Malaquias 2:9 - Kaxinawá Bíblia (BR)

⁹ Ẽ hãtxa nĩkakĩ mã txibã pewama Israelĩ enabu yusĩbiakĩ yurabu dasibi habiaskas duawakĩ mã hatu uĩmaismawẽ taeshũ Israelĩ enabu dasibibũ hau matu danã paepa wakĩ matukiri hau pe shinãyamanũbũ ẽ hatu shinã txakamariashanaii”, akĩ Senhor Deus kushipahaira dasibi binu keyua matukiri haska hãtxaikiki.

Malaquias 2:9 Referencias Cruzadas

1 Reis 22:28

Micaíasĩ Acabe ana yuikĩ: —Haska mĩ unanuma txĩtũshanaikiri Senhor Deusũ haska ea hãtxa wakĩ yuiama ishuki— ikaya dasibi yurabu hemaĩtĩ itxai keyuabu nĩkaibũ

Provérbios 10:7

Huni pepa uĩkĩ Deusũ duawamis betsabũ hawẽ pepa shinãkĩ hakimaisbumaki. Hakia huni txakabukiri hawaira hakimamisbuki.

Provérbios 12:8

Tsuãra pe shinãkĩ hawaira tapĩhairanikarã, haburã, hatu kẽwãkubaĩmisbuki. Hakia tsuara tatima unaĩsmaparã, hawa hatu kẽwãma danãkubaĩmisbuki.

Miquéias 3:11

Shanẽ ibu beshmas unãti wanikabũ nukũ mae anushũ hune pei bikatsi hatũ txakabu pewakĩ hatu parãmisbuki. Deusbe nukunabu hãtxashunikabũ hatu yusĩkinã, pei binũ ishũ besti hatu yusĩkubaĩmisbuki. Hamẽ Deusũ hãtxa yuishunikabũ Senhor Deusũ haska akaiwẽ benimawai dabanẽ Deusũ unãmashina yuikatsi pei bitã hatu yuikĩ: “Nukũ shanẽ ibu Senhor Deusrã, nukubeki, nuku mekekubainairã. Nuku merabewamiswẽ taea hawa txakabu nuku anu hutirumaki”, iwanã, “hatu yuimisbuki.

Malaquias 2:3

Haska wakĩ matũ kushipa mebĩtã habũ ea kẽwãkatsi ikĩ hatũ ina beabu hatũ inapã pui matũ besuki ẽ putashanaii. Txipu habũri hatũ inapã pui matuki tsamia hayabi maturi putashãkanikiki.

Malaquias 2:8

Hakia ebe matunabu hãtxashunikabuũ, hiwea pepa ea anua mã ma ea pashkabuki. Mã hatu yusĩ txakaiwẽ taeshũ yura itxapabu benukanikiki. Haska wakĩ ẽ Levibe yubakani matubũ txakabuwakĩ mã atimapawaii.

Lucas 10:29

ibubis penũ ishũ Jesus yukakĩ: —Ẽ habube hiwearã, tsuabumẽ?— aka

Lucas 11:42

Fariseubuũ, mã peirawa! Matunã, mã kanekubaĩmisbuki. Matũ piti nis wati itxawashũ maspu mekẽ dabeti washũ bestitxai Deus kẽwãti hiwe anu dayanikabu merabewakĩ mã hatu inãkuĩmiski. Haska pewabiai haska Deusũ hãtxa Moisés yusĩni mã xinãma hawara hawẽ pepawati inũ hawẽ nuiti inũ hawẽ hãtxa betsa watima yunubianikẽ matubu hawẽ hiwekĩ mã hatu uĩmaismaki, kanekinã.

Gálatas 2:6

Jesusũ tsumabu unãnepabu habu hatu nĩkamisbu shanẽ ibubiabũ habũ hawa hãtxa bena betsa ea yuiama inibuki. Hakia txanima bemakis nũ hatu uĩkĩ xinãkĩ kẽwãbiamiskẽ haska Deusũ bemakisa xinãkĩ unãti waismaki. Haska katukinã, hatũ huĩti uke merã uĩmiswẽ taea haskawẽ ẽ nuiamaki.

1 Samuel 2:30

hanua Israelĩ enabu mekenika Senhor Deusũ ana mikiri yuikĩ: ‘Ebe hãtxashunikabu hau ikubaĩshanũbũ mĩ shenipabu Arãonẽ enabu ẽ hatu yubaniki, minabu dikabikirirã. Haska ẽ hatu yubani ẽ ana shinãkatsi ikamaki. Habũ ea duawaibu besti eãri ẽ hatu duawashanaii. Hakia habũ ea danaĩbu eãri ẽ hatu danãriashanaii. Ẽ Senhor Deusũ shabakabi ẽ mia yuaii.