Mateus 3:12 - Kaxinawá Bíblia (BR)

¹² Ha inũ, shekiwã bimi ta keyushũ pepa arutã hawẽ shepa kuamisbu keska wakĩ dasibi hawenabuma danãkĩ hawa txi nukaisma anu urẽshũ kuanũ, iwanã, manakubainikiki”, akĩ Naximanika Joãonẽ hatu yuikubainikiaki.

Kashinawa : Diosun Jesúswen taexun yuba bena yiniki

¹² Ja inun, xekiwan bimi ta keyuxun pepa adutan jawen xepa kuamisbu keska wakin dasibi jawenabuma danankin jawa chi nukaisma anu udenxun kuanun, iwanan, manayubainikiki”, akin Nashimanika Juanen jatu yuikubainikiaki.

Mateus 3:12 Referencias Cruzadas

Salmos 1:4

Hakia tsuabũra Deus danãkĩ nĩkaisbumarã, hawa pepa hayabumaki. Haskawẽ taea mai kuru niwẽ sa akĩ hatu yamawabaĩmis keskabuki.

Isaías 1:31

Ha shanẽ ibu kushipai kẽmisburã, ana haskama betsai basi txushiai keska ishanikiki. Hatũ dayarã, txi peshe peshe iki hawaira nukamis keska ishanikiki. Ha huni inũ hawẽ daya habia dabe hanu dabes ketia hi ikai tsuã hatu nukawatiruma ishãkanikiki.”

Isaías 41:16

Mã hatu beka beka aka niwẽ hatu bushanikiki. Niwe shubi shubi ibirãkĩ sa abaĩshanikiki. Ẽ matu haska waya matubu mã benimashãkanaii. Israelĩ mekenika ẽ Senhor Deus meribiwẽ mã kẽshãkanaii.

Jeremias 7:20

Haskamisbuwẽ taea eari berukukaũ hatuki ẽ sinata paepai ea uĩshãkanikiki, na ẽ kẽwãti hiwe inũ, na mae anu hiweabu inũ, hatũ inabu inũ, hatũ mibã hi sharabu inũ, hatũ yunu tsekariabuma ẽ kupishanaii, bai ewapa ketiã hi ikainai tsuã nukawatiruma keska wakinã. Haska Senhor Deusũ txanima ẽ matu yuiaii”, ikĩ

Amós 9:9

Txakabu inũ pepa tsistakĩ shekiwã trigo tamisbu keska wakĩ Israelĩ enabu hau tsistakĩ akawanũbũ ẽ hatu yunushanaii, hawa betsa pepa kauani hau benuyamashanũbunã.

Malaquias 4:1

Senhor Deus kushipahaira dasibi binu keyuatũ matu ana yuikĩ: “Bai anua hamapai mibã tsekashũ hawẽ shaka itxawakĩ hanus mãtxĩshũ kuamisbu keska wakĩ ibubis kẽmisbu dasibi inũ txakabubu dasibi kupikĩ txi hi ikai anu ẽ hatu menukĩ keyushanai ha shaba txi kushipaya ma tashni kemaikiki. Ha shabatiã hukirã hawa betsa teshewama ẽ hatu menu keyushanaii.

Mateus 13:30

Hau habiaska habe yumeyunũ meyamayukãwẽ. Ha dabe husia ewai hanu huxiaĩtiã tsekakĩ ẽ hatu yunua ha mibã txakabu dukũ meshteshũ neatã mãtxiãbu ẽ kuashanaii. Hanushũ ẽ shekiwã bimi pepa meshtekĩ itxawariatã ẽ dayarubũ ea arushũshãkanikiki”, hatu waniki— iwanã,

Mateus 13:42

txi nukaisma anu hatu urẽa hanu hiwei peama kashai sheta yẽsh yẽsh akubaĩshãkanikiki.

Mateus 13:43

Hakia habũ Deusũ hãtxa pepa nĩkakubaĩmisburã, ẽ hatu katua hanu ẽ Epã hiwe anu nukube hiwei bari keskai txashai ikibi ishãkanikiki. Mã pabĩkiyabunã, nĩkatã hakimayamakãwẽ— iwanã,

Lucas 3:16

haskaibu Joãonẽ hatũ xinã unãkĩ dasibi hatu nemakĩ yuikĩ: —Txanima, eãnã hawẽ matu unãmati wakĩ henewẽ besti ẽ matu naximakubainaii. Hakia ha mã hakiri xinaĩnã, kuxipahairatũ ea binũa txipu huikiki. Kuxipahaira mesetũ ea binuhairawẽ taeshũ ẽ hawẽ hawaumahairatũ haska washũ hawẽ bitxi tae meshpũ pekakĩ merabewakĩ hawẽ dayaru itsakĩ kuxipa mirĩtũ ẽ ashũtirumaki. Hakia hatũ matu pepawakĩ Deusũ Yushĩ Pepa matu inãtã bika matu tenemakĩ matũ txakabu buakĩ yamawa keska washanikiki, hawara txakabu abuama txiwẽ kua keska wakinã.

Lucas 3:17

Haska inũ, shekiwã bimi ta keyushũ pepa aruti anu arutã hawẽ shepa mã kuamis keska wakĩ dasibi hawenabuma danãkĩ hawa txi nukaisma anu urẽshũ kuanũ, iwanã, manakubainikiki— iwanã,

João 15:2

Hatiri mebi tibi bimi hayamakẽ meshteshũ putamiski. Hakia hawẽ mebi tibi bimiyamis ana bimihaira wakĩ hawẽ ibuã bumeshtekĩ pewamiski, hau ana katakutã bimihairanunã. Ea ikũwaĩbu ẽ Epa Deusũ habiaskari washanikiki.