Mateus 12:20 - Kaxinawá Bíblia (BR)

²⁰ Txakabu maemakĩ binuriama yurabuwẽ nuikĩ tawa yuxtu sẽkeama keska wakĩ huĩti babubu danãma ishanikiki, bĩ pahi ibubis nukabiai nukama keskarã.

Kashinawa : Diosun Jesúswen taexun yuba bena yiniki

²⁰ Chakabu maemakin binudiama yudabuwen nuikin tawa yushtu senkeama keska wakin juinti babubu dananma ixanikiki, bin paji ibubis nukabiai nukama keskadan.

Mateus 12:20 Referencias Cruzadas

2 Reis 18:21

Egito nawabũ mia merabewashanai mĩ shinaĩ ẽ unaiĩ. Hakia haburã, hatũ shanẽ ibube hawa kushipa hayabumaki, mã dasibi haki txiti ipanãbunã. Dasibibũ hawẽ hãtxa nĩkakĩ ikũwaĩbu, Egito nawa shanẽ ibu Faraó babukĩ tsua merabewatirumaki.

Salmos 51:17

Ha inãkuĩti tibi mĩ betxipaiairã, ẽ yushĩ mĩ ea meshteima ẽ bika tenebiai has shinãma ẽ huĩti betsa watã txakabu mĩ ma ea pewaima ea uĩkĩ mĩ ea betxipaiaii.

Isaías 40:11

Txashuwã mekenikatũ hawẽ txashuwã shukua hatu mekemis keska wakĩ txashuwã bake bitã hawẽ shutxi anu ikubaĩkĩ inũ dama kaĩ benabu meke pewamisbu keska wanũ ika ma huikiki, nukũ Shanẽ Iburã.

Mateus 11:28

Tsuabũra shãkama ia inũ dayatxakayamai keskai mã punu nukaburã, ẽ matu huĩrukũmakĩ merabewanũ eanu bekãwẽ.

Mateus 11:7

João anu buaibũ ha dapi mapubaunabu Jesusũ Joãokiri hatu yui taewakĩ: —Hanu tsua hiweabuma anuarã, hawa mã uĩtãtanimamẽ? Tawa pei niwẽ bubi bubi wai keska wakĩ hunĩ hawẽ xinã betsa betsapa maewakeakeimamẽkaĩ?

Lucas 4:18

“Nuitapaibu kakape ẽ hatu yusĩnũ Deusũ ea katuniwẽ taea hawẽ Yushĩ Pepa ẽ hayaki. Hanushũ huĩti nixmabu hatu benimawakĩ yura betsã hatu tsuma wa henemakĩ bekũ keskabu bepesha keska wakĩ hatu yusĩ pewakĩ hatu itxakawaibu nemakĩ Deus benimawatikiri dasibibu ẽ hatu unãmakubaĩshanũ Deusũ ea yununiki”, hatu watã keneni hãtxa yuikĩ keyushũ

2 Coríntios 2:14

Hakia Cristoki nũ dasia nũ hawenabukẽ hamapai bika Deusũ nuku habetã binumakubaĩmiski. Ha inũ, nukuwẽ hawẽ kakape yurabu Cristokiri mae tibi anua yusĩmakĩ nuku hatu unãmamiski. Nukuburã, nũ nis hawẽrua keskabuki. Haskawẽ taeshũ Epa Deus kẽwanãkãwẽ.

Apocalipse 6:2

ẽ uĩayã hanua cavalo hushupaki tsuara kanũyã katsauwa shanẽ ibũ maiti betsa Deusũ inã maia hunibube detenamekĩ binumakĩ hatu maemakeakebaini kakẽ