Mateus 18:9 - Kaxinawá Bíblia (BR)

⁹ Ha inũ, matũ beru betsawẽ hawara uĩkĩ mã txakabuwakubainai beru betsa tseka keskatã hawara mã txakabuwai hawaira henekubaĩkãwẽ. Mã beru dabeyakẽ hanu txi nukaisma anu matu urẽa pemahairaki. Hakia beru bestitxaiya Deusbe hiwei kai peki— iwanã,

Kashinawa : Diosun Jesúswen taexun yuba bena yiniki

⁹ Ja inun, matun bedu betsawen jawada uinkin man chakabuwakubainai bedu betsa tseka keskatan jawada man chakabuwai jawaida jenekubainkanwen. Man bedu dabeyaken janu chi nukaisma anu matu udean pemajaidaki. Jakia bedu bestichaiya Diosbe jiwei kai peki— iwanan,

Mateus 18:9 Referencias Cruzadas

Mateus 16:26

Hamẽ tsuãra mabu mirimawẽ kemu bestikĩ itxawashũ ea ikũwãkĩ txibãma hatũmebi hatũ hiwekuĩa benushãkanikiki, eauma mawairã. Ha inũ, hatũ hiwea pakatã tsuã ana bitirumahairaki.

Mateus 18:8

Haskakẽ matũ mekẽ kasmai matũ taewẽ hawara mã txakabuwakubainai matũ mekẽ kasmai matũ tae meshtea keska watã hawaira henekubaĩkãwẽ. Mã mekẽ dabeya inũ mã tae dabeyakẽ hanu txi nukaisma anu matu urẽa pemahairaki. Hakia mekẽ bestitxaiya inũ tae bestitxaiya Deusbe hiwei kai peki.

Mateus 19:17

Jesusũ yuikĩ: —Haskakĩ pepatikiri mĩ ea yukai? Deus besti pepaki, mĩ unãmamẽ? Hakia hiwei ikibi ikatsirã, Deusũ yunuti inũ hawẽ nemati txibãkĩ heneyamashãwẽ— aka

Mateus 5:22

Hawẽ hãtxa ikũki. Ana habiasri matu yusĩnũ nĩkakãwẽ. Tsuara yura betsaki sinatakĩ detekatsi ikĩ mã xinãkubainaiwẽ taeshũ Deusũ matu kupishanikiki, matũ xinã txakabuwenã. Ha inũ, tsuara yura betsaki sinatakĩ itxakĩ: “Mĩ unaĩsmapaki”, ikubaĩmisbu hau shanẽ ibubũ kupishanũbũwẽ. Hamẽ ana yura betsaki sinatatxakayamakĩ txitekĩ: “Mĩ hawa unãmahairaki”, ikubaĩmisbu txi hawa nukaisma anu Deusũ urẽkatsi manakubainikiki.

Mateus 5:29

Haskawẽ taea mĩ beru betsawẽ hawara uĩ mĩ kemuai beru betsa tseka keskatã hawara xinãkĩ mĩ txakabuwai hawaira henekubaĩkãwẽ. Mĩ beru dabeyarã, hanu txi nukaisma anu matu puta pemahairaki. Hakia beru bestitxai keskaya Deusbe hiwei kai peki.

Hechos 14:22

mae tibi anushũ hau habũ hatu yusĩshanũbũ ikũwaĩbu yusĩkĩ hatu mestẽwãkĩ yuikĩ: —Eskaki, nĩkakãwẽ. Deus shanẽ ibuaiki nũ dasishanaibu nuku itxakawakubaĩshãkanikiki. Habiaskaki. Habiaskabiakẽ hawa datei txĩtuãma Jesus ikũwãpakeshãkãwẽ— akĩ menetã

Hebreus 4:11

Haskawẽ taea hawẽ huĩrukũti pepa anu hikishanũ ika nukũ merabenã Jesus txibaĩ yumãbiai txĩtũtaskayamanãkãwẽ, ha habũ hawẽ hãtxa nĩkama nukũ shenipabũ danãnibu keskakĩ hatu tanaĩ hatu txibãyamanãkãwẽ.

Apocalipse 21:27

Haskabiakẽ tsuabura atimapamisbu inũ, hawara Deusũ danãmis amisbu inũ, habu txani txakamisbu habu hari hikitaskama ishãkanikiki. Hakia hamẽ habu hikirã, tsuabũra kena txashuwã bakẽ hiwe kuĩa una merã Deusũ netãni habu besti Deusũ mae bena anu hikishãkanikiki.