Mateus 4:7 - Kaxinawá Bíblia (BR)

⁷ ana Satanás nemakĩ Jesusũ yuikĩ: —Haska kenenibu mĩ dama ea yuiai ikũbiakẽ ana betsa ẽtseri mia yuinũ nĩkawe: “Matũ mekenika yushĩ Deus unãti wayamakãwẽ”, iwanã, kenekĩ yusĩrianiwẽ taeshũ mĩ ea ana yunuairã, ẽ ikamaki, ixtxuirã— aka

Kashinawa : Diosun Jesúswen taexun yuba bena yiniki

⁷ ana Satanás nemakin Jesúsun yuikin: —Jaska kenenibu min dama ea yuiai chanimabiaken ana betsa entsedi mia yuinun ninkawe: “Matun mekenika yushin Dios unanti wayamakanwen”, iwanan, kenekin yusindianiwen taexun min ea ana yunuaidan, en ikamaki, ishchuidan— aka

Mateus 4:7 Referencias Cruzadas

Êxodo 17:2

ana Moiséski ha ikĩ yuikĩ: —Ũpash nuku inãriwe, nũ anunã— akãwãbu Moisĩ hatu yuikĩ: —Haskai mã eki ha ikai? Haskakĩ Senhor nukũ mekenika Deus mã unãti wai?— hatu wa

Êxodo 17:7

Israelĩ enabu ha ikaibuwẽ taeshũ ha mae anu ũpash tuea Moisĩ kenakĩ: “Meribáki”, atã ha dikabi Senhor Deuskiri yurabũ Deus unãti wakĩ yuikĩ: “Senhor Deusũ nuku merabewaimẽkaĩ. Danãkĩ nuku merabewamaraka”, ikaibuwẽ taeshũ habias mae Moisĩ kenakĩ: “Massáki”, anikiaki.

Isaías 8:20

haskashanaibu tapĩkinã? Haska hakiri hãtxakĩ yukabiamisburã, habũ yuiairã, patapa unaĩsmapabuki!

Malaquias 3:15

Hakia nukũ hatu uĩkinã, habu ibubis keĩ benima bestiaibu nũ uĩmiski. Ha inũ, hunibu txakabubiakĩ mabu mirima itxawakĩ bikubaĩmisbuki. Habunã, Deusũ hau ea kupinũ, iwanã, unãti wamabiabu hawa Deusũ hatu kupiai meriabumaki’, ikĩ mã shinãkubaĩmisbuki”, hatu wanikiaki.

Números 14:22

Egito inũ hanu tsua hiweabuma anushũ ẽ kushipa inũ hawẽ unãmati dami betsa betsapa ẽ ma hatu uĩmabiakubirana uĩbiakĩ hawẽtsaĩs ea unãti wanũ ishũ ẽ yunuti hãtxa txibãkatsi ikama ikubirãkanikiki.

Mateus 21:16

Jesus yukakĩ: —Mia haska waiburã, mĩ nĩkai?— akabu Jesusũ hatu yuikĩ: —Haa. Habia ẽ nĩkaii. Deusũ hãtxa yuishunikabũ haska ekiri keneniburã, mã uĩriamamẽ? Salmoskiri matu yuinũ nĩkakãwẽ: ‘Mĩ pepahairawẽ taeshũ bake mixtĩbu inũ txutxu akaibũ mia kẽwãshãkanikiki’, aka matu keneshuniki— hatu watã

Mateus 21:42

Jesusũ ana hatu yuikĩ: —Deusũ hãtxa kenenibu yuikĩ mã uĩsmamẽ? Matu ana yusĩnũ nĩkakãwẽ: ‘Hiwe wanikabũ mixki danãbiaibũ habias mixki Deusũ bishũ deshũ makeresh wakĩ hawẽ kene mestẽwã keska wakĩ nuku uĩmakĩ: Habaa! imakĩ nuku harakiri xinãtima washanikiki’, ashũ keneniki.

Mateus 4:10

ana nemakĩ Jesusũ yuikĩ: —Haska Deusũ hãtxa kenenibu ana nĩkawe: “Matũ mekenika yushĩ Deus besti duawakĩ kẽwãkubaĩshãkãwẽ, yushĩ betsaki meseamarã”, aniwẽ taeshũ ha mĩ haska yuiairã, ẽ mia akamaki. Satanásaã, kariwe— aka

Mateus 4:4

Jesusũ kemakĩ: —Haska Deusũ hãtxa keneniburã, nĩkawe. “Piti besti pirã, yurabu pei hiwetirubumaki. Hakia Deusũ hãtxa yuini nĩkatã txibaĩ yurabu pei hiwetirubuki”, aniwẽ taeshũ ha haska mĩ ea yunuairã, ẽ akamaki— aka

Lucas 4:12

ana nemakĩ Jesusũ yuikĩ: —Haska kenenibu mĩ dama yuiai ikũbiakẽ ana betsa ẽtseri mia yuinũ nĩkawe. ‘Matũ Yavé Deus unãti wayamakãwẽ’, akĩ kenekĩ yusĩrianiki. Haskawẽ taeshũ mĩ ea ana yunuairã, ẽ ikamaki— aka

Hechos 15:10

Haskawẽ taeshũ ha Moisés nukũ shenipabu yusĩni beya habũ txibãtiruma ipaunibuki. Habiaskari nũ Israelbũ nũ txibãtirubumariki. Haskakĩ Deusũ hatu haska wamabiakẽ matu Deus keskakĩ judeubumã Jesus ikũwaĩbu mã hatu yunuai? Hatu haska wayamakãwẽ.

Hechos 5:9

Pedrõ yuikĩ: —Haskai Deusũ Yushĩ Pepa parãkatsis iki mã yubakarabekãshumẽ? Mĩ bene parananaĩwẽ taea ma mawa maiwatani bekanikiki. Mĩ miari mawaya mia maiwariai bukanikiki— akaya

1 Coríntios 10:9

Ha inũ, hatiritũ Moisés ha akĩ Deus unãti wakĩ yuikĩ: “Haskakĩ mĩ nenu nuku iweima ikai?” iwanã, yuikĩ: “Piti hayamaki. Ũpash hayamaki. Ha inũ, piti nai anuarã, nismaki”, iwanã, Deus unãti waibũ dunu mirima Deusũ hatu pima debunibukiaki. Haskanibu keskakĩ nukũri Cristo unãti wayamanãkãwẽ, mesekirã.

Hebreus 3:9

Ha inũ, hanu tsua hiweabumanushũ ẽ kuxipawẽ hatu e imakĩ unãmati dami 40 ano ẽ hatu ima atãbiranai uĩbiakĩ ẽ hãtxa nĩkama ea unãti wakĩ matũ shenipabũ ea sinatamakubaunibuki.