Mateus 18:19 - Kaxinawá Bíblia (BR)

^19-20 Ha inũ, ikũwaĩbu dabe kasmai dabe inũ besti itxabu ẽ kenawẽ hãtxakĩ yukaibu ẽ kuxipawẽ ẽ hatube naxui ika ikũkaĩshanaii. Habiaskari wakĩ matu dabetũri habias xinãkĩ hawara pepas Deus mã ea aka matu ashũshanikiki— nuku waya

Kashinawa : Diosun Jesúswen taexun yuba bena yiniki

^19-20 Ja inun, ikunwainbu dabe kasmai dabe inun besti ichabu en kenawen janchakin yukaibu en kushipawen en jatube nashui ika ikunkainxanaii. Jabiaskadi wakin matu dabetundi jabias shinankin jawada pepas Dios man ea aka matu axunxanikiki— nuku waya

Mateus 18:19 Referencias Cruzadas

Mateus 21:22

Ha inũ, Deusũ kuxipa unaĩ xinã dabeyama habe hãtxakĩ yukakubaĩkãwẽ. Mã haska wai matu merabewashanikiki— nuku abaini

Mateus 5:24

hawẽ Deus daewati mã buai habianu hanayutã kashũ daewakĩ ana haki nukutã ana habe hãtxai pekãwẽ. Haska watani ana hushũ hawara mã Deus inãkatsis ikaiwẽ mã ana kẽwãtirubuki.

Mateus 7:7

ana hatu yuikĩ: —Haska inũ, betsarã, tsuãra Deus yukakĩ ea akarã, hawẽ hawara inãmiski. Tsuãra hawara benakĩ Deus yukarã, haki nukumamiski. Tsuãra hawara bi hikinũ ishũ Deus kenarã, bepẽshũmiski. Haskakẽ xinãtxakama Deus ea akarã, betsaki. Hawara mĩ yuka mia ashũtiruki. Benakĩ hawara mĩ yuka mia betximashanikiki. Hawara bi habe hãtxanũ ishũ mĩ kena mia bepẽshũshanikiki.

Marcos 11:24

Haskati ẽ matu yuiaii. Deusbe hãtxakĩ: “Ẽ haska bikatsis ikaii”, ikĩ yuikubaĩkãwẽ. Mã xinã dabeyamakẽ haska Deusũ matu yunuaya mã bishanaii.

João 15:16

Mã ea katuama eã ẽ matu katuniki. Haskawẽ taeshũ ẽ matu yunuaii. Kashũ hatu yusĩkĩ mã bimi itxapa wai keska wakĩ ẽ tsumabu hatu wakĩ hau txĩtũyamanũbũ hatu kuxipa wakubaĩshãkãwẽ. Haska wakĩ ẽ kenayashũ Epa Deus hamapai tibi mã yuka matu ashũshanikiki.

João 15:7

Hanua maturã, ebe ketashameshũ ẽ hãtxa xinãkĩ unãhairai hakimama txibãkubaĩkĩ hawara bikatsis ikĩ mã Deus yuka matu ashũshanikiki.

João 16:23

Habiatiãri ea uĩkĩ mã ea hawa yukama ishanaii. Hakia ẽ Epa Deus mã yuka ewẽ taeshũ matu merabewashanikiki.

Hechos 1:14

Habu haskabiranima ha dĩtu anu itxai Jesusũ betsabu inũ, hawẽ ewa Maria inũ, aĩbuaibu habũ ikũwaĩbu hatube itxashũ shaba tibi hau Deusũ hatu merabewanũ yukakubainibukiaki.

Hechos 12:5

Pedro kene merã bitxixinabu hatu keshe pehairawamabũ hanua ikũwaĩbu hawẽ nuikĩ hau tashnimanũ hakiri Deusbe hãtxakĩ yukatxakayamashũkĩ heneabumakẽ

Hechos 16:10

nĩkatã bestẽshũ ha namapã uĩshu nuku yuiaya Macedônia anushũ Jesuskiri kakape nũ hatu yusĩ kanũ Deusũ nuku yunuai unãtã nukũ mabu pewaxĩtã

Hechos 6:4

Hakia nukubunã, Deusbe hãtxakĩ heneama hanushũ hawẽ hãtxa pepa matu inũ betsabu yusĩkĩ nũ henetirumaki— hatu wabu

Filipenses 1:19

mã ea Deus dayashuniwẽ taea tsuki ẽ dakeamaki, hatũ ea mekeawẽ taearã. Haskakẽ tsuabũra berubi hawa hakiri dakeama natiã ẽ hiweawẽ inũ ẽ mawashũshanaiwẽ Cristo kuxipahaira ewẽ dasibibu ẽ hatu uĩmayukatsis ikaii. Haskawẽ taeshũ Jesus Cristõ Yushĩnĩ ea merabewakĩ ea kaĩmashanai xinaĩ ẽ benimakũkainaii.

1 João 3:22

Haskawẽ taeshũ hawẽ hãtxa txibãkĩ haska abuai akĩ nũ benimawakubainai unã keyuaya hanushũ hawara bikatsis ikĩ Deus nũ yuka nuku ashũshanikiki.