Mateus 16:18 - Kaxinawá Bíblia (BR)

¹⁸ Eã mia kenakinã, mia Pedro wakĩ mixki kuxipa keska ẽ mia waii. Mĩ haska hãtxakĩ yuishuwẽ taeshũ yurabu mĩwẽri itxapa ẽ hatu ikũwãmashanaii. Yura mema mawatirubiakẽ Satanásã datemakĩ ea ikũwaĩbu maematirumaki, hatu nemakinã.

Kashinawa : Diosun Jesúswen taexun yuba bena yiniki

¹⁸ Ean mia kenakinan, mia Pedro wakin mishki kushipa keska en mia waii. Min jaska janchakin yuixuwen taexun yudabu minwendi ichapa en jatu ikunwanmaxanaii. Yuda mema mawatidubiaken Satanásan datemakin ea ikunwainbu maematidumaki, jatu nemakinan.

Mateus 16:18 Referencias Cruzadas

2 Samuel 18:4

hatũ hãtxa pe nĩkatã shanẽ ibuhaira Davĩ hatu kemakĩ: —Hawara pe mã shinãkĩ mã ea yunubaina ẽ matu ashũtiruki— hatu watã hawaira hikiti shui anua kaĩtã Davi shabakã nishũ hatu uiãyã detenamenikabu shukua tibi 1.000 pashkashu 100 tibi hatũ shanẽ ibuya maewã Maanaim anua kaĩbaĩbainaibũ

Jó 38:17

Hanu mawabu bumisbu meshuhaira anu hawẽ hikiti beputi shuirã, mĩ ma uĩtanimamẽ?

Salmos 69:12

Nukũ maewã beputi kesha itxa mania tsaubauna ea txitei hãtxamisbuki. Ha inũ, habu paẽtã ekiri kashei kãtamisbuki.

Isaías 28:16

haskaibuwẽ taeshũ Senhor Deusũ hatu yuikĩ: “Mishki karuhaira ẽ katuni ha mishki uĩbaĩ hakimatima haki tsamabaũkĩ mestẽwãti Sião anu ẽ tashnimashanaii. Tsuãra ha mishki betxipaikĩ katutã hawẽ datetirubumaki, ma haki txiti ikarã.

Isaías 28:6

Habũ unãti wanikabu tsaushũ hatu unãti waibu Deusũ hatu merabewakinã, hawẽ yunuti kushipa pepa hatu inãshanikiki. Hatuki sinatai beaibu hau nemanũbũ detenamenikabũ habũ mae mekeabu hatu kushipa washanikiki.

Isaías 54:17

Hakia miarã, piawẽ mia yamawatirubu hawa hayamaki. Habũ mikiri hawara yuikĩ txiteaibu hamẽki. Na ẽ hãtxa ẽ matu inainã, tsuabũra ea ikũwãkĩ txibaĩbu eã ẽ matu binumakĩ maemama ewẽ taeshũ matũ pepa mã bishanaii”, iki Senhor Deus hãtxakĩ mestẽwaĩkiki.

Jonas 2:6

Ianẽwã nuahaira merã tsumabaĩ ma hari ea bitxia ana haria ẽ kaĩtiruma dabanẽ ẽ ishiãki. Hakia Senhor Deusuũ, miarã, mĩ ẽ Mekenika Deuski. Ẽ mawabiapanã mĩ ea ana hiwemakĩ piskumashinaki, bakawã merã nanetã ea mekekinã.

Mateus 10:2

Nũ hawẽ 12 kuxipayabũ nukũ kenarã: Simão hawẽ kena betsa Pedro inũ, hawẽ betsa André inũ, Zebedeũ bake dabe Tiago inũ, hawẽ betsa João inũ,

Mateus 11:23

Ha inũ, Cafarnaum anu hiweabũ mã xinãkĩ: “Nũ pepabuwẽ taeshũ Deusũ nuku kẽwãshanikiki”, ibiakĩ mã ea ikũwãbumawẽ taeshũ hanu txi nukaisma anu Deusũ matu yunushanikiki. Hakia Cafarnaum anushũ hawẽ unãti dami kuxipa betsa betsapa ẽ matu uĩmakubainima keska Sodoma anu hiweabutiãri haskari uĩtã hatũ txakabu henenibunã, hatũ bababuri nuku dapi hiwekeãkanaii.

Mateus 18:17

Hanushũ hatũ hãtxari nĩkamakẽ matũ itxati hiwe anu iyushũ haturi banabimariawe. Hanushũ habũ pewakĩ yusĩaburi binu keyukĩ nĩkamakẽ haskawẽ taeshũ ikũwãbuma inũ governo pei bishunika txakabuwẽ meseisma keska wakĩ hatu danãkubaĩshãkãwẽ.

Mateus 4:18

Hanua Galiléia iãnẽwã kesha Jesusũ ketãkubaĩkĩ baka neshenika dabe Simão, hawẽ kena betsa Pedro, inũ hawẽ betsa Andrẽ hatũ shashũshũ hisĩ pũteaibu hatu betxitã

Mateus 7:24

Hakia habũ ẽ hãtxa nĩkakĩ akubaĩshanaibukiri miyuiwẽ matu yusĩnũ nĩkakãwẽ. Tsuãra hiwe wakatsi ikĩ mai basãbaĩkĩ uke merã mixkiki pesashũ haki mixki tsamabirãkĩ hiwe waimakẽ

João 1:42

hanushũ Jesus anu Andrẽ Simão iyua hanushũ Jesusũ uĩkĩ dais butã butãkĩ yuikĩ: —Miarã, mĩ Jonasĩ bakeki. Mĩ Simãobiakẽ ẽ mia kena dabeya waii. Cefas wakĩ mia kenashãkanikiki— aniki. Cefasrã, nawã hãtxawenã, Pedroki. Pedrorã huni kuĩ hãtxawenã, Mixki Ewapaki.

Hechos 2:47

Deus kẽwaĩbũ dasibibũ hatukiri pe xinãkubainaibũ shaba tibi betsabũ Jesus ikũwaĩ yurã kaiã itxai hatuki dasiaibu Deusũ hawenabu hatu wakĩ kenakubainikiaki, habu hiwei mekekatsi ikaiburã.

Hechos 20:28

Haskakẽ ibubis mekekĩ Deusũ Yushĩ Pepatũ matu katua merabewakĩ ikũwaĩbu mekekubaĩshãkãwẽ. Deusunabu hatu wakatsi ikĩ hawẽ bake yunua mawashũkĩ hawẽ himiwẽ hawenawakĩ meribi hatu wani hatu putama hatu uĩrashũshãkãwẽ.

Hechos 8:1

Hanushũ Estêvão hau tenãnũbũ Saulõ habiaskari xinãyã anibukiaki. Habias shabatiã Jerusalém anushũ Jesus ikũwaĩbu habũ ikũwãbumã hatuki sinatakĩ itxakawatxakayamakĩ taewaibũ Judéia mai pakea anu inũ Samaria mai pakea anuri Jesus ikũwaĩbu dasibi pashai sa ibainaibũ habu Jesusũ kuxipayabu besti kaĩama inibukiaki.

1 Coríntios 15:55

Deusũ hãtxa yuishunika betsa Oséiasĩri kenekĩ: “Deusbe hiwea niti ikamarã, nũ mawamawẽ taea nũ ana hawa tenetiruma ishanaii”, ini mã nĩkariatiruki.

Gálatas 2:9

Haskawẽ taeshũ ẽ hawa pepamabiakẽ ewẽ nuikĩ Jesusũ ea katushũ ea yununi ẽ hatuki txanikĩ meshtãma nĩkatã habu dukũ Jesusũ hatu katuni binuabu Tiago inũ, Pedro inũ, Joãonẽ ẽ haskamis txanima unãtã ea haibuwakĩ nuku danãma ea inũ Barnabébe ea habe metaka anibuki. Nuku haska wakĩ haibuwabu ea Barnabébe pashkakaĩ judeubuma anu nũ yusĩ kaya hanua haburi hawenabu judeuburi hatu yusĩnũbũ hatube yubakatã nũ ana dayai kaniki.

Efésios 3:10

Hau haska Deus besti unãnepatũ unã keyuai yushĩ kuxipabu inũ nai tsumabu nai anushũ haska Deusũ huneni natiã huni txakabubũ hawẽ bake ikũwaĩbũ Deusũ hatu unãmakĩ hatu binumaikiki.

Efésios 5:32

Aĩyaĩ inũ beneyai yura bestitxai keska hiwearã, mĩ tapĩtirurã, bikaki. Hakia habiaskariai Cristo inũ dasibi ha ikũwaĩbu haki dasia habiaskariki, Cristoki nũ haki dasia nũ yura bestitxai keskaburã.

Colosenses 1:18

Ha dikabi Cristo hawẽ hiweawẽ nukũ Shanẽ Ibushanũ ika kuxipai hawẽ bushkai nuku ishuniki, nũ ikũwaĩbũ hawẽ yura nũ ishanũbunã. Ha dukũ hiweniwẽ taea mawamisbu kuxipa binui ha dukũ mawabu anua besteĩ taekĩ dasibi hatũ dukũ binu keyuniki.

1 Timóteo 3:15

Ẽ yane katiruma xinãkinã, haskai Deus hiweatũ enabũ txanima hãtxa Jesus Cristokiri hatũ matu tsuma unãkĩ txanima hãtxa besti xinaĩ hawẽ nemakanaĩ haskai hiwei hau mekei penũbũ haskakiri mĩ hatu yusĩnũ bebũkiri ẽ mia kene bumaii.

1 Timóteo 3:5

Tsuãra habe hiweabu hatu meke pewaismatunã, ikũwaĩbu Deusũ enabu haska washũ hatu pe meketirubumariki.

Hebreus 12:28

Hanu Deus shanẽ ibui hiwemis hawẽ shanẽ nuku hanu hiwemashanairã, hawa maeama ishanikiki. Haskakẽ Deus pehaira wakĩ kẽwãkĩ xinã txãkãwãkĩ haki mesekĩ hawara haska abuai keska benimawakĩ ashũkubainãkãwẽ.

Apocalipse 11:15

Ha sete nai tsumabu hawẽ heneatũ trombeta txã akai ẽ nĩkaya nai anua hui kuxipawẽ habũ kẽwãkĩ yuikĩ: “Nukũ Shanẽ Ibu Deus inũ hawẽ bake Messias Jesus Cristo besti natiã mai hirabi anu ha besti shanẽ ibukĩ hatu mekekubaĩshanikiki, niti ikamarã”, ikaibũ

Apocalipse 21:14

Ha inũ, hawẽ kene keyatapa hawẽ kuxipa wati 12 mixkipawã hawẽ mestẽwãkĩ tsamabauna keneyaki. Ha inũ, txashuwã bakẽ 12 tsuma kuxipayabũ kena tibi mixkipawã tibiki nea hayaki, hatũ kenarã.