Mateus 5:12 - Kaxinawá Bíblia (BR)

¹² Hanua Deusũ hãtxa yuishunikabu itxakawanibu keska wakĩ maturi itxakawaibu nai anushũ Deusũ matu duawashanaiwẽ taea hawa dateama xinã txãkãkubaĩshãkãwẽ— itã,

Kashinawa : Diosun Jesúswen taexun yuba bena yiniki

¹² Janua Diosun jancha yuixunikabu ichakawanibu keska wakin matudi ichakawaibu nai anuxun Diosun matu duawaxanaiwen taea jawa dateama shinan chankankubainxankanwen— itan,

Mateus 5:12 Referencias Cruzadas

Gênesis 15:1

Haska waimakẽ ana usha nama keskawẽ Senhor Deusũ hãtxa wakĩ Abrão yuikĩ: —Abrão, dateyamawe. Ẽ mĩ mekenãtũ benimawakĩ ẽ mia duawakĩ ewapa washanaii— aka

1 Reis 18:13

Hamẽ betsarã, Senhor Deusũ hãtxa yuishunikabu hau hatu tenanũbũ hawẽ aĩ Jezabelĩ hatu yunukĩ taewaya 100 Senhor Deusũ hãtxa yuishunikabu hatu itxawashũ shuku dabe 50 tibi washũ hatu hunekĩ mai shui ewapa dabe anu hatu mistuimashũ misi inũ ũpash ẽ hatu pimakubaĩmis mĩ ekiri nĩkariamamẽ?

1 Reis 18:4

Senhor Deusũ hãtxa yuishunikabu hau hatu tenanũbũ Acabẽ aĩ Jezabelĩ hatu yunukĩ taewaitiã 100 Senhor Deusũ hãtxa yuishunikabu Obadiasĩ hune hatu itxawashũ pashkakĩ 50 tibi shuku dabe watã mai kini shui ewapa dabe anu hatu hunekĩ aruimashũ ushe itxapa misi inũ ũpash besti hatu pimakĩ inãkubainaya

1 Reis 19:2

taeshũ Jezabelĩ nĩkatã hawẽ hãtxa bunika yunukĩ yuikĩ: “Eska Elias ea yuishũtãwẽ: ‘Miarã, mĩ huni Eliaski. Earã, ẽ aĩbu Jezabelki. Haska enabu Baalĩ hãtxa yuishunikabu dasibi mĩ tesẽ keyushu keska wakĩ meshukiri na habia baritiãri ẽ mia habiaskari wariama yushibubũ hau ea kupitxakayashanũbũwẽ!’ iwanã, ‘mia yuishuki’, akĩ ea yuishũtãwẽ”, aka kashũ hawẽ hãtxa Elias yuia,

1 Reis 21:20

kemakĩ Acabẽ yuikĩ: —Nũ sinatai danananãrabeairã, haskakĩ ea benabaũkĩ mĩ ea betxishumẽ?— aka Eliasĩ kemakĩ yuikĩ: —Haa, ẽ miki nukushuki. Senhor Deusũ berubi ha betxipaiama txakabuhaira mĩ akubaĩmiski.

1 Reis 22:8

Israelĩ enabu shanẽ ibuhaira Acabẽ kemakĩ yuikĩ: —Betsa hayaki. Inlá bake Micaíasĩ Senhor Deusũ hãtxa nuku yuitiruki. Hakia hãtxa pepa eki txaniama hãtxa txakabus besti ea yuikubaĩmiswẽ taea ẽ ha betxipaismaki— aka Josafã nemakĩ yuikĩ: —Hari hãtxakĩ yuiyamawe— aka

2 Reis 1:9

hanua Elias uĩkãshu anu hau butanũbũ Capitão betsabe 50 detenamenikabu yunua bui mati hanu Elias tsaua anu kemashũ Capitãonẽ yuikĩ: —Deusũ huniĩ, shanẽ ibuhairatũ mia kenaikiki. Bututã shanẽ ibu anu ebe kayuwe— aka

Salmos 19:11

Ha dikabi mĩ yusiãwenã, mĩ tsuma ea pewakĩ mĩ ea nemamiski. Mia nĩkahairatã mia ashuaĩburã, pehairawẽ mĩ hatu manakumiski.

Provérbios 11:18

Hunibu dayatxakamisbu manakukinã, parã bestishãkanikiki, hawa pe inãmarã. Hakia tsuara parananãma pepa wakubaĩmisburã, hawẽ manakuti pepa inãshãkanikiki.

Jeremias 2:30

Matũ bakebu ẽ hatu yusĩbia hawa tapiãbumabiakẽ hamẽ ẽ hatu kupimiski. Maturã, pubenepa mã inu betsa leão keskabuki. Ẽ hãtxa yuishunikabu ẽ matu yunua hatuki sinatakĩ mã hatu tenãkubaĩmisbuki.

Jeremias 26:8

haska Senhor Deusũ yunushu Jeremiasĩ hatu yuikĩ keyuaya Deusbe hawenabu hãtxashunikabu inũ, Deusũ hãtxa yuishunika txakabubu inũ, yurã kaianẽ hawẽ hãtxa nĩkatã haki sinatakĩ atxishũ yuikĩ: “Ibubis mĩ hãtxawẽ taea mĩ mawaii.

Jeremias 37:14

Jeremiasĩ kemakĩ yuikĩ: —Ẽ hari haska kainamaki, Caldéia nawabu anu kairã!— aka haska wabia nĩkamas Jeremias atxitã shanẽ ibu beshmasbu anu iyushũ hatu yuikĩ:

Mateus 16:27

Hamẽ ẽ matũ Hutxi Kayabi Iuwarã, ẽ Epã kuxipaya Shanẽ Ibui hawẽ nai tsumabube ana hushũ tsuabũra ea txibaĩ hiwei pemisbu inũ txakabumisbu habu tibi ẽ hatu manakushanaii, pepa inũ txakabuwenã— iwanã

Mateus 6:16

—Matu samakeirã, besu atimapatã iyamakubaĩkãwẽ, habu beparamei kẽmisbu samakei amua mapumisbu keskamarã. Habu beparamei kẽmisbu hatũ besu atimapa uĩkĩ ma samakeaibu hau ea unãnũbũ ika haska mapumisbuki. Txanima yurabũ uĩkĩ hatu kẽwaĩbu hawẽ besti hatũ manakuti bimisbuki.

Lucas 13:34

—Jerusalém anu hiweabuũ, Jerusalém anu hiweabuũ, Deusũ hãtxa yuishunikabu inũ hawẽ hãtxa hatu bana beshũpakeaibu Deusũ hatu yunubiaya danãkĩ hatu tenãkĩ matũ shenipabũ ani keska wakĩ mixkiwẽ mã hatu tsaka tsaka amisbuki. Takarã hawẽ bake nushamis keska wakĩ eãri matu merabewakĩ matu mekẽnũ ika ẽ hubianikẽ haska xinãma ea danãkĩ mã ea hawa nĩkamaki.

Lucas 6:23

Haska inũ, Deusũ hãtxa yuishunikabu itxakawanibu keska wakĩ maturi itxakawaibu nai anushũ Deusũ matu duawashanaiwẽ taea hawa dateama xinã txãkãkubaĩshãkãwẽ— iwanã,

Lucas 6:35

Hakia pepakatsis ikirã, eskatiki. Matuki sinataibuwẽ nuikĩ hatu duawãkĩ matũ pepa hatu uĩmakubaĩkãwẽ. Haskawẽ taeshũ tsuabũra mĩ hamapai biwãxĩshũ mia ana beshũmisbu besti ana ha xinãma mia yane beshuĩsbumari hatu inãriakĩ yura dasibibu hatu duawakubaĩshãkãwẽ. Haska wakĩ mã hatu binumamiskẽ matũ pepawẽ Deus dasibi binuatũ matu manakushanikiki, hawẽ bakebu matu wakinã. Hanũkaĩ habũ Deus kẽwaĩsbuma inũ huni txakabububiakẽ betsa betsapa inãkĩ Deusũ hatu duawamiswẽ taea

Hechos 16:25

ha haska wabu habias mexu yamenapũ Deus dayuikĩ Paulo inũ Silasĩ hawẽ kẽwãti Deuskiri nawaibũ ha habu dukũ hatu bitximabũ hatu nĩkaibũ

Hechos 5:41

shanẽ ibubũ besuuria Jesusũ kuxipayabu kaĩbaini yuinamei: “Hawẽ bake Jesus Cristõ kakapekiri nũ yusĩayã Deusũ hawẽ nuku unãti watã nuku duawakatsi hatu yunua habuwẽ datei nũ beshtekẽnũ nuku akanikiki”, iki benimabaini buxĩshũ

Romanos 5:3

Haska bestimaki. Natiã Cristo nũ ikũwaĩwẽ taeshũ hamapai mei nũ bika teneaiwẽri Deusũ hawẽ kuxipa nuku uĩmakubainaiwẽ hawẽ xinã txãkaĩ nũ txĩtuãma nũ kuxipakũkainai nũ unaiĩ.

1 Coríntios 3:8

Hamẽ maturã, Deusũ hawẽ kakape heshe banamis keska mã hawẽ baiki. Hakia nukurã, nũ bai anu dayai keskakĩ nuku dasibibũ nũ Deus merabewakubainaii. Betsabũ kakape banai inũ betsabũ naximabiaya hamapai daya nuku yunua dasibibũ nũ pe akubainaiwẽ taeshũ Deusũ nuku pakakĩ manakushanikiki, nukũ daya tibi pepawenã. Hunibũ hiwe wamis keska wakĩ Deusũ matu wakatsis ikĩ

Filipenses 1:29

Deusũ hawẽ pepawẽ matu kenakĩ katushũ ikũwãmanirã, ha besti ikũwaĩ pepa bestitimaki. Habiaskariai Cristowẽ bika mei nuitapariatiki.

Filipenses 2:17

Ẽ hiwea ẽ matu inãni keska wakĩ ẽ matu ikũwãmaniki. Matũri ikũwãkĩ matũ hiwea mã Deus inãkuĩyaiĩ. Haskawẽ taea ẽ hiwea yauxiama mawakinã, hau mã ikũwãkĩ heneyamanũbũ ẽ hiwea Deus ẽ matu inãkuĩshũtiruki. Ẽ matu haskashuni ẽ benima paewẽ dasibi ẽ matu yuiaii.

Colosenses 1:24

Natiã matuwẽ taea nuitapairã, ẽ benimaii. Hau hawẽ taea nũ bika tenekũkaĩshanũ Cristõ nuku yunutã ha dukũ txanima hawẽ yurawẽ ha ikũwãshanaibu merabewanũ ika hatu bika teneshũkĩ haskawẽ taea eari ibubis ẽ yurawẽ menei ẽ ishũriaii, mã ha ikũwaĩbuwẽ taearã.

Colosenses 3:24

Ha inũ, nukũ Shanẽ Ibu Cristo matũ yununika kayabitũ matu yunua nĩkakĩ mã ashũkĩ mã benimawamisrã, ana matu manakukĩ itxapa matu binumakĩ haska yubakani hiwekuĩa matu inãshanai mã ma unaiĩ.

1 Tesalonicenses 2:15

Ha judeuburã, ha dukũ hatũ shenipabu betsabũ Deusũ hãtxa yuishunikabu betsabu ũ unuatiã hatu tenãkubiranishũ hanushũ habiabũ bababũri nukũ Shanẽ Ibu Jesus tenãrianishũ nukuri itxakawakatsis ikĩ nuku kaĩmakĩ haska Deusũ abuai ashũama nuku putakubainimabuki. Hanushũ Deusũ judeubumari hatu xinãkĩ haburi mekekatsi hanu hatu anu nuku yunuima nũ matube hãtxaya judeubũ nuku nemapaikĩ judeubu inũ judeubuma hatube dasitã hatu nukuki sinatamakubaĩkanikiki. Haska wakĩ hatũ txakabu betsa betsapa ana matsãkĩ itxawakubainaibuwẽ taeshũ samama hatu kupitxakayamakatsi Deusũ hatu manakaki.

Hebreus 10:34

Jesusunabu betsabu hatuki sinatakĩ bitxiti hiwe merã hatu bitxiabu nuitapaibuki mã batãtanaya matũ mabu inũ matũ hiwe matu biãbũ hawa yuiama benimakĩ matũ hamapai hatu heneshũkĩ Deus kẽwãkĩ hawẽ mae pepa nai anu hawa txapuisma hanu hiwei ikibi iki mã kashanai haska mã xinãkubaĩyamaki.

Hebreus 11:26

Hanushũ Deus ikũwãkĩ hawara Deus yubakani manakĩ Egitonawabũ mabu pepa betsa betsapa Moisés inaĩbuwẽ taea Messias Cristo ha kẽwãma shanẽ ibu wabu hawẽ kẽtiru unãbiai shanẽ ibũ hiwe anua kaĩkaini Deus kẽwaĩ hatũ merabenã Messias Cristo hawenabubetã manakai bika tenei yumãbiai manakuti pepa Deus anua hawa benuama inãshanai Moisés haska katunikiaki.

Hebreus 11:33

Betsabũ Deus ikũwãkĩ shanẽ ibu betsabũ mae mebinibukiaki. Betsabũ Deus ikũwãkĩ hatũ mae anu shanẽ ibukĩ hatu pe hiwemakubainibukiaki. Betsabũ Deusũ yubaka hãtxa ikũwãkĩ Deusũ kuxipa bitã hatuna wakubainibukiaki. Betsabu inu pubẽbu anu yunukĩ hatu bitxiabu Deus ikũwaĩwẽ taeshũ hawẽ kuxipawẽ Deusũ hatu nemashuna habu piama inikiaki.

Hebreus 11:6

Ha inũ, tsuabũra Deusũ hãtxa ikũwãbumarã, haskatã Deus benimawatirubumaki. Hakia tsuabũra Deus hiwea haya inũ hatũ hatu manakushanai benakĩ hau ikũ besti wakubainũbũwẽ.

Santiago 1:2

Ẽ betsabu inũ ẽ puibuũ, hawara bika betsa betsapa mã mekĩ tenebiai Deusũ benimati mã hayawẽ xinã txãkãkãwẽ.

Santiago 5:10

Ẽ betsabu inũ ẽ puibuũ, nukũ shenipabũ Deusũ hãtxa yuishunikabũ Deusũ hãtxa shabakabi hatu yusĩ bika tenebiai hĩ hĩ ikama tenetã hiwepaunibukiri xinaĩ habiaskariai hiwekubaĩkãwẽ.

1 Pedro 4:13

Haska matu memabiabu Cristo ani keska wakĩ habiaskarianiwẽ taeshũ matu tenemariakanikiki. Haskawẽ taea Cristo shanẽ ibuhairai ana tashnikirã matu benimahairawashanai xinaĩ natiã haskawẽ benimatimabiakẽ Cristowẽ taea benimayukubaĩkãwẽ.

Rute 2:12

Hau Deusũ mia manakunũwẽ. Enabu mĩ duawakubiranimawẽ taeshũ Israelĩ enabu mekenika Senhor Deusũ hãtxa mĩ txibãkatsi ikairã, hau mia pepawakubaĩriashanũwẽ— aka