Mateus 10:3 - Kaxinawá Bíblia (BR)

³ Filipe inũ, Bartolomeu inũ, Tomé inũ, nawã pei bishunika Mateu ea inũ, Alfeũ bake Tiago inũ, Tadeu inũ,

Kashinawa : Diosun Jesúswen taexun yuba bena yiniki

³ Felipe inun, Bartolomé inun, Tomás inun, nawan pei bixunika Mateo ea inun, Alfeon bake Santiago inun, Tadeo inun,

Mateus 10:3 Referencias Cruzadas

Mateus 18:17

Hanushũ hatũ hãtxari nĩkamakẽ matũ itxati hiwe anu iyushũ haturi banabimariawe. Hanushũ habũ pewakĩ yusĩaburi binu keyukĩ nĩkamakẽ haskawẽ taeshũ ikũwãbuma inũ governo pei bishunika txakabuwẽ meseisma keska wakĩ hatu danãkubaĩshãkãwẽ.

Mateus 9:9

Hanua kaĩkaini hanushũ Roma governo pei bishũti hiwe anu ẽ Mateu tsauwa Jesusũ ea betxitã yuikĩ: —Ẽ mia tapĩmai ea txibãkubaĩwẽ— ea wa benitã dasibi hene keyubaĩ txibã taewabaĩ

Marcos 15:40

hanua aĩbuaibu Galiléia anuabũ Jesus Galiléia anu ka habũ duawakĩ txibãmisbũ uĩaĩbũ hatubetã uĩriaiburã, Josẽ betsa mashku Tiago ha dabetũ ewa Maria inũ, Salomé inũ, Maria Madalenã habũ benãtashũ uĩaĩbũ hanua aĩbu betsa betsapabu Jerusalém anu Jesusbe bexiãbũri hatubetã Jesus mawai uĩnibukiaki.

Marcos 2:14

hanua kakĩ Cafarnaum anushũ Romanobũ governo pei bishũmisbu hiwe anu Alfeũ bake Levi hawẽ kena betsa Mateu tsauwa Jesusũ betxituxitã yuikĩ: —Ea txibãkubaĩwẽ— aka Levi benitã txibãkĩ taewabainaya

Marcos 3:18

André inũ, Filipe inũ, Bartolomeu inũ, Mateu, hawẽ kena betsa Levi, inũ Tomé inũ, Alfeũ bake Tiago inũ, Tadeu inũ Simão, ha Roma anua shanẽ ibubu hatu danãkĩ hatu nitxĩkatsis imis

Lucas 18:10

—Templo hemaĩtĩ anu huni dabe Deusbe hãtxai bua mapuabukiri matu yuinũ nĩkakãwẽ. Ha huni daberã, betsa Moisés yusĩa inũ hawẽ shenipabu betsabũ yusĩa txibãhairamis fariseuki. Ha inũ, betsarã, Romanawa shanẽ ibu pei bishunikaki.

Lucas 18:11

Haskakaĩ fariseu nia naiuri besushũ Deus dayuikĩ: “Deusuũ, yura betsabu keskama ẽ pewẽ taeshũ ẽ mia kẽwaiĩ. Yumetsumisbu inũ, parananãmisbu inũ, txutanamebaũmisbu inũ, ha pei bishunika txakabu ẽ hatu keskamaki.

Lucas 18:13

hanua ha Romanawa shanẽ ibu pei bishunika hawa keãma benãta niriashũ hawa naiuri besuama dakei aitĩ iki shutirĩ shutirĩ ikĩ yuikĩ: “Deusuũ, mĩ hãtxa ẽ kanemisbiakẽ ewẽ nuikĩ ẽ txakabu ea buashũwẽ”,

Lucas 19:2

habianuri huni betsa mabuhairayatũ Roma pei bishunikabu hatũ shanẽ ibu hawẽ kena Zaqueũ

Lucas 5:27

Hanua kaĩkaini hanu bai kesha anu hanushũ Roma governo pei bishũmisbũ hiwe anu Levi tsauwa Jesusũ betxituxitã yuikĩ: —Ea txibãkubaĩwẽ— aka

João 1:48

hawẽ hãtxa nĩkabirã Natanaelĩ Jesus yukakĩ: —Haskakĩ hanishũ ea uĩmisshũ mĩ ea unaĩ?— aka Jesusũ Nataniel yuikĩ: —Filipẽ mia kenariama mibã figueira hi namã tsaushũ mĩ xinaĩ ẽ mia unãshuki— aka

João 11:16

haskaya nũ hawẽ 12 tsuma kuxipaya betsa Tomé tsupibu bakẽ nuku yuikĩ: —Kawe. Haria habe mawarinũ bukãwẽ— nuku waya

João 14:22

Judas betsã yukakĩ: —Shanẽ Ibuũ, haskakĩ yurabu dasibi uĩmama mĩ nuku besti ana uĩmashanai?— akaya

João 14:5

Tomẽ yukakĩ: —Shanẽ Ibuũ, hanu mĩ kashanairã, nũ unãmaki. Haskatã hawẽ kati bai nũ unãshanai?— aka

João 14:9

—Filipeẽ, hatishũ ẽ matube hiwebiakũkainai mĩ ea unãriamamẽ? Txanima ea uĩkĩ Epa Deusri mã uĩaiĩ. Haskakĩ: “Epa Deus nuku uĩmawe”, akĩ mĩ ea yukai?

João 21:2

Galiléia anu nũ ka Simão Pedro inũ, Tomé ‘Tsupibu bakeẽ’, akĩ nũ kenamis inũ, Natanael hawẽ mae Caná Galiléia anua inũ, nũ Zebedeũ bakebu ea inũ ẽ betsa Tiago inũ, ana Jesusũ tsuma dabe betsa nũ itxa mapuabũ

Hechos 1:13

haskabirani ha mae anu hikitã hanu ikabu hiwe keyatapa dĩtu merã mapekenibukiaki, Pedrorã, Joãonã, Tiagorã, Andrérã, Filiperã, Tomérã, Bartolomeurã, Mateurã, Alfeũ bake Tiagorã, Simão Zelote hatũ nawabu nitxĩkatsis imisrã, Tiagõ bake Judasrã.

Hechos 12:17

hanushũ hikitã hawẽ mekenẽ hatu nemakĩ hatu hãtxa nesematã haska hawẽ Shanẽ Ibuã bitxiti hiwe anua tashnimakĩ pashawashu hatu yuitã ana yuikĩ: —Haskatã ẽ kaĩshu Tiago inũ ikũwaĩbu betsabu ea hatu yuishũshãkãwẽ— hatu watã hanua hune kaĩkaini mae betsa anu iruyui kakẽ

Hechos 15:13

meneaya Jesusũ betsa Tiagõ itxabu hãtsiri hatu yuikĩ: —Ẽ betsabu inũ ẽ puibuũ, eãri matu yuinũ nĩkakãwẽ.

Hechos 21:18

hanu ushaxini Jesusũ betsa Tiago nũ haki bai ka habianuri dasibi mekenikabu nũ hatuki nukua

Gálatas 1:19

Hakia Jesusũ kuxipaya betsabu uĩyama nukũ Shanẽ Ibũ betsa Tiago besti ẽ uĩrianiki.

Gálatas 2:9

Haskawẽ taeshũ ẽ hawa pepamabiakẽ ewẽ nuikĩ Jesusũ ea katushũ ea yununi ẽ hatuki txanikĩ meshtãma nĩkatã habu dukũ Jesusũ hatu katuni binuabu Tiago inũ, Pedro inũ, Joãonẽ ẽ haskamis txanima unãtã ea haibuwakĩ nuku danãma ea inũ Barnabébe ea habe metaka anibuki. Nuku haska wakĩ haibuwabu ea Barnabébe pashkakaĩ judeubuma anu nũ yusĩ kaya hanua haburi hawenabu judeuburi hatu yusĩnũbũ hatube yubakatã nũ ana dayai kaniki.

Santiago 1:1

Matu Israelĩ 12 huni bakebũ hatũ bababũ mã Jesus Cristo ikũwaĩbu mai hirabi anu mã sa ini manibaunabu ẽ Tiagõ, Deus inũ nukũ Shanẽ Ibu Jesus Cristõ tsumapã ẽ matu kene bumai uĩrakãwẽ.

Judas 1:1

Tsuabura Epa Deus matuwẽ nuikĩ matu kenatã katuni mã habu Jesus Cristõ matu tsumashũ mekekubainai ẽ Tiagõ betsa Judas Jesus Cristõ tsumapã, ẽ hãtxa ẽ matu bumai uĩrakãwẽ,