Mateus 11:25 - Kaxinawá Bíblia (BR)

²⁵ hanua Jesus xinã txãkaĩ benimakĩ yuikĩ: —Epaã, nai inũ mai hirabi minaski. Mĩ duapa hãtxa ha unãnepai kẽmisbu mĩ hatu unãmama habu keĩsbuma besti mĩ hatu unãmakubainaiwẽ taeshũ ẽ mia kẽwaiĩ— iwanã

Kashinawa : Diosun Jesúswen taexun yuba bena yiniki

²⁵ janua Jesús shinan chankain benimakin yuikin: —Epaan, nai inun mai jidabi minaski. Min duapa jancha ja unanepai kenmisbu min jatu unanmama jabu keinsbuma besti min jatu unanmakubainaiwen taexun en mia kenwaiin— iwanan

Mateus 11:25 Referencias Cruzadas

Gênesis 14:19

Abrão Melquisedeque pepawakĩ yuikĩ: “Deus dasibi binu keyua hiwea nai inũ mai hirabi damiwanitũ hau mia duawakĩ pepawakubainũwẽ.

2 Reis 19:15

“Israelĩ enabu mekenika Senhor Deusuũ, mĩ hatube yubakani hãtxa aruti bau mamaki querubin dabe tsaua anu hatu mamaki shanẽ ibu mĩ tsauaki. Nai inũ mai hirabi mĩ dami waniwẽ taea mai hirabi anu shanẽ ibu tibitũ enabu dasibi miã besti mĩ hatu yunumis mekenika Deuski, Deus betsa hayamarã.

Salmos 8:2

Bakebu inũ bakeishtahaira txutxu akaibũ mia kẽwãkĩ pashati hiwe keska waibu nĩkatã mia haska waibu betxipaiama habu miki sinatamisbuwẽ taeshũ ha txakabubu inũ nĩkaisbuma mĩ kushipahairawẽ mĩ hatu dakewama harakiri yuitima ishãkanikiki.

Isaías 66:1

Hanushũ Senhor Deusũ ana hatu yuikĩ: “Nai anurã, hanu shanẽ ibui ẽ tsaumiski. Hamẽ maikirã, ẽ tae ẽ hanu kẽyãmiski. Ea hanu huĩrukũmanũ ishũ hani tsuã ea duawakĩ shaba betsa anu ea hiwe washũtirumẽ? Tsuã atirumaki.

Daniel 2:23

Mĩ ea unanepa wakĩ kushipa waniwẽ taeshũ ẽ shenipabũ mekenika Deus mĩ miarã, mia duawakĩ, benimawakĩ ẽ mia kẽwaiĩ. Haska natiã nũ mia yukashu ikis mĩ ea tapĩmashuki, hawara shanẽ ibũ shinãkĩ bika teneaikiri nuku unãmakinã”, atã

Daniel 4:35

Ha bebũ mai hirabi anu hiwebaunabu hawaubumaki, hawa kushipa hayabumarã. Nai anu inũ mai anu hawẽ shinanẽ haska shinaĩ besti aki hiwemiski. Tsuãra hawẽ kushipa nemakĩ yuikĩ: Mĩ haska wai ikai? akĩ tsuã yukatirumaki’, itã,

Mateus 16:17

Jesusũ yuikĩ: —Simão Barjonasĩ bakeẽ, ẽ hakẽ huni betsã mia yuiamabia ẽ Epa nai anuatũ mia unãmakĩ mia duawaikiki. Benimariwe.

Mateus 21:16

Jesus yukakĩ: —Mia haska waiburã, mĩ nĩkai?— akabu Jesusũ hatu yuikĩ: —Haa. Habia ẽ nĩkaii. Deusũ hãtxa yuishunikabũ haska ekiri keneniburã, mã uĩriamamẽ? Salmoskiri matu yuinũ nĩkakãwẽ: ‘Mĩ pepahairawẽ taeshũ bake mixtĩbu inũ txutxu akaibũ mia kẽwãshãkanikiki’, aka matu keneshuniki— hatu watã

Lucas 22:42

yuikĩ: —Epaã, hamapai dasibi mĩ atiru ẽ unaiĩ. Ẽ mawayamanũ mĩ nematirubia ẽ xinaĩ keska ea akama mĩ xinãnẽ besti ea ashãwẽ— ikaya

Lucas 23:34

meneabũ soldadobukiri Jesusũ yuikĩ: —Epaã, ea haska waiburã, hawa hatu kupiyamawe, hawa unãma iki ikanikikirã— ikaya hanushũ soldadobũ hawẽ beyustiwẽ maemanãkĩ hawẽ tari pashkanũ iwanã: “Tsuã dukũ hawẽ tari bimẽkaĩ? Akãwẽ”, ikaibũ

João 11:41

hanushũ mixki ewapawẽ bepuxinabu bepẽshunabu Jesusũ uĩtã naiuri teskãshũ yuikĩ: —Epaã, mĩ ea nĩkaiwẽ taeshũ ẽ mia pepawaii.

João 12:27

haskai nũ nĩkaya Jesusũ hawẽ Epa yuikĩ: —Ikis hawẽtxaĩs huĩti meteshekei ẽ punu nixmahairaii. Hawa yuipa?— itã —Epaã, na ẽ yura hatu mepamatã ẽ pashanũ ea nitxĩwẽ, akĩ ẽ mia yuitirubia hakia habiaskatanũ ika ẽ huai mĩ ea yubaniki— atã

João 12:28

ana yuikĩ: —Epaã, ewẽ taeshũ dasibibũ hau mia kẽwãshanũbũwẽ— akaya hanua nai anua Deusũ hui tashniaiwẽ yuikĩ: —Ẽ xinãwẽ mĩ ma abiakubainaya ana habiaskari wakĩ ẽ kena ana kuxipa wakĩ miwẽ ẽ ana hatu kẽwãmakatsis ikaii— akaya

Hechos 17:24

Yavé Deusunã, mai hirabi inũ dasibi nũ hanu hiweabu Deusũ damiwanirã, dasibi hawenaski. Ha nai anua inũ mai anua dasibi mekei shanẽ ibuaya hunibũ haska wakĩ duawanũ, iwanã, hatũ xinãnẽ templo hawẽ kẽwãti hiwe washunabu anu besti hiweamakiaki.

1 Coríntios 2:10

Nukũ Epa Deusũ nuku haska wanũbariai nũ tapĩtirubumabiakẽ hawẽ Yushĩ Pepatũ nuku tapĩmaniki. Ha hawẽ Yushĩ Pepatunã, dasibi unãkĩ Deusũ xinaĩ yubakaniri unã keyuriaikiki.

2 Coríntios 3:14

Haska Moisés hãtxa danãkubiranaibu hatũ huĩti Deusũ kuxiwani keska wakĩ natiã habias yubani hãtxa betsabũ danãriaibu hatũ huĩti Deusũ kuxiwariamiski. Moisés hãtxa keneni yuiaibu hatu nĩkamamakĩ bepukĩ hunemiski. Tsuabũra Cristo danãkĩ Moisés hãtxa nĩkatirubumaki. Tsuabũra na habiatiã Deus kẽwãnũ, iwanã, benakĩ Deus unãkatsis ikaibu hãtxa shabakabiwẽ Deusũ hatu nĩkamamiski. Haskakẽ Cristo ikũwanũ ikaibu Deusũ hatũ huĩti ana kuxiwama inũ Moisés hãtxa ana bepuama shabakabi tapĩkĩ nĩkatirubuki.

1 Samuel 2:18

haskabiaibũ Samuelĩ éfode tari mãyunepa yura putxinĩ kesua saweshũ bakeishtã Senhor Deus duawakĩ Deusbe hatu hãtxashunika shanẽ ibu Eli merabewakubainaya