Mateus 11:11 - Kaxinawá Bíblia (BR)

¹¹ Ikũ ẽ matu yuiaii. Yura dasibibũ Deus dayashũkĩ tsuã João binuama ibianibũ hanu Epa Deus shanẽ ibuaitiã ikũwaĩbu haki dasiabu beshmashairabiabũ João binushãkanikiki.

Kashinawa : Diosun Jesúswen taexun yuba bena yiniki

¹¹ Chanima en matu yuiaii. Yuda dasibibun Dios dayaxunkin tsuan Juan binuama ibianibun janu Epa Dios xanen ibuaitian ikunwainbu jaki dasiabu bexmasjaidabiabun Juan binuxankanikiki.

Mateus 11:11 Referencias Cruzadas

Salmos 51:5

Txanima ẽ kaĩ bena ẽ txakabu iki taeniki. Ẽ txakaburã, ẽ kaĩriama ẽ ibu anua ẽ hayaniki.

Mateus 11:10

Ha inũ, Deusũ hawẽ bake nitxĩkatsi Joãokiri yuikĩ: ‘Nĩkawe. Hanu mĩ kashanũ hau pewai kanũ ẽ hãtxa yuishunika betsa bebũkiri ẽ yunushanaii, ẽ mia nitxĩriamarã’, akĩ hakiri hawẽ kaka kenenibuki.

Mateus 11:12

Naximanika João huriama matũ itxati hiwe tibi anushũ Moisés yusĩa inũ Deusũ hãtxa yuishunikabũ yusĩpauni matu yusĩ bestikubainimabuki. Hakia João hushũ Deus shanẽ ibushanaikiri bebũkiri hawẽ kaka pepa yusĩkubainaya huni pubenẽ detekatsis ikĩ Deus shanẽ ibushanai ewamamakĩ beshtenũ ika ikanikiki.

Mateus 3:1

Bebũkirihaira hawẽ hãtxa yuishunika Isaías Deusũ yuimakĩ: “Hanu tsua hiweabumanushũ beaibu hui kuxipawẽ txanikĩ hatu yuikĩ: ‘Nukũ Shanẽ Ibu nai anua matuki bayui ma kemaikiki. Matũ huĩtinĩ xinã pewarikãwẽ, bai kayatapia keska wakinã’ ”, ani keska wakĩ Naximanika João hunishũ Judéia anu tsua hanu hiweabumanu camelo dani tima tari sawea inũ bitxi nanesheketi sawea inũ hawẽ piti pe beshmas txãpu inũ ni meranua buna bata aki hiweshũ harishũ hatu yusĩkĩ taewai bana nĩkatã Jerusalém anua inũ Judéia anua inũ Jordão hene kesha hiweabũ nĩkanũ ika bebirã bebiranaibu hatu yusĩkĩ: “Deus nenu shanẽ ibui ma kemaikiki. Deuskiri xinãma mã txakabumis henerikãwẽ”, hatu wakubainai

Mateus 3:11

iwanã, “Eãnã, hawẽ unãmati wakĩ henewẽ besti ẽ matu naximakubainaii. Hakia huni betsarã, kuxipahaira ea binũa txipu hushanikiki. Hawẽ tsumapã hawẽ daya ashũmis keska wakĩ ẽ hawẽ hawaumahairatũ eã merabewakĩ ẽ duawatirumaki, hawẽ bitxi tae meshpũ tsitsaukaĩ ẽ pekashũtirumarã. Hakia matu pepawakĩ Deusũ Yushĩ Pepa matu inãtã bika matu tenemakĩ matũ txakabu yamawashanikiki, txiwẽ hawara txakabu abuama kua keska wakinã.

Mateus 5:19

Hakia tsuabũra yusĩa betsa bikama maewashũ hawenabu hatu yusĩayã Deus hatuwẽ benimama ishanikiki. Hamẽ tsuabũra Deusũ hãtxa nĩka kayabitã hawenabu habias hãtxa betsa maewama yusĩaĩbu Deus hatuwẽ benimahairashanikiki.

Lucas 7:28

Ikũkĩ ẽ matu yuiaii. Yura dasibibũ Deus dayashũkĩ tsuã João binuama ibianibũ hanu Epa Deus shanẽ ibuaitiã ikũwaĩbu haki dasiabu beshmashairabiabũ João binushãkanikiki— hatu wai

Lucas 9:48

hatu yuikĩ: —Ea duawanũ, iwanã, na bakeixta keska wakĩ tsuara ẽ kenaya huairã, ikĩ ea akawakĩ mã duawatiruki. Habiaskari wakĩ ea besti duawama hatũ ea yununi Deusri habũ duawashãkanikiki. Haskakẽ tsuara hawa xinãma keãma dasibibu merabewakĩ ha kẽmisbu hatu binushãkanikiki— hatu waya

João 1:15

Haska inũ, hawẽ Xinaĩ Hãtxati Joãonẽ Jesus unãtã João nĩkai beabu hãtxa kuxipawẽ hatu yuikĩ: —“Ha dukũ hiweniwẽ taea ea katxu kaĩbiaimashũ ea binuyushanikiki, shanẽ ibuhairakinã”, akĩ haskakiri ẽ matu yuikubainaii— akĩ Jesuskiri João hãtxashũkũkainiki.

João 10:41

ana mirima hari yurã kaiã haki shukuabu hatu yusĩa yuinamei: —Joãonẽ damiwamabia dasibi Jesuskiri nuku yuixinarã, txanimaki— ikĩ

João 3:30

Haska inũ, hawẽ kuxipawẽ ea binuĩ Jesus kuxipaya hanua earã, ẽ kuxipa beshtekei ẽ beshmasaii— iwanã,

João 5:35

Haska inũ, João bĩ ewapa dekua hi ikĩ txashawa keskashũ matu yusĩaĩ nĩkai ushe eskarabes hawẽ yusĩa abui mã benimakũkainimaki.

João 7:39

Haska nuku yuikinã, Deusũ Yushĩ Pepakiri nuku yuiniki. Hanushũ Jesus ikũwaĩbu hawẽ kuxipa Deusũ inanũ ikaya Jesus mawa besteã hawẽ Epanu kariamakẽ Deusũ Yushĩ Pepa nuku inãyuama iniki.

1 Coríntios 6:4

Haska ikũwãbumã xinãmis mã danãmiswẽ taeshũ mã ha ikaibu hau matu unãti wakĩ merabewanũ ana ikũwãbuma anu kai hatuki ana txiti iyamakubaĩkãwẽ.

Efésios 2:3

Haskawẽ taea uatiã nukubu nũ hiwea habiaskasri nũ iyunibuki, nukũ xinãnẽ txakabu abukĩ txibaĩ hiwea kemu pae tibi nukũ yurã yunuai xinaĩ ha ashũkĩ meneirã. Haskawẽ taea hawẽ nuiti nukukiri nũ hayamakẽ txanima Deusũ nuku kupitiru nũ inibuki, betsabũ ikũwãma ikaibu keskairã.

Efésios 3:8

Hamẽ ẽ ikairã, Cristo txibaĩbu meranua ẽ beshmashaira hawamabiakẽ haskaraki watã Deusũ ea benimawakĩ duawakĩ hau hawẽ bake Cristokiri hawẽ pepa betsa betsapa hayawẽ nuku pehaira mekekubaĩtiru matu judeubumaki ẽ txanikũkaĩshanũ ea katutã nitxĩniki.

2 Timóteo 1:10

Hanushũ txanima Deusũ hawẽ nuikipa nuku unãmakinã, hawẽ bake Jesus Cristo nukũ mekenãwãkĩ mawawẽ dasibibu nũ datemis hatũ maemakĩ nuku binushuniki. Ha kakape hakiri hiwea hãtxa yuikĩ datã ati xara ana huneama wakĩ shabakã tashnimakĩ shabakabi waniki.

Hebreus 11:40

Deusũ hatu haska wakinã, haska yubakani habu bebũshũ besti akatsi ikama nukubukiriri xinãkĩ hanus nuku shuku watã haska yubakani pehaira nuku inãkatsi nuku hatube itxawashanikiki, hiwekuĩa anu nuku hatube hiwemakinã.

1 Pedro 1:10

Haska wakĩ Deusũ matu duawakĩ yunushanaikiri hawẽ hãtxa yuishunikabũ Messiaskiri bebũkiri itxakawabu nuitapatã hatu maemashanaikiri Cristõ Yushĩnĩ hatu unãmaya Deusũ hatu kenema habũ ibubis tapĩnũ ishũ benahairakĩ xinaĩ: “Tsuamẽ? Hatiã haskashanimẽkaĩ?” ikubainibukiaki.

1 Samuel 2:30

hanua Israelĩ enabu mekenika Senhor Deusũ ana mikiri yuikĩ: ‘Ebe hãtxashunikabu hau ikubaĩshanũbũ mĩ shenipabu Arãonẽ enabu ẽ hatu yubaniki, minabu dikabikirirã. Haska ẽ hatu yubani ẽ ana shinãkatsi ikamaki. Habũ ea duawaibu besti eãri ẽ hatu duawashanaii. Hakia habũ ea danaĩbu eãri ẽ hatu danãriashanaii. Ẽ Senhor Deusũ shabakabi ẽ mia yuaii.