Mateus 19:7 - Kaxinawá Bíblia (BR)

⁷ hanushũ fariseubũ Jesus ana yukakĩ: —Hamẽ Moisés nukũ shenipabu yusĩkinã: “Haskakĩ animẽ, tsuãra hawẽ aĩ henekatsi ikĩ habe itimaskatanã, hawẽ taeshũ aĩbu heneti kene inãkĩ: ‘Ẽ mia ana aĩwãmaki’, iwanã, kene inãtã hau tashnibaĩshanũbũwẽ”, akinã, haskakĩ haska hatu ashunimẽ?— akabu

Kashinawa : Diosun Jesúswen taexun yuba bena yiniki

⁷ januxun fariseobun Jesús ana yukakin: —Jamen Moisin nukun xenipabu yusinkinan: “¿Jaskakin animen, tsuanda jawen ain jenekatsi ikin jabe itimaskatanan, jawen taexun ainbu jeneti kene inankin: ‘En mia ana ainwanmaki’, iwanan, kene inantan jau taxnibainxanunbunwen”, akinan, jaskakin jaska jatu axunimen?— akabu

Mateus 19:7 Referencias Cruzadas

Isaías 50:1

Senhor Deusũ hatu yuikubaĩkĩ: “Huni betsa hawẽ hawara biãkĩ ẽ diriamawẽ taeshũ pakakĩ hau matu hawẽ tsuma wakĩ escravo wanũ ẽ matu yunuama iniki. Ha inũ, huni betsã hawẽ aĩ ana betxipaiama danãkĩ henemis keska wakĩ Israel matũ ibubu ẽ hawa hatu danãkĩ nitxiãmabia hakia ibubis txakabukĩ ẽ hãtxa nĩkaisbumawẽ taeshũ matũ ibubu Israelbu danãkĩ ẽ hatu yununiki, hau nawabũ hatu tsuma wayunũbunã.

Malaquias 2:16

Senhor Deus Israelĩ enabu mekenika Deus kushipa dasibi binu keyuatũ huni dasibibu yuikĩ: “Matũ aĩ mã yubani parãkĩ hawa heneama matũ yushĩ ibubis mekekubaĩkãwẽ. Tsuãra hawẽ aĩ henebaĩkĩ txakabuwai hatũ tari detsis keska wamisburã, eã ẽ haska betxipaismaki. Haskawẽ taeshũ ana matũ aĩ tibi heneyamakubaĩkãwẽ”, hatu wanikiaki.

Mateus 1:19

hanua Maria ma tuya hawenabũ nĩkatã José yuiabu Maria ana aĩwãkatsi ikamabia huni pepakĩ haska yura dasibi bebũ Mariakiri txanikĩ dake wakatsi ikama habe yubakaima hune heneshanũ, iwanã,

Mateus 19:6

Haskakẽ Deusũ huni inũ hawẽ aĩ yura bestitxai keska hatu wa hunĩ hawẽ aĩ dapashkabaĩkĩ henetimahairaki— hatu waya

Mateus 19:8

Jesusũ ana hatu yuikĩ: —Matũ shenipabu huĩti kuxikẽ Moisés haska hatu yununiki. Hakia Deusũ dasibi damiwakĩ taewatanã, haska yunuama iniki.

Mateus 5:31

ana hatu yuikĩ: —Moisés nukũ shenipabu ana yusĩkĩ: “Tsuãra matũ aĩ henekatsi ikĩ hawẽ taeshũ aĩbu heneti kene hau inãkubaĩshanũbũwẽ”, ashũ keneniki.

Marcos 10:4

habũri yuikĩ: —Moisés yusĩanã, aĩbu henekatsi ikinã, hawẽ heneti unaki keneshũ inãtã henebaĩtiki, ani nũ uĩmiski— akabu