Mateus 21:44 - Kaxinawá Bíblia (BR)

⁴⁴ Ha inũ, betsarã, tsuara ha mixkiki sinatakĩ ea maemanũ ika mixki mamaki kawana teke teke ika keska itiruki. Hakia ha mixki haratukira kawani haki tĩ ikĩ txuxakĩ mixpu washanikiki— hatu waya

Kashinawa : Diosun Jesúswen taexun yuba bena yiniki

⁴⁴ Ja inun, betsadan, tsuada ja mishkiki sinatakin ea maemanun ika mishki mamaki kauana teke teke ika keska itiduki. Jakia ja mishki jadatukida kauani jaki tin ikin chushakin mishpu waxanikiki— jatu waya

Mateus 21:44 Referencias Cruzadas

Salmos 2:12

Ha inũ, hawẽ bake kẽwãkĩ pepawakubaĩkãwẽ, mã nĩkamawẽ taea hawaira matuki sinataya hau bai namakishũ matu tenãyamanunã. Hamẽ tsuabũra Deusũ Katua betxipaikĩ mekemakubaĩmisburã, habu besti benimakubaĩmisbuki.

Salmos 2:9

Mane mestẽti tsumashũ shanẽ ibu kushipa dasibibu mĩ hatu yamawashanaii, haska mai kẽti wanikatũ hawẽ kẽti txakabukẽ ibuã pusamis keska wakinã’ ”,

Isaías 28:13

Haskawẽ taeshũ Senhor Deusũ hatu hãtxa wakĩ bakeishta tanaĩbu hatu ana yusĩshanikiki, habũ dama tapĩkĩ uiaĩbu keskarã. Haskawẽ taea haburã, ni peama petxiuri manãska tĩ ika keskabu ishãkanikiki. Betsabu deteaibũ, betsabu birũ merã hikitã hani pashatiruma keskabu ishãkanikiki.

Isaías 60:12

Mai pakea betsã habũ matu betxipaisma habu yamai ana hayama ishanikiki”, iwanã,

Mateus 21:43

Haska keneni keska wakĩ matũ shenipabu Deusũ katubianishũ mã hawenabubiatũ xinãma mã danãnãyã hanushũ yura betsabũri nĩkakatsi ikaibu Deusũ katutã hatu habe shanẽ ibumashanikiki.

Mateus 21:45

Deusbe nukunabu hãtxashunika shanẽ ibubu inũ fariseubũ na miyuiwẽ habukiri yusĩaĩ nĩkatã

Mateus 26:24

Haska ekiri kenenibu txibaĩ matũ Hutxi Kayabi Iuwa ẽ haskai mawai kaii. Hakia ha hunĩ ea hatu atximai kairã, pemahairaki! Haskakẽ ha huni kaĩyãma inirã, pepakeanaii— nuku waya

Mateus 27:25

ha yura dasibibũ yuikĩ: —Peki. Nuku inũ nukũ bakebũ nũ yunuaiwẽ besti hau mawanũwẽ— akabu

Lucas 2:34

hanushũ Simeãonẽ hatu yuikĩ: —Deusũ hau matu duawakubaĩshanũwẽ— iwanã, Maria besti yuikĩ: —Na bakerã, hawẽ yura Israelbu unãti wakatsi Deusũ katuniki. Hawẽ yusĩa nĩkatã hatiritũ xinã betsa watã txibaĩbũ inũ hatiritũ xinã betsa wama danãkubaĩshãkanikiki. Mĩ bake danãkĩ nupe kenuhairawẽ mĩ huĩti txatxia keska wakĩ mia yumãwãkĩ mia nuitapawashãkanikiki— anikiaki.

Lucas 20:18

Eskaki, nĩkakãwẽ. Tsuara ha mixkiki sinatakĩ ea maemanũ ika mixki mamaki kawana teke teke ika itiruki. Hakia ha mixki haratukira kawani haki tĩ ikĩ txuxakĩ mixpu washanikiki— hatu waya

João 19:11

haska yuiai nĩkatã atimas Jesusũ kemakĩ: —Deusũ dasibi damiwanitũ mia kuxipa yunuama ekiri mĩ kuxipa hayama ikeanaii. Haskakẽ habũ ea atxishũ mianu yunushũ ea nitxiãbunã, habũ txakaburã, mina binuabuki, Deus sinatamakinã— aka

Romanos 9:33

Na habias yusĩa Messiaskiri Deusũ hawẽ hãtxa yuishunika Isaías yuimakĩ: “Uĩa. Ẽ haska yubakani ẽ kuxipa mixki keska Jerusalém anu ẽ nitxĩshanaii, haki huti iki itxapabu tsakabaĩbaini tĩ ikubaĩshãkanikiki, ikũwãmarã. Hakia tsuabũra hawẽ hãtxa ikũwãkĩ txibaĩbu ẽ hatu hawa dake wama ishanaii”, aka nĩkatã hari kenerianiki.

1 Pedro 2:8

Ha dikabi Deusũ na eskakiri Isaías yuikĩ: “Haki huti itã tĩ iti mixkiki, hawẽ hatu sinatamatirã”, ani keskariai tsuabũra ha hãtxa hakiri kakape nĩkatã txibãkatsi ikama danaĩ haki huti itã haki sinatai keskabu Deusũ habu kupishanikiki.