Mateus 12:28 - Kaxinawá Bíblia (BR)

²⁸ Hamẽ ikũ Deusũ kuxipawẽ eã ẽ yushĩ txakabu kaĩmamiswẽ taea Deus shanẽ ibui matu anu ma huaki.

Kashinawa : Diosun Jesúswen taexun yuba bena yiniki

²⁸ Jamen chanima Diosun kushipawen ean en yushin chakabu kainmamiswen taea Dios xanen ibui matu anu ma juaki.

Mateus 12:28 Referencias Cruzadas

Daniel 2:44

Ha shanẽ ibubũ yunukubainaibutiã shanẽ ibubu betsabu keskama nai anu hiwea Deusũ shanẽ ibu betsa katukĩ yununika kayabi wakẽ tsuã hawẽ shanẽ ibu maema taskama ikũkaĩshanikiki. Shanẽ ibu betsabũ kushipa keyuaya na yununika kayabi niti ikama shanẽ ibupakeshanikiki.

Mateus 12:18

‘Ẽ tsuma ẽ katunirã, ẽ abuai ea benimawamiski. Ẽ Yushĩ Pepa ẽ yunua merabewaya pepakiri ẽ tsumapã yurabu shukuabu tibi yuibaũshanikiki.

Mateus 12:29

Haska mã kanehairai matu yuinũ nĩkakãwẽ. Tsuãra huni kuxipatũ hiwe anu hikitã yumetsunũ, iwanã, hawẽ tae inũ hawẽ mekẽ dukũ neatã hawẽ mabu yumetsutirubuki.

Mateus 21:31

Haskakenã, matu yukapa? Haratutũ hawẽ epã yunua nĩkatã ashuĩmamẽ?— hatu wa —Ha ha dukũ yunuimatũ nĩkakĩ ashũtanimaki— akabu Jesusũ hatu yuikĩ: —Eskatiã ikũ ẽ matu yuiaii. Naximanika João tashnimashũ haskai hiwei peti matu yusĩbia hawa matũ xinã betsa watã mã ikũwãma ikimabuki. Hakia ha governo pei bishunika txakabubu inũ aĩbu hininipabũ Joãonẽ hãtxa nĩkakĩ ikũwaĩbu uĩbiakĩ matũ mã xinã betsa wama ikubaĩxinabuki. Habiaskariai natiã nawa pei bishunikabu inũ aĩbu hininipabu Deusũ hãtxa ẽ yusĩaĩ habũ nĩkaibu Deusũ hawenabu hatu waikiki, matu binukinã— iwanã,

Mateus 21:43

Haska keneni keska wakĩ matũ shenipabu Deusũ katubianishũ mã hawenabubiatũ xinãma mã danãnãyã hanushũ yura betsabũri nĩkakatsi ikaibu Deusũ katutã hatu habe shanẽ ibumashanikiki.

Mateus 4:24

hanua Síria mai pakea hirabi anushũ Jesusũ hatu shushawai kakaibu nĩkatã isĩ betsa betsapa teneaibu inũ, yushĩ txakabuyabu inũ, yura txakabu saki saki ikaibu inũ, yura babubu nuitapaibu hatu iwebirãbiranaibu Jesusũ hatu shushawakĩ kayawapakeaya

Mateus 6:33

Hakia hawara Deusũ abuai txibãkĩ ha dukũ Deus shanẽ ibuwakĩ xinãkubaĩshãkãwẽ. Mã haska wai ha katxu hawẽ hiweti piti inũ tari mã hayakũkaĩshanaii, Deusũ matu merabewarã.

Marcos 1:15

taewakĩ: —Na habiatiã Deus ma nenu shanẽ ibuikiki. Haskakẽ mã Deuskiri txakabumis henetã ẽ kakape ekiri ikũwãkubaĩkãwẽ— hatu wanikiaki.

Marcos 11:10

Nukũ shenipabu Davi ipauni keska shanẽ ibuhairai huikiki. Deus kẽwãshunãkãwẽ— akubaini bui

Marcos 16:17

Haska inũ, tsuabũra ea ikũwaĩ haskakubaĩshanaibu matu yuinũ nĩkakãwẽ. Ẽ kuxipa hayashũ ẽ kenawẽ taeshũ yushĩ txakabu kaĩmashãkanikiki. Ha inũ, hãtxa bena tapĩriamawẽ hãtxashãkanikiki.

Lucas 10:11

“Deus matuki sinatai mã unãnũ matũ hemaĩtĩ anua matũ mai mixpuri buama nũ hutakai huxukiri ikainaii. Hakia matu duawayui Deus shanẽ ibui ma kemabiaya hawẽ hãtxa mã danaĩ uĩrashãkãwẽ”, akĩ hatu yuishãkãwẽ.

Lucas 11:20

Hamẽ ikũ Deusũ kuxipawẽ eã ẽ yushĩ txakabu kaĩmamiswẽ taea Deus matuki bai ma huaki.

Lucas 16:16

Jesusũ hatu yuikubaĩkĩ: —Hamẽ Naximanika João huriama matũ itxati hiwe tibi anushũ Moisés yusĩni inũ Deusũ hãtxa yuishunikabũ yusĩpauni yusĩkubaĩkĩ Joãoki tekiwanibuki. Hanushũ Joãonẽ kaka pepa Deus shanẽ ibushanaikiri txaniaya itxapabũ abuhairai hanu hikinũ ika nashukunibukiaki.

Lucas 9:2

nitxĩkĩ yuikĩ: —Haska Deus shanẽ ibushanaikiri yusĩkubaũkĩ isĩ teneaibu mã shushawatanũ ẽ matu yunuyuaii.

Hechos 10:38

Hanushũ Jesus Nazaré anua hawẽ Yushĩ Pepatũ kuxipawẽ Deusũ Jesus kuxipahairawa ha meranua merabenãkũkainaya habu diabo Satanásã itxakawakĩ isĩ betsa betsapa hatu tenemamis nuitapaibu Jesusũ hatu shushawakĩ pewakĩ hatu merabewakubaĩyama mã unãriaii.

Romanos 14:17

Deus shanẽ ibuai nũ ikũwaĩburã, hawara nũ pikatsis ikai inũ, hawara nushuti nũ akatsis ikai xinaĩ hawẽ nuitimaki. Hakia nukuwẽ Deus shanẽ ibuairã, hawẽ Yushĩ Pepatũ haska abuai nuku kanemakatsi ikama inũ, nuku unãnuma hiwemai inũ, nuku xinã txãkãwãkĩ benimawakĩ nuku hiwemaikiki.

Colosenses 1:13

Uatiã nũ Deus unãma mexu txakabũ nuku tsumabiakẽ Deusũ nuku putamaniki, hawẽ bake ha abuaitũ hawẽ shanẽ anu nuku iyukinã.

Hebreus 12:28

Hanu Deus shanẽ ibui hiwemis hawẽ shanẽ nuku hanu hiwemashanairã, hawa maeama ishanikiki. Haskakẽ Deus pehaira wakĩ kẽwãkĩ xinã txãkãwãkĩ haki mesekĩ hawara haska abuai keska benimawakĩ ashũkubainãkãwẽ.

1 João 3:8

Hakia tsuãra txakabu akubainaiburã, Satanás txibãkĩ akanikiki. Bebũkiri Satanásã Deus nĩkama hatũ dukũtũ hakiri txakabuwanishũ hatũ hatu amakubainikiki. Haskawẽ taea Satanásã haska hatu amakubaĩmis yamawakĩ keyunũ ika Deusũ bake tashniniki.