Mateus 11:28 - Kaxinawá Bíblia (BR)

²⁸ Tsuabũra shãkama ia inũ dayatxakayamai keskai mã punu nukaburã, ẽ matu huĩrukũmakĩ merabewanũ eanu bekãwẽ.

Kashinawa : Diosun Jesúswen taexun yuba bena yiniki

²⁸ Tsuabunda xankama ia inun daya chakayamai keskai man punu nukabudan, en matu juindukunmakin medabewanun ea anu bekanwen.

Mateus 11:28 Referencias Cruzadas

Jó 5:7

Haska karu kuabu hawẽ dekẽ sa imis keskakĩ yurabũ txakabu tuekĩ bika betsa betsapa hatu tenemakubaĩmisbuki.

Salmos 32:4

Hua barĩ kua hawẽ shanawẽ txushi txapumis keska wakĩ meshu merã inũ bariri ea shinãmakĩ ẽ txakabuwẽ hawẽ ea timakĩ e imakĩ mĩ ea tenemakubainiki.

Isaías 1:4

Mã hunibu txakabuhairarã, mã peirakãwã! Mã yurabu atimapa txakabu bestiwẽ kemui mã hiwearã, matũ ibubũ txakabuwakubainibuwẽ taea mã hawẽ bakebũ habias txakabu txibaĩbu inũ, mã hawẽ bababũ haska ariaiburã, haska wakĩ mã ma Senhor Deus heneaki. Israelĩ Deus mekenã meribi mã hayabia putatã mã ma shunũbainaki.

Isaías 11:10

Ha haskaibutiã ha Jessé tatxa ha hawẽ tapũ betsa benetã yurabu shukua tibibu hatũ Deus hatu unãmati ishanikiki. Habũ hatũ shanẽ ibu benakinã, hawẽ mae pehaira txashakapaki nukunũ ishũ benabaũshãkanikiki.

Isaías 28:12

Bebũkiri Senhor Deusũ hatu yuikĩ: “Nenu nishma daka anua mã huĩrukũtiruki. Nenu mã punu nukabu hanu bashikutã mã huĩrukuĩ dakatiru hayaki.” Ẽ hatu wabia habũ ea nĩkabumaki.

Isaías 61:3

Sião anu bika tenei hiweaburã, ana txi mapu hatu mapu tukumama maiti hawẽrua inãkĩ hatu sawematãwẽ. Nui kashatxakayamisbu hatu nese watã benimati sheni ininipa hatu inãtãwẽ. Tsuabura hawawẽ haskatima merabewakĩ benimawakĩ kãtati shinã txãkãti hatu yusĩtãwẽ. Mĩ hatu haska wa yurabũ hatu kenakĩ: ‘Ha hi kushipa tekeisma Senhor Deusũ bananishũ hawẽ kushipa hatu unãmati hiki’, akĩ hatu kenashãkanikiki.

Isaías 66:2

Dasibi betsa betsaparã, eã besti dami wakĩ ẽ keyuniki. Haska wakĩ ẽ taewa hayai hiwenibuki. Eã hunibu uĩkĩ merabewakinã, habu keĩsbuma inũ hatũ txakabu henetã ẽ hãtxaki mesekĩ nĩkamisbu ẽ hatu amiski, ikĩ ea Senhor Deusũ ẽ hãtxa ẽ mestẽwaiĩ”, iniki.

Jeremias 6:16

Israelĩ enabu Senhor Deusũ ana hatu yuikĩ: “Bai shesha dabe anu kai niti ishũ uĩkãwẽ. Haratu bai hashu pepa matũ shenipabũ unanibu hatu yukakãwẽ. Ha bai pepa betxitã hawẽ kai hanu matũ yushĩ huĩrukũshanai anu mã haki nukushanaii”, ẽ matu wabia matũ ea kemakĩ yuikĩ: “Haskamaki. Ha baiwẽ nũ ana kakatsi ikamaki”, mã ikaya

Mateus 11:29

Ha inũ, ina awa dabeki hi tekishkũshũ hawara shãkama bumabu bika dayabiai merabenaĩ punu nukaisbumaki. Habiaskariai earã, duapakĩ matu merabewakĩ ina awa hi tekishkũrabea merabenãmisbu keskai mã ea txibãyã ẽ kuxipawẽ ẽ matu merabewakubaĩshanaii, mã bika tenebiaya matu huĩrukũmakinã.

Mateus 23:4

Haskawẽ taeshũ habunã, shãkamahaira matu iama keska wakĩ yusĩa tsuã txibãtiruma matu yusĩbiakĩ habias yusĩa habũri txibãtirubumaki, haska matu yusĩaĩbu keska hiwekĩ matu uĩmamarã.

João 6:37

Hakia ea yununitũ xinãnẽ aki ẽ huniki, emebi ẽ xinãnẽ aki huamarã. Haskakẽ tsuabura katushũ Epa Deusũ ea anu hatu peshukĩ ekiri yunua ikũwãkĩ ea haibuwakubaĩshãkanikiki. Ha inũ, ea ikũwaĩbu ẽ hatu danãtaskama ishanaii.

João 7:37

Nawai keyui hawẽ henei ma shaba dabe inũ besti kaya nawai besi bexiã ma kakatsi keyui dasibi itxahairabũ Jesus benikawã hãtxa kuxipawẽ hatu yuikĩ: —Ũpash manuhairai mã tetsusinairã, eanu beshũ aki bekãwẽ, ea ikũwãkinã.

Hechos 15:10

Haskawẽ taeshũ ha Moisés nukũ shenipabu yusĩni beya habũ txibãtiruma ipaunibuki. Habiaskari nũ Israelbũ nũ txibãtirubumariki. Haskakĩ Deusũ hatu haska wamabiakẽ matu Deus keskakĩ judeubumã Jesus ikũwaĩbu mã hatu yunuai? Hatu haska wayamakãwẽ.

Hechos 20:35

Haska inũ, nukũ Shanẽ Ibu Jesusũ nuku yusĩkĩ yuikĩ: “Tsuara nuitapakĩ hawara bi benimamisbuki. Hakia tsuãra nuitapaibu merabewakĩ inaĩ benimatxakayamamisbuki”, hatu wani xinaĩ: “Txikixama dayakĩ nuitapaibu merabewakubaĩshãkãwẽ”, akĩ ẽ matu yusĩkũbaĩmiski— iwanã,

Gálatas 5:1

Haska inũ, Moisés nemati inũ hawẽ yunuti nũ ana txibãyamanũbũ Cristõ nuku kaĩmaniki, Moisés yusĩa txibaĩ nũ ana hatũ escravo iyamanunã. Matu haska nemanikẽ Jesus besti txibaĩ ana xinã betsa wama judeubũ yusĩa danaĩ ana hatũ dayaru escravo iyamakubaĩkãwẽ.

Hebreus 4:1

Ha haskanibukiri natiã nũ yuikubainairã, hawẽ mae pepa haska Deus yubakani hanu huĩrukuĩ hikikatsi iki nũ ikaiburã, haska keskariki. Uĩrakãwẽ. Betsabũ matũ xinã mã betsa wamakẽ haskawẽ taea mã hikitirumariki.

Apocalipse 22:17

hanua nũ Txashuwanẽ aĩnẽ habũ nũ ikũwaĩbunã, Yushĩ Pepabetã Jesus yuikĩ: “Huriwe!” nũ ikaya tsuabũra nuku nĩkakĩ: “Hau hurinũwẽ!” hau irianũbũwẽ. Ha inũ, tsuabura ũpash manui keskakĩ Deus benakĩ Jesus txibãkatsis ikĩ hau ikũwanũbũwẽ. Haska watã hawẽ ũpash hiwemati haya hau aki benũbũwẽ, hawa pakamarã.