ ẽ puibu hawa hayamabiabuwẽ nuiama ewẽri mã nuiama ikubaĩyamabuki”, ẽ hatu washanaii.

Mateus 5:26

Mã daewabainama matu bitxiabu mã paka keyuama ikũ mã haskatã kaĩtirumaki. Habiaskari wakĩ ea haibuwatã Epa Deus daewariakubaĩkãwẽ, matũ txakabuwẽ hau matu kupiyamashanunã— iwanã,

Mateus 6:16

—Matu samakeirã, besu atimapatã iyamakubaĩkãwẽ, habu beparamei kẽmisbu samakei amua mapumisbu keskamarã. Habu beparamei kẽmisbu hatũ besu atimapa uĩkĩ ma samakeaibu hau ea unãnũbũ ika haska mapumisbuki. Txanima yurabũ uĩkĩ hatu kẽwaĩbu hawẽ besti hatũ manakuti bimisbuki.

Mateus 6:2

Haskakẽ nuitapaibu mã merabewairã, tsua hatu banabimakĩ shabakabi hatu uĩmakĩ pawayamakubaĩshãkãwẽ. Hakia habu beparamemisbũ nuitapaibu hatu merabewakĩ hau yurabũ ea kẽwãnũbũ, iwanã, itxati hiwe anushũ inũ bai namakishũ hawara hatu inãkĩ shabakabi wamisburã, yurabũ manakuti ma hayabuki. Haskawẽ taeshũ ikũ kẽmisbu Deusũ ana hatu kẽwãma ishãkanikiki.

Mateus 8:10

Jesusũ nĩkai e itã ha hatxũ beaibu hatu yuikĩ: —Na haska nawa capitãonẽ ea ikũhairawai nukunabu Israelbũ ikũwaĩbu haska keska ẽ hatuki nukuriamaki.

Marcos 10:29

Jesusũ ana hatu yuikĩ: —Txanima ẽ matu yuiai nĩkakãwẽ. Haratutũra ea txibãkĩ Deusũ hãtxa kakape yusĩtanũ ishũ hawẽ mae henekĩ hawẽ betsabu inũ, hawẽ puibu inũ, hawẽ epa inũ, hawẽ ewa inũ, hawẽ bakebu inũ, hawẽ bai henekĩ keyubaĩkẽ

Marcos 11:23

—Ikũkĩ ẽ matu yuiaii. Na mati tsuãra yuikĩ: “Matipaã, mimebi tsekekaĩ iãnẽwã merã pukutãwẽ”, akĩ mã xinã dabewẽ xinãwẽ akama mã ikũwãkĩ hari yuiaiwẽ taea Deus matuwẽ dabanã ikĩ matu ashũshanikiki.

Marcos 12:43

hawẽ tsumabu kenashũ hatu yuikĩ: —Eskaki, matu shabakabi yuinũ. Ha hunibu pei itxapayabũ hatũ pei pashkashũ teshe besti inãkuĩkãshuki. Hakia ha aĩbu nuitapaitũ dasibi hawẽ hawara biti pei inãkĩ keyushuki— hatu watã

Marcos 13:30

Haska inũ, yurabu dasibi hiwebaunabu yamariabuma ikũ dasibi ẽ matu yuishu haskai taeshãkanikiki.

Marcos 14:18

tapu anushũ habetã piaibũ Jesusũ hatu yuikĩ: —Txanima ẽ matu yuiaii. Na habiatiã ebetã mã piaibunã, haratutũra mã ea hatu atximai kaii— hatu wa

Marcos 14:25

Txanima ẽ matu yuiaii. Ẽ Epa Deusbe shanẽ ibui ẽ ana huriama na uva vinho ẽ ana matubetã ayuama ishanaii. Abaũkãwẽ— hatu watã

Marcos 14:30

Jesusũ Pedro yuikĩ: —Haskamaki. Ikũ kayabi ẽ mia yuiaii. Na habia mexu merã takara keu daberiamakẽ: “Ẽ ha unãmaki”, iki dabe inũ bestiki mĩ eki dakekĩ yui kaii— aka

Marcos 14:9

Hakia ikũ ẽ matu yuiaii. Mai hirabi anushũ kakape ekiri txanibaũkĩ na aĩbũ ea ashu xinãkĩ yuiriabaũshãkanikiki, tsua hau hakimayamashanũbunã— hatu wai nĩkaxinabũ

Marcos 3:28

Deusũ hãtxa kenenibu yusĩnanãmisbũ yuikĩ: “Mĩ yushĩ txakabu haya iki ikaii”, akaibuwẽ taeshũ Jesusũ habu yuikĩ: —Ikũkĩ ẽ matu yuiai ea nĩkakãwẽ. Yurabũ habũ txakabu betsa betsapa inũ habu Deuski shetxakamisbu Deusũ hatu hakimawakĩ hatũ txakabu hatu buashũtiruki, pewakinã. Hakia matu keskakĩ tsuãra hawẽ Yushĩ Pepa danaĩ haki shetxakamisbu hatũ txakabu hatu buashũtaskama ishanikiki— iwanã,

Marcos 6:11

Haska inũ, hanishũra matu danãkĩ nĩkakatsi ikabumakẽ Deus hatuki sinatai unãti wakĩ hanua kaĩbaĩkĩ matũ tae anua mai kuru hatuki tabaĩshãkãwẽ, hau habiaskasi maninũbunã, hawa unãmarã— hatu wa nĩkatã

Marcos 8:12

Jesus huĩti nixmashũ hatu yuikĩ: —Haskakĩ hawara Deusũ besti damiwatiru uĩnũ ishũ mã ea yukai? Ikũ ẽ matu yuiai nĩkakãwẽ. Hamapai betsa uĩmakĩ ẽ ana matu ashũtaskamaki— hatu watã

Marcos 9:1

ana hatu yuikĩ: —Txanima ẽ matu yuiai nĩkakãwẽ. Na habia mã ebe mapuaburã, betsabu mã mawariamakẽ Deus Shanẽ Ibui taei kuxipahairai mã uĩshanaii— hatu anikiaki.

Marcos 9:41

Ha inũ, mã ea ikũwaĩbuwẽ taeshũ hamapai tibiwẽ matu duawakĩ ũpash amai keskawẽ matuwẽ dabanã ikĩ matu inaĩburã, ikũ Deusũ hatu duawashanikiki, pepawẽ manakukinã— iwanã,

Lucas 12:37

Hanũkaĩ hatiã huimẽkainã? yamenapũ kasmai takara keui taeaya kasmai hiwe ibu hukĩ hawẽ tsuma ushabuma betxituxiaya hawẽ tsumabu benimahairashãkanikiki. Hanushũ hiwe ibũ hawẽ tsumabu duawakĩ hau habetã pinũbũ hatu bashti imatã hatu pimashanikiki.

Lucas 13:35

Uĩkãwẽ. Matũ mae matũ mesti mã mekẽnũ Deusũ matu heneshanikiki, ana Jerusalém mekeamarã. Hakia hanu ẽ ana huaitiã: “Yavé Deusũ kuxipaya huairã”, ikĩ mã yuiriamarã, mã ana ea uĩyuama ishãkanaii— hatu wabaini

Lucas 16:17

Habiaskabiakẽ Deusũ yusĩni daĩbainai keska wakĩ tsuã betsa watirumaki. Nai inũ mai yamashanai bikama keskaki. Hakia dasibi Deusũ Moisés yusĩa keneni hawa betsa teshe wama meneshanikiki, tsuã betsa watirumahairawẽ taearã.

Lucas 18:17

Ikũ ẽ matu yuaii. Bake mixtĩbũ hawẽ ibu abumis keska wakĩ Epa Deus abuabuma Deus shanẽ ibuaitiã haki dasiama ishãkanikiki— hatu wa

Lucas 18:29

Jesusũ ana hatu xinãmakĩ yuikĩ: —Ikũ ẽ matu yuiai nĩkakãwẽ. Tsuabũra ea txibãkĩ Deusũ hãtxa kakape yusĩtanũ, ishũ matũ hiwe shunũkĩ matũ ibubu shunũkĩ matũ betsabu baxibaĩkĩ matũ aĩ shunũyubaĩkĩ matũ bakebu baxikĩ keyuyubaĩshanaibu

Lucas 23:43

Jesusũ yuikĩ: —Txanima ẽ mia yuiaii. Mĩ xinã betsa waiwẽ taea na habiatiã pe besti anu ebe ka mĩ hiwepakeshanaii— ikaya

Lucas 4:24

ana hatu yusĩkĩ: —Txanima Deusũ hãtxa yuishunikarã, hawenabũ hawẽ mae anushũ nĩkakatsi ikama danãmisbuki.

João 10:1

ana Jesusũ hatu yuikĩ: —Txanima ẽ matu yuiai nĩkakãwẽ. Tsuara txashuwã meketi shuiwẽ hikiama hamauri hawẽ keneki inakaĩ butumisrã, yumetsubuki.

João 10:7

judeu shanẽ ibubu Jesusũ ana hatu yuikĩ: —Ikũkĩ ẽ matu yuiaii. Hanu txashuwã hikiti shuirã, habia ẽ eaki.

João 12:24

Ikũ ẽ matu yuiaii. Heshe mai merã banama hawa bimitirumaki. Hakia mai uke merã bana hawẽ nami txapui dami hukuĩ yumetã bimihairamiski. Earã, ẽ haska keskayuaii.

João 13:16

Ikũkĩ ẽ matu yuiai nĩkakãwẽ. Dayakapã hawẽ tsuma binuĩsmaki. Haska inũ, tsuara yunua hawẽ yunua ashũkĩ binuĩsmariki.

João 13:38

Jesusũ Pedro ana yuikĩ: —Txanima mĩ ea mawashũtirumẽ?— iwanã —Haskamahairaki. Txanima kayabi ẽ mia yuiai nĩkawe. Penariama takara keui taeriama eki dakekĩ: “Ha hunirã, ẽ ha unãmaki”, iki dabe inũ bestiki eki dakekĩ mĩ yui kaii— akĩ

João 14:12

Txanima ẽ matu yuiai nĩkakãwẽ. Tsuabũra ea ikũwãkĩ ẽ haska amis mã ariakubaĩshanaii. Ha inũ, ẽ Epa Deus anu ẽ kashanaiwẽ taeshũ ẽ kuxipayabũ ea merabewakĩ hatu ikũwãmakĩ dami atimaska ewapa wakĩ ea binushãkanikiki.

João 16:20

ikũkĩ ẽ matu yuiaii. Ẽ mawakẽ ea manui kashai mã huĩti nixmakẽ habũ ea ikũwãbuma benimahairashãkanikiki. Hakia maturã, ẽ mawakẽ matũ huĩti nui henetã mã benimahairashanaii.

João 16:23

Habiatiãri ea uĩkĩ mã ea hawa yukama ishanaii. Hakia ẽ Epa Deus mã yuka ewẽ taeshũ matu merabewashanikiki.

João 21:18

Jesusũ Pedro ana yuikĩ: —Ikũkĩ ẽ mia yuiai nĩkawe. Berunã kuxipakĩ tari sawetã hanira kairã, mĩ ma itixaraxinaki. Hakia mĩ anibu mexã dakakẽ huni betsã mia tari sawemakĩ hanu mĩ kakatsi ikamabiakẽ mia iyushãkanikiki. Habiaskabiakẽ ea nĩkatã ea txibãpakewe, ikisrã— akĩ haskatã Pedro mawakĩ Deus hatu kẽwãmashanai hau nĩka pewanũ Jesusũ yuiai nũ nĩkaniki.

João 3:11

—Txanima ẽ mia yuiaii. Eskaki, mia yuinũ nĩkawe. Nukũ uĩkĩ inũ tapĩmisshũ Naximanika João inũ eã nũ matu yusĩmiski. Hakia nukũ hãtxa danãkĩ nukukiri shabakabi mã xinãbumaki.

João 3:3

Jesusũ ana yuikĩ: —Ikũkĩ ẽ mia yuiaii. Tsuara ana kaĩ benama Deus shanẽ ibuai anu ka hiwetirumaki. Hakia ana kaĩ benatã Deus shanẽ ibuaibe hiweshãkanikiki— aka

João 3:5

hanushũ Jesusũ yuikĩ: —Haskamaki. Txanima ẽ mia yuiai nĩkawe. Yura kayabi meranua kaĩyãnã, yura kayabi ikubaĩmisbuki. Ha inũ, Yushĩ Pepatũ kaĩ benamatã hatuki hikitã hatu yauxikĩ mekekubaĩmiski. Ha inũ, hene inũ Yushĩ Pepawẽ naxiabumarã, Deus shanẽ ibuaiki mã nukutirubumaki. Hakia ha dabewẽ pepakubainaibu haki mã dasitirubuki.

João 5:19

Jesusũ ana hatu yuikĩ: —Txanima ẽ matu yuiaii. Deusũ bakẽ hawẽ xinãnẽ besti haska atirumaki. Hakia hamapai xarabu Epa Deusũ akai uĩkĩ habiaskari wakĩ hawẽ bakẽri ariatiruki. Haskakẽ Epa Deusũ xinãnẽ ea hawẽ bakẽ ẽ ariaii.

João 6:26

Jesusũ hatu yuikĩ: —Mã unãti wakĩ kayatapĩnũ dami haskabiama wakĩ ẽ matu ashuaĩ uĩxina ha tapĩkĩ mã xinãmawẽ taea hakia misi pikĩ yani waxĩshũ haskas pinũ ishũ mã ea benai bei ikanaii.

João 6:32

—Txanima nai anua misi butunirã, ha Moiséskiri mã yuiairã, hatũ hatu pimama iniki. Hakia ẽ Epa Deusũ hatu pimakubaũpauniki. Hakia ikis nai anua habiaskari wakĩ misi kayabi ẽ Epa Deusũ matu inãkatsis iriaikiki.

João 6:47

Hiwekuĩmati misirã, habia ẽ eaki. Txanima tsuabũra ea ikũwaĩ hiwekuĩkanikiki, ikibi ikirã.

João 6:53

habũ xinã unãkĩ Jesusũ ana hatu yuikĩ: —Txanima matu yuinũ nĩkairakãwẽ. Matũ Hutxi Kayabi Iuwatũ nami piama inũ ẽ himi akamarã, mã hiwekuĩa hayatirumaki.

João 8:34

Jesusũ ana hatu yuikĩ: —Txanima ẽ matu yuiaii. Deusũ hãtxa kanekĩ dasibibũ txakabu xinaĩbu hatũ txakabũ hatu yabumiski, hawẽ dayaru keska wakinã. Haska inũ, huni betsã huni betsa bikĩ hawẽ dayaru waimakenã, ana hawenabube hiwetiruma xinãkĩ nitxĩmisbuki. Hakia huni betsã bakerã, hawẽ bake kayabi hani nitxiãma habe ikũkaĩmiski. Haskakẽ eãnã, haska keska wakĩ Deusũ huni bake kayabitũ matũ hawara txakabu mã devea keska hakimawakĩ ẽ matu mekeaya txakabũ matu ana yabutirumaki.

João 8:51

Haskakẽ habũ ẽ hãtxa nĩkakĩ heneama mawabia mawa kayabiama ishãkanikiki— hatu wa

João 8:58

—Txanima ẽ matu yuiaii. Abraão hayariama ea dukũ ẽ ikibi ini ẽ ikũkainaii— hatu waiwẽ taeshũ

1 Pedro 1:25

Hakia Yavé Deusũ hãtxarã, betsai keyuisma ipakeai hayaki”, aniki. Na habias hãtxa Jesuskiri kakape hakiri datã aki hawẽ yuinika betsabu matuki txanirianibuki.

Apocalipse 20:11

Hanushũ Shanẽ Ibu haki tsauti hushupa hawẽruahaira nukũ Shanẽ Ibu haki tsauwa ẽ uĩshuki. Tsaukẽ bari inũ, ushe inũ, bixi inũ, mai keyu tsekebaini nixmai yamakainaya