Mateus 10:15 - Kaxinawá Bíblia (BR)

¹⁵ Ikũ ẽ matu yuiaii. Hanu Deusũ yurabu dasibi hatu kupiaitiã haska Sodoma inũ Gomorra ha mae ewapa dabe txiwẽ Deusũ hatu kupikĩ haska wani binumakĩ habũ matu danãnibu Deusũ hatu kupihairashanikiki— iwanã,

Kashinawa : Diosun Jesúswen taexun yuba bena yiniki

¹⁵ Chanima en matu yuiaii. Janu Diosun yudabu dasibi jatu kupiaitian jaska Sodoma inun Gomorra ja maewan dabe chiwen Diosun jatu kupikin jaska wani binumakin jabun matu dananibu Diosun jatu kupijaidaxanikiki— iwanan,

Mateus 10:15 Referencias Cruzadas

Mateus 12:36

Matu yuinũ nĩkakãwẽ. Hanu unãti washanaitiã: “Hãtxa hari yuitimawẽ mĩ yuipaunirã, haskakenã ea yui pewawe”, akĩ yurabu bestibu tibi Deusũ hatu yukashanikiki— iwanã,

Mateus 5:18

Txanima nai anua inũ mai keyuriamakẽ Deusũ hãtxa yuishunikabubetã haska Moisés hatu yusĩni hãtxa ikũnã, eã ẽ matu yuiairã, hawa tsuã nemakĩ inũ hawa betsa wama hãtxa tibi menepakeshanikiki.

Mateus 7:22

Na haska ẽ matu yuiai keska enabu kayabi hatu itxawanũ ika ẽ ana huaya itxapabũ ea yuikĩ: “Shanẽ Ibuũ, Shanẽ Ibuũ, mikiri yusĩkubaĩkĩ mĩ kena kuxipawẽ yuikĩ yushĩ txakabu nitxĩkĩ dami atimaska betsa betsapa nũ mia ashũkubaĩmiski. Nukuri katuriwe”, ea akaibu

Marcos 6:11

Haska inũ, hanishũra matu danãkĩ nĩkakatsi ikabumakẽ Deus hatuki sinatai unãti wakĩ hanua kaĩbaĩkĩ matũ tae anua mai kuru hatuki tabaĩshãkãwẽ, hau habiaskasi maninũbunã, hawa unãmarã— hatu wa nĩkatã

João 12:48

Hakia ẽ hãtxa danãkĩ abuabuma habuna kupiti ma hayaki. Shaba hawẽ henea unãtitiã ẽ hãtxawẽ taeshũ Deusũ habu hatu kupishanikiki.

João 6:39

Ea yununitũ xinãwẽ akinã, tsuabura ea anu yununi hawẽ heneai shabatiã hatu benuama hatu bestẽwãkĩ ẽ hatu tashnimashanaii.

João 6:40

Dasibibũ Deusũ bake xinãkubaĩkĩ ikũwaĩ hiwekuĩa ma hayabuwẽ taeshũ hawẽ heneai shabatiã ẽ hatu bestẽwãshanaii, haska ẽ Epã xinaĩ yubakani keska meneshũkinã— hatu wakĩ

Hechos 17:31

Huni betsa katushũ yurabu anu yununi mawa bestẽwãkĩ yurabu dasibi hawẽ kuxipa hatu uĩmaniki. Haskawẽ taeshũ ha shaba ma Deusũ katuni anu ha huni katuniwẽ taeshũ yura dasibi mai hirabi anu hiwebaunabu hatu unãti wakeakekĩ keyutã Deusũ hawa kaneama hatu kupishanikiki— hatu wa

1 Coríntios 3:13

Nai anua nukũ Shanẽ Ibuhaira Jesus hukirã haska hawẽ yusĩa txibaĩ nũ hiwemis nuku tibi shabakabi nuku unãti washanikiki. Hanu nuku unãti waitianã, nukũ hiwea inũ nũ hawẽ taea nũ dayamis txiwẽ nuku unãti washanikiki.

1 Tesalonicenses 5:4

Hamẽ ẽ betsabu inũ ẽ puibuũ, maturã, mã ma unãnepabuki, tsuãra kakape tapĩkĩ ikũwãkatsi ikabuma keskamarã. Hatiãra nukũ Shanẽ Ibu hui haskakirãshanikiri ana matu yuinũ nĩkakãwẽ. Huni yumetsunũ ika hawaira hatiãra tsuã unãmakẽ humis keskai nukũ Shanẽ Ibu bebũkiri tsua yuiama hawairakirã tashnishanikiki. Haskaya habũ ikũwãkatsi isbuma mexu merã hiweabu keska teku iki: “Habaa!” ishãkanikiki. Hakia habũ ikũwaĩbu hawa dateama ishãkanikiki, nũ ha manakamis huayarã.

Hebreus 10:25

Ha inũ, Deusũ hãtxa tapĩ itxai heneyamakubainãkãwẽ, haskai betsabu babui txĩtũkanikikirã. Haskama betsabube merabenãkatsis ikĩ hatu uĩmakĩ hamakiri xinãbiabainaibũ hatu beya wakĩ xinã txãkãwãkĩ hatu benimawakubaĩkãwẽ. Hatu haska wakĩ ma Jesus ana hua kemai uĩkatsirã, xinã txãkãhairai hatube itxai heneyamakubaĩkãwẽ.

2 Pedro 2:6

Natiã tsuabũra hawẽ hãtxa nĩkama txakabukubainaibu Deusũ hatu kupishanai hau bebũkiri dasibi txakabumisbũ Deusũ eskaibu hatu kupini hau hakiri unãshanũbũ mae dabe Sodoma nawabu inũ Gomorra nawabu kupikĩ txiwẽ hatu menu keyukĩ Deusũ hatu yamawakĩ mapu besti hatu wanikiaki.

2 Pedro 2:9

Noé inũ Ló Deusũ pashawanishũ tsuabura hawenabu ikatsis ikĩ hatũ hiwea Deus inãmisburã, hawẽ taeshũ hawara bika tibi hatu memabiaibũ nukũ Shanẽ Ibũ unãkĩ hatu txakabu binumariakubaĩtiruki. Hamẽ habu txakabumisburã, hanu bari hawẽ heneaitiã hatu unãti watã hatu kupishanai unãriaikiki.

2 Pedro 3:7

Hakia nai inũ mai natiã hayayuarã, habiaskari wakatsi Deusũ mekeyukubainikiki. Hanu bari hawẽ henei keyuaitiã unãti wakĩ yura txakabubu kupikatsi Deusũ hawẽ hãtxawẽ yunukĩ nai inũ mai txiwẽ yamawakĩ habũ Deus danãmisbu hanu hatu benu keyushanikiki.

1 João 4:17

Haskakũkaini txanima nũ nui hayakũkaĩmisburã, Deusũ Jesus Cristo abumis keska wakĩ nukuri habiaskari wakĩ nuku abumiswẽ taea hanu bari hawẽ heneaitiã Deusũ hatu unãti waya nũ hawa dateama ishanaii.

Judas 1:6

Ha dikabi Deusũ hawẽ nai tsumabu nai anua habu tibi ha mekei hanu hau shanẽ ibunũbũ hatu yunubia haska besti mekekatsi ikama hatũ daya henebiranaibu Deusũ hatu nemakĩ hanu mexuhaira kaĩkaĩtirumanu hatu bitxitã hanu bari hawẽ heneai anu hatu kupiaitiã haburi kupishanai hatu mekea mapuabuki.

Judas 1:7

Ha hawẽ nai tsumabu hatu ashanai keskari wakĩ nawabu Sodoma inũ Gomorra mae ewapa inũ hatu dapi mae urama anu hiweabu txutawẽ kemukĩ hunibu habe hunibe txutanameaibu Deusũ hatu kupikĩ hawẽ yusĩa danaĩbu txi nukaismawẽ hatu kupishanai keska wakĩ shabakabi Sodoma inũ Gomorra hatu kupinikiaki, habias nukubũri dasibibũ hatuwẽ taeshũ nũ unãshanũbũ hatu kupikinã.