Mateus 13:12 - Kaxinawá Bíblia (BR)

¹² Hakia tsuabũra ẽ hãtxa besti nĩkakĩ txibaĩbu itxapa ẽ ana hatu shabakabi yusĩkubaĩshanaii. Hamẽ tsuabũra eskarabes nĩkabiakĩ ea txibaĩsbuma ha eskarabes ẽ hatu mebĩshanaii, hakimawakinã— iwanã

Kashinawa : Diosun Jesúswen taexun yuba bena yiniki

¹² Jakia tsuabunda en jancha besti ninkakin chibainbu ichapa en ana jatu xabakabi yusinkubainxanaii. Jamen tsuabunda eskadabes ninkabiakin ea chibainsbuma ja eskadabes en jatu mebinxanaii, jakimawakinan— iwanan

Mateus 13:12 Referencias Cruzadas

Mateus 21:43

Haska keneni keska wakĩ matũ shenipabu Deusũ katubianishũ mã hawenabubiatũ xinãma mã danãnãyã hanushũ yura betsabũri nĩkakatsi ikaibu Deusũ katutã hatu habe shanẽ ibumashanikiki.

Mateus 25:29

ana hatu yuikĩ: “Tsuara na ẽ tsuma pepa keskatũ hawara haya pe mekea unãtã itxapa hayawẽ manakukĩ ana itxapa ẽ inãshanaii, binumakinã. Hakia tsuara na ẽ tsuma txikix keskatũ hawara haya pe mekeama ha eskarabes haya unãtã ẽ mebĩshanaii.

Marcos 12:9

—Haskakenã, ha bai ibuã haskara hatu washanimẽkaĩ? Matu yuinũ nĩkakãwẽ. Bai ibu hawenabube hushũ bai anu dayamisbu hatu tenãtã hanushũ huni betsabu hawẽ bai anu hau dayashunũbũ hatu yunushanikiki— iwanã

Lucas 10:42

Ea duawairã, haskatimaki. Hakia Mariã ẽ yusĩa nĩkakĩ ea duawai tsuã nematirumaki— anikiaki.

Lucas 12:48

Hakia betsarã, shanẽ ibũ yunuama kakẽ hawẽ xinã haska abuai unãma kanemisbu ha mawaira hatu kupiama ishanikiki. Hanushũ tsuara Deusũ hãtxa itxapa inãxina hawẽ taeshũ hawẽ daya itxapari yukashanikiki. Tsuara Deusũ itxapa mekemamis hani haska wamis itxapari yukariakubaĩshanikiki— iwanã,

Lucas 16:2

hawẽ tsumapã kenashũ yuikĩ: “Mikiri yuiaibu ẽ nĩkairã, ikũmẽ? Ẽ pei inũ ẽ mabu mĩ ubisita wamiskiaki. Haskakẽ haska nuku deveabu conta tibi pewashũ ea inãtã ana ea dayashunama hanira kaĩrikaĩtãshãwẽ”, aka

Lucas 16:25

Abraãonẽ yuikĩ: “Baa, eskaki xinãwẽ. Mĩ hiwearã, hawa bika teneama mabuhairaya mĩ hiwekũkainimaki. Mĩ haskaya Lázarorã, nuitapakĩ isĩ txakabu besti tenei hiwekũkainimaki. Hakia natiã Lázaro Deusũ duawakĩ mia kupiaiwẽ taea mĩ nuitapaii.

Lucas 8:18

Haskawẽ taeshunã, nĩka peirawakãwẽ. Hakia tsuabũra ẽ hãtxa besti nĩkakĩ txibaĩbu itxapa ẽ ana hatu shabakabi yusĩkubaĩshanaii. Hamẽ tsuabũra ea txibã kayabismabia: “Ẽ ikũwaiĩ”, ikĩ haska besti xinãmis ha eskarabes ẽ hatu mebĩshanaii, hakimawakinã— hatu wai

Lucas 9:26

Haskakẽ tsuabura eki inũ ẽ hãtxaki dakemisburã, ẽ Epã kuxipaya hawẽ nai tsuma pepabube hua habiaskariai ẽ hatuki dakeriashanaii— iwanã

Santiago 4:6

Hakia hamapai tibi nũ akairã, hawẽ pepawẽ nuku merabewakĩ binumaikiki. Haska hawẽ hãtxa yuishunikatũ kenekĩ: “Tsuabũra yuikĩ: ‘Hamapai betsa betsapa emebi ẽ atiruki’, ikĩ keaĩburã, Deusũ hatu beshtemiski. Hamẽ tsuabura babutã yuikĩ: ‘Deusũ besti ea merabewaya hawara txakabu hawẽ pepawẽ besti ẽ daĩbaĩtiruki’, ikaibu duawakĩ habu merabewakubaĩmiski”, iniki.

Apocalipse 2:5

Haskawẽ taeshũ haska mã ea duawakĩ taewani keska hani mã benukaĩnimamẽ, ana xinãhairatã matũ huĩti pewakĩ xinã betsa watã ana Deus anu txĩtũtã ea txibãkubaĩkãwẽ. Hamẽ mã haska betsa wamakẽ matu anu ana kashũ matu danãkĩ matũ ouro mane txãkã daka matu anua mebĩkĩ ẽ tsekashanaii.