Mateus 4:10 - Kaxinawá Bíblia (BR)

¹⁰ ana nemakĩ Jesusũ yuikĩ: —Haska Deusũ hãtxa kenenibu ana nĩkawe: “Matũ mekenika yushĩ Deus besti duawakĩ kẽwãkubaĩshãkãwẽ, yushĩ betsaki meseamarã”, aniwẽ taeshũ ha mĩ haska yuiairã, ẽ mia akamaki. Satanásaã, kariwe— aka

Kashinawa : Diosun Jesúswen taexun yuba bena yiniki

¹⁰ ana nemakin Jesúsun yuikin: —Jaska Diosun jancha kenenibu ana ninkawe: “Matun mekenika yushin Dios besti duawakin kenwankubainxankanwen, yushin betsaki meseamadan”, aniwen taexun ja min jaska yuiaidan, en mia akamaki. Satanásaan, kadiwe— aka

Mateus 4:10 Referencias Cruzadas

Jó 1:12

Satanás kemakĩ Senhor Deusũ yuikĩ: —Peki. Hawara sharabu Jó haya mĩ haska wakatsis ikai miã atãwẽ. Hakia Jó itxakawakĩ hawẽ yura meyamashãwẽ— aka haska wa nĩkatã Senhor Deus anua itxakanika Satanás kaĩkaĩshĩkẽ

Jó 1:6

Hanua shaba betsatiã Senhor Deus bebũ hau benũbũ hawẽ nai tsumabu hatu kena bei itxabũ habiatiãri nai tsuma itxakanika Satanásri hua hatube nikẽ

Jó 2:1

Hanua shaba betsatiã Senhor Deusũ hawẽ nai tsumabu hatu kena itxaibũ habiatiãri nai tsuma itxakanika Satanásri hua hatube nikẽ

Mateus 16:23

Jesus hawẽ tsumabukiri nasauketã uĩkĩ Pedro nemakĩ yuikĩ: —Satanásã xinãwẽ mĩ ea teawakatsis ikai ana hari haskayamawe. Hawara Deusũ uĩaĩ keska mĩ uĩyamaki, eska xinãkinã, haska yurabũ uĩmis keskawẽ mĩ ea nemairã— abaĩ

Marcos 1:13

40 dia Satanásã Jesus paranũ, iwanã, unãti wakeakeaya kakũkaũkĩ Jesusũ Satanás maemakubaunaya Deusũ nai tsumabũ merabewakubainibukiaki.

Lucas 10:18

Jesusũ hatu yuikĩ: —Yushĩ txakabubu mã hatu kaĩmakubaunaibũ Satanás kuxipabiakẽ Deusũ hawẽ kuxipa mebiã nai anua kana bakai mai anu tĩ ikai keskai Satanás babutã kawanai ẽ uĩxinaki.

Lucas 11:18

Habiaskari wakĩ Satanásã hawenabu yurabu anua kaĩma hawẽ yura punu nukai babui keyukeanaii. Ha inũ, Belzebũ kuxipa ẽ haya hawenabu ẽ kaĩmama ikeanaii.

Lucas 13:16

Habiaskari wakĩ na aĩbu matu keska Abraãonẽ babari 18 bari ka Satanásã kaneshkĩ isĩ tenemani hawẽ nuikĩ huĩrukũtitiã ẽ kaya wakĩ burro tepea keska washurã, txakabumẽ?— akaya

Lucas 22:3

hanua Jesusũ 12 tsumabu betsa Judas Iscariotes Satanás hawẽ huĩtiki hikia hawẽ haibuaibu dapashkabaĩ

Lucas 22:31

Simão Pedro besti Jesusũ yuikĩ: —Simaoõ, Simaoõ, hawena matu wakatsis ikĩ shekiwã shaka tamisbu keska wakĩ matu unãti wanũ, iwanã, Satanásã Epa Deus ma yukaxinaki. Uĩrawe.

Lucas 4:8

Jesusũ ana nemakĩ: —Na Deusũ hãtxa kenenirã, ana nĩkawe. ‘Matũ merabenã Yavé Deus ha besti duawakĩ kẽwãkubaĩkãwẽ, yushĩ betsa nĩkamarã’, aniki. Haska keneniwẽ taeshũ ha mĩ haska yuiairã, ẽ mia akamaki— aka

João 13:27

piaya Satanás Judasĩ xinã merã ma hikiawẽ taeshũ Jesusũ Judas yuikĩ: —Mĩ haska xinaĩnã, hawaira aritãwẽ— aka

Hechos 26:18

Habu anu ẽ mia yunua kashũ hatu xinã betsa wamakĩ hau unaĩsmapakĩ Satanás ana txibãyamanũbũ ẽ Epa Deusũ hãtxa mĩ hatu yusĩkubaunũ judeubuma betsa betsapabu anu ẽ mia yunuaii. Harishũ hatu beru bepesha keska watã ana mexu merã kama keska hakia bĩwẽ kai keskaibu mĩ hatu waya hatiritũ ea ikũwaĩbũ hatũ txakabu ẽ hatu buashunaya Deusũ hatu hiwekuĩmashanikiki, hawa hatu kupiamarã, hawenabu meribi wakinã”, ea waniki.

Hechos 5:3

hanushũ Pedrõ yuikĩ: —Ananiasiĩ, mĩ bai inãtã pei bitã pashkashũ dabukũ arutã haskakĩ Satanásã mia txakabuwamaya nuku yui Deusũ Yushĩ Pepaki mĩ txani txakai?

1 Coríntios 5:5

hau Deusũ Yushĩ Pepatũ ana mekeyamanũ ha hunĩ txakabuwaima kupikĩ Satanás yunukĩ inãkãwẽ, Satanásã hawẽ yura hau hawara tenemanunã. Haska wanikẽ nukũ Shanẽ Ibu Jesus hukĩ hau hawẽ yushĩ mekei kanunã.

1 Coríntios 7:5

Haskakẽ habu dabe hãtxanamei petã matũ mabu yauxiama mã txutanametirubuki. Hanua mã Deus kẽwaĩ Deusbe mã yubakatã mã habe hãtxayukatsis ikai ana menameyuama mã itiruki. Hanua keyutã ana mã txutanametirubuki. Hamẽ mã yubakai peama shaba itxapa kaya Satanásã matu parãkĩ kanemakĩ matu txakabu watiruki, betsawẽ kemumakinã.

2 Coríntios 11:14

Haska inũ, Satanásãri nuku paranũ, iwanã: “Ẽ Deusũ tsumaki”, iwanã, nuku uĩmairã, haska

2 Coríntios 12:7

Ha inũ, haska pepahaira ẽ uĩniwẽ taea keĩ ẽ hawẽruayamanũ Deusũ nemama Satanásã ea isĩ betsa inãkĩ ea musha tekea keska ea wani ẽ teneaii. Ha inũ, hawãra ea isĩ tenemaima tenekĩ

Santiago 4:7

Haskawẽ taeshũ Deusũ merabewakĩ hau matu mekekubainũ haska abuai ashũkĩ txibãkubaĩkãwẽ. Haskai hẽ iyamakĩ diabo Satanásã matu txakabuwamakatsi ikaya: “Deusũ ea mekeaya ẽ mia nĩkamaki. Turi kariwe”, mã wakubainaya Deusũ kuxipaki datei Satanás pashashanikiki.

Josué 24:14

Haskakẽ Senhor Deuski mesekubaĩshãkãwẽ. Parananãma ikũ kayabi huĩti shabakabiwẽ Deus duawakubaĩshãkãwẽ. Ukeri henewã Eufrates inũ Egito anushũ matũ shenipabũ yushĩ betsa betsapa kẽwãbiapaunibũ habu henetã Senhor Deus besti duawakĩ kẽwãkubaĩshãkãwẽ.

1 Pedro 5:9

Mã ikũwaĩ mestẽtã Satanásã kemuti ana meama henei hẽ iyamakubaĩkãwẽ, na haska tibi mã meairã, matubetã ikũwaĩbu mai hirabi anuari habias keskari teneriaibu xinaĩrakubaĩkãwẽ.

1 Samuel 7:3

hatu hẽ akamawẽ taeshũ Samuelĩ hawenabu hatu yunukĩ yuikĩ: “Matũ huĩti hirabiwẽ inũ matũ shinã hirabiwẽ Senhor Deus anu ana txĩtũtã mã txibãkatsis ikairã, ea nĩkakãwẽ. Nawabu matu dapi hiwebaunabũ yushibu dami kẽwãti betsa betsapa mã haya ana kẽwãma henekĩ putakãwẽ. Ha inũ, yushĩ Astarote dami putakĩ keyutã matũ hiwea hirabiwẽ Senhor Deus besti duawakĩ nĩkakĩ kẽwãkubaĩshãkãwẽ. Mã haska wakubainaya Filisteu nawabũ matu atxinishũ matu yunumisbu matu ana yunumama Senhor Deusũ Filisteu nawabu babu watã matu mebikinãshanikiki”, hatu wa