Mateus 21:22 - Kaxinawá Bíblia (BR)

²² Ha inũ, Deusũ kuxipa unaĩ xinã dabeyama habe hãtxakĩ yukakubaĩkãwẽ. Mã haska wai matu merabewashanikiki— nuku abaini

Kashinawa : Diosun Jesúswen taexun yuba bena yiniki

²² Ja inun, Diosun kushipa unain shinan dabeyama jabe janchakin yukakubainkanwen. Man jaska wai matu medabewaxanikiki— nuku abaini

Mateus 21:22 Referencias Cruzadas

Mateus 18:19

Ha inũ, ikũwaĩbu dabe kasmai dabe inũ besti itxabu ẽ kenawẽ hãtxakĩ yukaibu ẽ kuxipawẽ ẽ hatube naxui ika ikũkaĩshanaii. Habiaskari wakĩ matu dabetũri habias xinãkĩ hawara pepas Deus mã ea aka matu ashũshanikiki— nuku waya

Mateus 7:11

Haskakẽ matũ xinã pepamabia matũ bakebu mã duawamis mã unaiĩ. Hamẽ tsuãra Epa Deus nai anua ea akĩ mã yukarã, hawara pepa yauxiama matu inãtiruki.

Mateus 7:7

ana hatu yuikĩ: —Haska inũ, betsarã, tsuãra Deus yukakĩ ea akarã, hawẽ hawara inãmiski. Tsuãra hawara benakĩ Deus yukarã, haki nukumamiski. Tsuãra hawara bi hikinũ ishũ Deus kenarã, bepẽshũmiski. Haskakẽ xinãtxakama Deus ea akarã, betsaki. Hawara mĩ yuka mia ashũtiruki. Benakĩ hawara mĩ yuka mia betximashanikiki. Hawara bi habe hãtxanũ ishũ mĩ kena mia bepẽshũshanikiki.

Marcos 11:24

Haskati ẽ matu yuiaii. Deusbe hãtxakĩ: “Ẽ haska bikatsis ikaii”, ikĩ yuikubaĩkãwẽ. Mã xinã dabeyamakẽ haska Deusũ matu yunuaya mã bishanaii.

João 14:13

Ẽ kenawẽ taeshũ tsuabũra hamapai Epa Deus mã yuka ẽ hawẽ bakẽ ẽ matu ashũshanaii, ẽ Epã kuxipa matu uĩmakinã.

João 15:7

Hanua maturã, ebe ketashameshũ ẽ hãtxa xinãkĩ unãhairai hakimama txibãkubaĩkĩ hawara bikatsis ikĩ mã Deus yuka matu ashũshanikiki.

João 16:24

Ea ikũwãkĩ taewabianishũ ẽ kenawẽ taeshũ mã Deus yukariamahairaki. Na habiatiã ẽ kenawẽ taeshũ Deus yukakĩ taewarikãwẽ. Haska wakĩ mã yuka matu ashuã mã benimashanaii— iwanã,

Santiago 5:16

Haskakẽ matũ txakabu ana huneama haska mã kanekubainai ikũwaĩ betsabube yuinamekĩ txanikĩ Deus ea akĩ hau matũ txakabu buatã matũ yura shushawanũ yukakubaĩkãwẽ. Deusũ mia unã keyuaya mã habe haskai hãtxairã, txanima tsuara yura pepakirã, Deusũ kuxipa pae itxapa hayaki.

1 João 3:22

Haskawẽ taeshũ hawẽ hãtxa txibãkĩ haska abuai akĩ nũ benimawakubainai unã keyuaya hanushũ hawara bikatsis ikĩ Deus nũ yuka nuku ashũshanikiki.