Mateus 12:41 - Kaxinawá Bíblia (BR)

⁴¹ Haska inũ, Nínive mae ewapa anu hiweabu Jonasĩ Deuskiri hatu yusĩa nĩkakĩ hatũ xinã betsa wanibuki. Haskawẽ taeshũ hanu kupiaitiã Nínive anu hiwenibũ matu ha ashãkanikiki. Ha inũ, ẽ Jonas binuhairabiakẽ tsuã mã ea nĩkakĩ matũ xinã betsa wakatsi ikamaki.

Kashinawa : Diosun Jesúswen taexun yuba bena yiniki

⁴¹ Jaska inun, Nínive maewan anu jiweabu Jonásin Dioskidi jatu yusian ninkakin jatun shinan betsa wanibuki. Jaskawen taexun janu kupiaitian Nínive anu jiwenibun matu ja axankanikiki. Ja inun, en Jonás binujaidabiaken tsuan man ea ninkakin matun shinan betsa wakatsi ikamaki.

Mateus 12:41 Referencias Cruzadas

Isaías 54:17

Hakia miarã, piawẽ mia yamawatirubu hawa hayamaki. Habũ mikiri hawara yuikĩ txiteaibu hamẽki. Na ẽ hãtxa ẽ matu inainã, tsuabũra ea ikũwãkĩ txibaĩbu eã ẽ matu binumakĩ maemama ewẽ taeshũ matũ pepa mã bishanaii”, iki Senhor Deus hãtxakĩ mestẽwaĩkiki.

Jonas 1:2

“Benitã Assíria nawabũ maewã ewapahaira Nínive anu katãwẽ. Txakabuhairakubainaibu ẽ uiaĩwẽ taeshũ txakabuwakĩ ẽ hatu yamawashanai hatu banabimatãwẽ”, aka

Mateus 12:39

Jesusũ hatu kemakĩ: —Nukunabu na habiatiã hiweaburã, mã txakabuki. Hamapai Deus anua unãti tsuã atiruma uĩkatsi mã ea yukabiamisrã, Deusũ Jonas bakawã sheamaxina ana kaĩma hiwenirã, haska keska besti Deusũ matu uĩmakĩ matu ashũriashanikiki. Xinãkãwẽ.

Mateus 12:42

Haska inũ, betsarã, nawa aĩbu shanẽ ibu sulkiri txaihaira Sabá mai pakea anu hiwea nukũ shenipabu Salomãonẽ hãtxa unãnepa nĩkatanũ ika huniki. Salomão ẽ binuhairabiakẽ mã ea nĩkakatsi ikabumawẽ taeshũ hanu matu kupiaitiã ha nawa aĩbu shanẽ ibũ matu ha atxakayamashanikiki— iwanã,

Mateus 12:45

kashũ ana sete yushĩ betsa txakabuhaira hatube dasikirã, ha dukũtũ ha yura itxakawakĩ mirĩwaima ana binumakĩ pikuhairamisbuki. Haska keskariai natiã na yurabu hatũ xinã pewabumawẽ taea hiwe txakakubainaibu txipu Deusũ hatu kupihairashanikiki— akĩ

Mateus 12:6

Hamẽ ẽ kuxipawẽ Templo ẽ binuaiwẽ taeshũ huĩrukũtitiã haska hau akubainũbũ hawẽ yunuti inũ hawẽ nemati ẽ hatu yunuriatiruki. Ẽ matũ Hutxi Kayabi Iuwa haska kuxipa ẽ hayaki. Deusũ hãtxa yuishunika Oséias Deusũ yuimakĩ: “Yura betsabuwẽ nuikãwẽ, ea kẽwãkĩ txashuwã kuakĩ menuai bestiwẽmarã”, aka hatu keneshuniki. Matũ huĩti merã na hãtxa xinãkĩ na hunibũ kaneabuma unãkĩ mã hawa yuiama ikeãshuki— hatu abainiki.

Mateus 16:4

Nukunabu na habiatiã hiweaburã, mã txakabuki. Hamapai Deus anua unãti tsuã atiruma uĩkatsi mã ea yukabiamisrã, Deusũ Jonas bakawã sheamabiaxĩshũ ana hiwemakĩ kaĩmanirã, haska keska besti Deusũ matu uĩmakĩ matu ashũriashanikiki. Xinãkãwẽ— hatu watã henebaini

Mateus 17:17

Jesusũ mapuabu hatu yuikĩ: —Ikũwaĩsbuma inũ txakabubuũ, hatiki matu merabewai ana ẽ matube hiweyushanai? Neri iwekãwẽ, ha bakerã— aka

Mateus 23:36

Ikũkĩ ẽ matu yuiaii. Matũ shenipabũ hatu tenãnibu keska xinãkĩ habũ txakabuwẽ taeshũ na habiatiã Israelbu dasibi matube hiweabu Deusũ haturi kupishanikiki— hatu watã

Lucas 11:32

Ha inũ, Nínive anuabu Jonasĩ Deuskiri hatu yusĩa nĩkakĩ hatũ xinã betsa watã Deus ikũwãnibuki. Hamẽ eãnã, ẽ Jonas binuhairabiakẽ tsuã mã ea nĩkakĩ matũ xinã mã betsa wakatsi ikamawẽ taeshũ hanu kupiaitiã Nínive anu hiwenibũri matu ha ariashãkanikiki— iwanã,

João 3:31

ana habias xinãwẽ Joãonẽ hatu yuikĩ: —Tsuara mai anua baarã, mai anu hiweshũ haska dasibi mai anuari tapĩ hãtxamisbuki. Hakia ha hunirã, Deus anua tashninishũ yurabu dasibi binukĩ Deus anua nĩkakĩ uĩtã haska txanibiaya tsuã hawa nĩkama danãkanikiki.

Romanos 2:27

Haska inũ, hawara Deusũ yusĩni mã judeubu hayabiabũ ha nĩkabiakĩ txibãma mã kaneaibũ hanushũ judeubumã hatũ hina kubitxi meshtekeumabia Deusũ yusĩni haya keskakĩ hawara Deusũ abuai txibãkubaĩmisshũ matu binuhairatã matu habũ unãti washanikiki.

Hebreus 11:7

Ha inũ, nukũ shenipabu Noẽ Deus ikũwãyã Deusũ bebũkiri haska washanai iriama uĩyamabia huni pepakĩ Deusũ yunuti txibãkĩ hawẽ hawenabu pashawakatsi nunuti ewapa wanikiaki. Haska Deus ikũwaĩwẽ taeshũ Deusũ mekekĩ hawẽ pewẽ manakukĩ pashawanikiaki. Habias hãtxa ikũwãkĩ txibaĩwẽ pashakĩ yurabu mai hirabi anuabu Noẽ hatu kupinikiaki.