Mateus 13:52 - Kaxinawá Bíblia (BR)

⁵² ana nuku yuikĩ: —Hawẽ hiwe anushũ huni betsã hawẽ mabu betsa tibi arutã mekea unaĩkiki, mabu bena inũ shenirã. Haska tibi arumiswẽ taeshũ hawara mabu pepa bena inũ sheni ha dabe kaĩmamis keska wakĩ Deus shanẽ ibuaikiri ẽ yusĩa bena inũ yusĩa sheni katukubaĩkĩ eari txibãkĩ ea ikũwãriatã Deusũ hãtxa kenenibu yusĩnanãmisbũ hatu pe yusĩriatirubuki— nuku watã

Kashinawa : Diosun Jesúswen taexun yuba bena yiniki

⁵² ana nuku yuikin: —Jawen jiwe anuxun juni betsan jawen mabu betsa tibi adutan mekea unainkiki, mabu bena inun xenidan. Jaska tibi adumiswen taexun jawada mabu pepa bena inun xeni ja dabe kainmamis keska wakin Dios xanen ibuaikidi en yusian bena inun yusian xeni katukubainkin eadi chibankin ea ikunwandiatan Diosun jancha kenenibu yusinananmisbun jatu pe yusindiatidubuki— nuku watan

Mateus 13:52 Referencias Cruzadas

Esdras 7:10

Haska Senhor Deusũ yununi hawa betsa wama mestẽwãkatsi ikĩ uĩkubaĩkĩ hawẽ yunuti hãtxa inũ hawẽ nemati hãtxa hawenabu yusĩkĩ hatu txibãmashanũ, iwanã, Esdrasĩ shinanikiaki.

Esdras 7:21

Haska inũ, mã enaburã, ea ẽ shanẽ ibuhaira Artaxerxesĩ Hene Eufrates bari kaikiri anua mã pei mekenikabu dasibi ẽ matu yunuaii. Deus nai anuatũ yunuti hãtxa unãhairai Esdras hawenabu Deusbe hãtxashũmistũ hawara dasibi matu yukai hawaira inãshãkãwẽ.

Esdras 7:6

Israelĩ enabu mekenika Senhor Deusũ hawẽ yunuti hãtxa inũ hawẽ nemati hãtxa Moisés yuia Moisĩ keneni ibubis tapĩhairanishũ Esdrasĩ hatu yusĩkubaĩmiswẽ taeshũ Esdras Senhor Deusũ merabewai uĩkubainaiwẽ taeshũ shanẽ ibuhaira Artaxerxes anu kashũ Esdras haskakatsis ikĩ yuka: “Peki”, akimawẽ taea shanẽ ibuhaira Artaxerxesĩ hatu yunui 7 ano kaya Babilônia anua Jerusalém anu txĩtuĩ Esdras hati hawenabuya hunikiaki, hatiri Deusbe hawenabu hãtxashunikabu inũ, Levĩ enabu inũ, kãtamisbu inũ, beputi mekenikabu inũ, Deus kẽwãti hiwe dayarubu Esdrasbe buirã.

Provérbios 11:30

Tsuabũra yunuti pepa kushipa txibaĩ hiwei petirubuki. Yura betsa txakabubiakẽ tsuãra ha huni hawẽ shinã betsa wamakĩ Deus txibãmairã, ha huni unanepaki.

Provérbios 15:7

Unanepabũ hawẽ unanepa hãtxa yuikinã, hatũ hãtxa pepa sa aka keska wakĩ pawabaũmisbuki. Hakia unaĩsmapabũ shinaĩ hãtxamisburã, hawẽ hãtxawẽ tsua hatu merabewatirubumaki.

Provérbios 18:4

Huni unanepatũ hãtxarã, hene nuahaira keskaki. Hanua hene bei tueai keskai hawẽ unanepa hãtxa itxapa mata hayaki.

Mateus 12:35

Hamẽ tsuabura duapa huĩti pepaya hawa txakabu yuiama hãtxa pepawẽs hãtxamisbuki. Ha inũ, yurabu hawẽ huĩti merã xinã txakabu haya hãtxakĩ txakabus yuikĩ kaĩmamisbuki.

Mateus 13:51

Na eska miyuiwẽ ẽ matu yusĩanã, mã nĩkai?— nuku wa —Haa, nũ nĩkaii— nũ akeakea

Mateus 13:53

miyuiwẽ nuku yusĩ keyutã hanua kaĩkaini

Mateus 23:34

Haskawẽ taeshũ matu merabewanũ ishũ ea ikũwaĩ Deusũ hãtxa yuishunika inũ unãnepabu inũ yusĩnãmis pepabu hau yusĩ benũbũ ẽ yunushanaii. Ẽ haska wabiakẽ matũ hatu danãkĩ betsabu tenãkĩ bestibu cruzki hatu mastamakĩ betsabu matũ itxati hiwe merãshũ kuxa kuxa akĩ mae tibi anushũ mã hatu itxakawakĩ bika tenemashanaii.

Mateus 28:19

Haskawẽ taeshũ matu yununũ nĩkakãwẽ. Kakũkaũkĩ dasibi ẽ matu yusĩmis nawa betsa betsapa shukuabu tibi yusĩriakĩ ẽ tsumabu ea hatu washũkubaĩshãkãwẽ. Hanushũ ea ikũwãkĩ hawenabu hau hatu unãti wamanũbũ Epa Deus inũ ea hawẽ bake inũ hawẽ Yushĩ Pepa kena dayuikĩ hatu naximakubaĩshãkãwẽ.

Lucas 11:49

Haskawẽ taeshũ Deus unãnepatũ yuikĩ: ‘Ea hatu yuishunikabu inũ ẽ tsuma kuxipayabũ hau hatu yusĩnũbũ ẽ hatu yunupakea hatu danãkĩ betsabu tenãkĩ betsabu itxakawakĩ hatu nitxĩshãkanikiki’, iniki.

João 13:34

Haskawẽ taeshũ hawẽ yunuti hãtxa bena ẽ matu baxishũkĩ yunubainaii. Haska matuwẽ ẽ nuiai keskairã, habiaskariai matubus nui duanamepakeriashãkãwẽ. Haskai xinãnãnaĩ mã nuibukuaĩ

2 Coríntios 6:10

Ha inũ, habũ nuku xinã nũ punu nuka dabanẽ xinãkanikiki, Cristo txibaĩ nũ xinãtxãkaĩ nũ benimabiakũkainaya nũ hamẽ nia nuitapai keska xinãmisbuki, nũ hatu tapĩmai itxapa enayabiakenã. Nukuburã, nũ hawa hayama keskabia dasibi Deusũ nuku haya wamiski.

Efésios 3:4

uĩkĩ hawara Deusũ xinã hunea Cristokiri ẽ ikai xinaĩ: “Txanimaki”, mã itirubuki.

Efésios 3:8

Hamẽ ẽ ikairã, Cristo txibaĩbu meranua ẽ beshmashaira hawamabiakẽ haskaraki watã Deusũ ea benimawakĩ duawakĩ hau hawẽ bake Cristokiri hawẽ pepa betsa betsapa hayawẽ nuku pehaira mekekubaĩtiru matu judeubumaki ẽ txanikũkaĩshanũ ea katutã nitxĩniki.

Colosenses 1:7

Mã haska ikaiburã, nukũ haibuhaira Epafrasĩ nuku keska Cristõ tsuma nukube dayakĩ matu anushũ txĩtuãma matu nuku yusĩshũkubaĩmis

Colosenses 3:16

Matubunã, Cristõ kakape hiwetikiri itxapa mã ma tapianã, heneama akubaĩkãwẽ. Eskairã, hawẽ yusĩnanaĩnã, hawẽ unãnepakĩ betsabũ kaneaibu hatu ha akĩ pewakubaĩkinã, matũ huĩtĩ benimai xinã txãkãkĩ: “Peki”, ikĩ Deus kẽwaĩ Deuskiri nawati betsa betsapawẽ nawakubaĩkãwẽ.

1 Timóteo 3:6

Ha inũ, mekenika katukĩ dama ikũwãkĩ taewabainai hawaira uĩtã katuyamakubaĩwẽ. Hamẽ dama ikũwaĩ mã haska katua: “Ea besti ẽ pehairaki”, iki keãyã Deusũ Satanás putani keska wakĩ haskari wakĩ hatu putariatiruki.

Tito 1:9

Haskamisbuwẽ taeshũ ikũwaĩ betsaburi merabewakĩ hatu benimawakĩ yusĩa pepawẽ hatu ikũwãmakĩ habũ hamakiri xinã txakaibu hatu merabewatirubuki. Hatu haska wakĩ Jesus Cristokiri txanima hãtxa nũ hatu yusĩmis ikũwãkĩ betsa tibi xinãma nukũ yusĩa hau txibãriakubainũbũwẽ.