Mateus 19:29 - Kaxinawá Bíblia (BR)

²⁹ Haska inũ, tsuabũra ea txibãkĩ Deusũ hãtxa kakape yusĩtanũ ishũ dasibi hatũ hiwe henekĩ hatũ betsabu inũ hatũ puibu shunũbaĩkĩ hatũ ibubu shunũkĩ hatũ bakebu baxikĩ hatũ bai henekĩ keyubaĩ yusĩkubaĩmisbuwẽ taeshũ na habiatiã Deusũ ana hatu manakukĩ duawamisshũ haska uatiã hiwexinawẽma Deusũ pepawẽ hatu manakuhairakĩ haska tanatirubuma hatu itxawamakubaĩxĩshũ hanu ma bari keyuaitiã hiwea kayabi hatu inãshanikiki.

Kashinawa : Diosun Jesúswen taexun yuba bena yiniki

²⁹ Jaska inun, tsuabunda ea chibankin Diosun jancha kakape yusintanun ixun dasibi jatun jiwe jenekin jatun betsabu inun jatun puibu xununbainkin jatun ibubu xununkin jatun bakebu bashikin jatun bai jenekin keyubain yusinkubainmisbuwen taexun na jabiatian Diosun ana jatu manakukin duawamisxun jaska uatian jiweshinawenma Diosun pepawen jatu manakujaidakin jaska tanatidubuma jatu ichawamakubainshinxun janu ma badi keyuaitian jiwea kayabi jatu inanxanikiki.

Mateus 19:29 Referencias Cruzadas

Mateus 10:22

Ekiri haska yuibaũkĩ mã ea txibaĩbuwẽ taeshũ yurabũ matu danaĩ mirima matuki sinatashãkanikiki. Tsuabura matu keskakĩ ea txibaĩ heneisbumari ẽ hatu mekeriakubaĩshanaii.

Mateus 13:23

Hakia heshe betsa mai pepa anu banarã, Deusũ hãtxa nĩkai pepakũkaĩkĩ yura betsabu yusĩkĩ hatu ikũwãmamisburã, ha mai pepa anu heshe bana benei ewai bimiyatã 100 hesheyai inũ, 60 hesheyai inũ, 30 hesheyamis keskabuki— nuku aniki.

Mateus 13:8

Hakia heshe betsa mai pepa anu niri aka benei bimi itxapahaira hayamiski, betsa 100 hesheyairã, betsari 60 hesheyairã, betsa 30 hesheyairã— iwanã

Mateus 16:25

Ha inũ, tsuãra hatũ hiwea ibubis mekekatsi ikamarã, hau benunũbũwẽ. Hatũ hiwea ewẽ benubiaxinaburã, ea anua ana hiwekuĩa bishãkanikiki.

Mateus 19:16

hanua berunã betsa mabu inũ bai mirimaya Jesus anu kashũ yukakĩ: —Yusĩnaã, mia yukapa? Hiwea kayabi bikinã, hawa pepa akubaĩkĩ ẽ hiwea kayabi ẽ bitirumẽ? Ea yuiwe— aka

Mateus 25:34

Hanua ẽ shanẽ ibuhairatũ enabu ẽ yusiuri ẽ hatu nitxiã mapuabu hatu yuikĩ: “Ẽ Epã mai damiwakĩ taewakĩ matu habe hiwemakatsi matu katunishũ natiã matu ma kenaikiki. Habe hiweri bekãwẽ, matu duawai benimaikikirã.

Mateus 25:46

Hanushũ ha yura txakabubu hatu kupikĩ txi merã hatu yumãwãkĩ enabu pepabu besti hatũ pepawẽ manakukĩ ebe ẽ hatu hiwekuĩmashanaii, ikibi imakinã— nuku waniki.

Mateus 5:11

haki txiti ikaburi yuikĩ: —Ha inũ, tsuabũra mã ea txibaĩbuwẽ taeshũ matu usãkĩ itxakawakĩ matukiri txanitxakakĩ matu danaĩbu matũ benimapaketi xinaĩ mã benimapakeriashanaii.

Mateus 6:33

Hakia hawara Deusũ abuai txibãkĩ ha dukũ Deus shanẽ ibuwakĩ xinãkubaĩshãkãwẽ. Mã haska wai ha katxu hawẽ hiweti piti inũ tari mã hayakũkaĩshanaii, Deusũ matu merabewarã.

Lucas 14:26

—Tsuara eki txiti ikatsis ikinã, hau ea dukũ abukĩ txibãkubaĩshanũbũwẽ. Hamẽ ha dukũ hawẽ ibubu inũ, hawẽ aĩ inũ, hawẽ bakebu inũ, hawẽ betsabu inũ, hawẽ puibu abukĩ heneama inũ, hawẽ hiwea abukĩ heneamari ea abukĩ binumamarã, ẽ tsuma iturumaki.

Lucas 5:11

hatũ shashu dabe keti atã hanu hawenabube shashu inũ hisĩ bakayabi baxibaĩkĩ tapĩkatsis ikĩ Jesus txibaĩ habe bunibukiaki.

Lucas 6:22

Ha inũ, matũ Hutxi Kayabi Iuwa tsuabũra mã ea txibaĩbuwẽ taeshũ habũ matuki ehẽ iki danaĩ matu itxakĩ hatũ itxati hiwe anu mã ana hikiyamanũ matu nemakĩ matu danaĩbũ mã benimakũkaĩshanaii.

João 4:36

Tsuabũra hatu itxawakĩ hawẽ manakuti pepa bikanikiki, hatũ hiwea ikibi ika bikinã. Haskakẽ tsuabũra mibã bana bimi huxiaĩ hatu tseka keska waiburã, haburi benimakanikiki.

Hechos 9:16

ea txibaĩwẽ taea haskai nuitapakũkaĩshanai ẽ unãmashanairã— aka

1 Coríntios 2:9

Haskakiri Deusũ hãtxa yuishunika Isaíasĩ Deusunabu keneshũkĩ: “Hawara tsuã uĩsma inũ, hawara tsuã nĩkaisma inũ, hawara tsuã xinãtiruma bebũkiri habu Deusũ abukĩ ma hatu pewashuniki”, aniki.

2 Coríntios 5:16

Haska inũ, nukunã, haska ikũwãbumã xinaĩ hãtxamisbu keska nũ ana hatũ xinã keskamaki. Ha dukũ Cristokiri xinãkĩ: “Yura kayabi bestiki”, iwanã, nũ xinãbiaya Deusũ nuku ma betsa wakẽ betsahaira Cristokiri nũ ma xinaiĩ.

Filipenses 3:8

Haska tibi hayai ẽ hawẽ kuxipa biakũkaini natiã ẽ uĩanã, hamẽki. Jesus Cristo ẽ mekenã wakĩ ẽ unaĩnã, hawenarã, binuhairaki, ẽ Shanẽ Ibu kayabirã. Haskakẽ Cristowẽ taeshũ dasibi hamapai eanua txakabu ẽ benu keyuniki. Haska wakinã, ẽ hiwea sheni txaka keska wakĩ henetã hanua haki maei ẽ hawẽ yuraniki,

1 Pedro 4:14

Ha inũ, mã Cristokiri yusĩkubainaibuwẽ taeshũ haska abuama tsuabura matuki sinatai ha ikaibuwẽ taea mã ma Deusũ pepa haya hawẽ benimakubaĩkãwẽ, Deusũ Yushĩ Pepatũ matu merãshũ matu henebainama hawẽ kuxipa matu uĩmakubainikikirã.

3 João 1:7

Habunã, Jesus Cristokiri yusĩtanũ ika bushũ haska hatũ xinãnẽ habũ ikũwãbuma daketapawatirubumaki, hamapai xarabu hatu yukakinã.